प्रकाश 20:12 - परमेस्वर को सच्चो वचन

¹² और मैं छोटे-बड़े सब मरे भैन कै सिंहासन के सामने ठाड़े भै देखो। और किताब खोली गईं; और फिर एक और किताब खोली गई, मतलब जिंदगी की किताब। मरे भैन को न्याय बाके जरिया करे गै काम के अनुसार करो गौ, जैसो कि किताब मैं लिखो है।

राना थारु नयाँ नियम

^12-13 और मरे भए आदमीनके सिंहासनके अग्गु ठाणे देखो, अथवा बे, जो साधारण और महत्त्वपूर्ण रहएं। बे, जो समुन्दरमे डुबके मरे रहएं, और पाताल फिर चिहानमे भए सबए मरे भए आदमी, और बे सब जो मरे भए आदमीनके ठिहामे रहएं, बे सब बो सिंहासनके अग्गु ठाणे। बो जीबनको किताब खुलोगओ जोमे बे आदमीनको नाउँ लिखो रहए, जोके सँग कभी फिर अन्त नाए होन बारो जीबन रहए। बो जीबनको किताब फिरसे खुलोगओ जोमे आदमी जो-जो काम करी रहएं बो लिखो रहए। और हर आदमी जो करी रहएं, बोके अनुसार उनको न्याय करोगओ, जो बो किताबमे लिखो रहए।

प्रकाश 20:12 Iomraidhean Croise

मत्ती 11:22

मैं तुम्हैं बिस्वास दिलाथौं कि न्याय के दिन परमेस्वर तुमसे जाधे सूर और सैदा के लोगन ऊपर दया करैगो।

मत्ती 16:27

इंसान को लौड़ा अपने स्वर्गदूत के संग अपने दऊवा की महिमा मैं आगो, और बौ समय ‘बौ सबन कै उनके कामन के हिसाब से फल देगो।’

लूका 10:20

तहुँओं जासे खुस मत होबौ, कि बुरी आत्मा तुमरी बात मानथैं; पर तुम जासे खुस रहबौ कि तुमरो नाओं स्वर्ग मैं लिखे गै हैं।”

प्रेरित 24:15

परमेस्वर से मेरी जहे आसा है कि जे खुदै, मतलब, गैरविस्वासी, धर्मी और अधर्मी दोनों, मौत से जी उठंगे।

रोमियों 2:6

परमेस्वर सबन कै उनके करमन के हिसाब से फल देगो।

1 कोरिन्थी 4:5

इसलै तुमकै सई समय आन से पहले कोई के ऊपर फैसला लागू ना करनो चाहिए। आखरी फैसला प्रभु के आन तक असियानो चाहिए; बौ अंधियारे रहस्यन कै उजिते मैं लागो और लोगन के मन के छिपे उद्देस्यन कै उजागर करैगो। और तौ सब परमेस्वर से बे बड़ाँईं पांगे जिनके बे हकदार हैं।

2 कोरिन्थी 5:10

काहैकि हम सबकै बाके सामने न्याय करन के ताहीं, मसीह के अग्गु हाजिर होनो चाहिए। हम हर एक पामंगे जो हमरे लायक है, हम जो कछु अपने सरीर के जरिया करे हैं बाके हिसाब से, हमरे जिंदगी मैं अच्छो या बुरो।

फिलिप्पी 4:3

और तुम्हऊँ, मेरे दूसरे सहकर्मी हैं उनके संग भौत मेहनत करीं हैं मैं चाहथौं कि तुम इन बईंय्यरन की मदत करौ; काहैकि बे मेरे संग सुसमाचार कै फैलान के ताहीं बड़ा मेहनत करीं हैं, संग मैं क्लेमैस और मेरे संग के मेहनत करीं, जिनके नाओं परमेस्वर के पास जिंदेन की किताब मैं लिखे हैं।

प्रकाश 11:18

गैर यहूदि गुस्सा से भर गै, काहैकि तुमरे ऊपर गुस्सा करन को समय आए गौ है, मरे भैन को न्याय करन को समय आए गौ है। अपने सेवक, भविस्यवक्तन और पवित्र लोगन कै इनाम देन को समय आए गौ है, जो तेरे ताहीं आदर रखथै चाँहे बे छोटे-बड़े के जैसे होमैं। पृथ्वी कै नास करन बारेन कै नास करन को समय आए गौ है!”

प्रकाश 13:8

पृथ्वी मैं रहन बारे सब लोग बाकी आराधना करंगे, सिवाय बे लोगन के जिनके नाओं दुनिया की रचना से पहले बौ जिंदगी की किताब मैं लिखे गै रहैं, जो बौ मेम्ना को है जो घात करो गौ रहै।

प्रकाश 17:8

बौ जानवर कहु जिंदो रहै, लेकिन अब जिंदो ना है; बौ अथाह कुंड से निकरकै बिनास मैं पड़ैगो, और पृथ्वी मैं रहन बारे जिनके नाओं जीवितन कि किताब मैं दुनिया बनान से पहले नाय लिखे गै हैं, बे सब जानवर कै देखकै अचम्भित होमंगे। जौ अब जिंदो नाय है, लेकिन जौ फिर से आबैगो।

प्रकाश 19:5

फिर सिंहासन मैं से जौ अबाज निकरी, “हमरे परमेस्वर की स्तुति करौ, बाके सब डरान बारे सेवकौ और सब लोग, का छोटे, का बड़े, जो बाको आदर करथैं!”

प्रकाश 2:23

मैं बाके अनुसरँड़ करन बारेन कै मार डारंगो, तौ सब कलीसिया जानंगी कि मैं बहे हौं जो सबन के मन और इच्छा कै जानथौं। और मैं ही तुमकै बाके कामन के हिसाब से बदला दुंगो।

प्रकाश 20:11

फिर मैं एक बड़ो सफेद सिंहासन और बामै बैठन बारे कै देखो, पृथ्वी और स्वर्ग बाकी गैरहाजरी से भाज गै हैं और अब नाय देखे गै।

प्रकाश 20:13

फिर समुंदर मरे भैन कै छोड़ दई, मौत और नरक भी अपने झोने रखे मरे भैन कै छोड़ दई। और जो कुछ बे करीं रहैं बाके हिसाब से सबको न्याय करो गौ।

प्रकाश 20:15

जिन लोगन को नाओं जिंदगी की किताब मैं नाय लिखो भौ मिलो, उन्हैं आगी की झील मैं डारो गौ।

प्रकाश 21:27

लेकिन कोई असुद्ध चीज सहर मैं न घुस पाबैगी, और न लज्जित करन बारो और न झूठ बोलन बारो। सिरफ बे इंसान जिनके नाओं मेम्ना के जिंदगी की किताब मैं लिखे हैं, बे ही सहर मैं प्रवेस करंगे।

प्रकाश 22:12

“सुन!” ईसु कहथै। “मैं जल्दिये आए रहो हौं! मैं अपनो प्रतिफल अपने संग लांगो, कि हर एक कै बाके काम के हिसाब से देमौं।

प्रकाश 3:5

जो बिजय होंगे जहे तरीका से सफेद लत्ता पहनाओ जागो, और मैं बाको नाओं जिंदगी की किताब मैं से ना हटांगो। मैं अपने दऊवा और बाके स्वर्गदूतन के सामने ऐलान करंगो की बे मेरे हैं।”