हिब्रू 6:19 - परमेस्वर को सच्चो वचन

¹⁹ हमरे पास जौ आसा हमारी जिंदगी के ताहीं एक लंगर के रूप मैं है। बौ सुरक्छित और पक्को है, और स्वर्गिय मंदिर के परदा से होत भै भीतरी पवित्र स्थान मैं जाथै।

राना थारु नयाँ नियम

¹⁹ हमरे सँग भओ आत्माके ताहीं जा आसरा मजबुत हए और हलान नाए सिकंगे। जा हमके परमेश्वरसे दुर नाए लैजात हए, बरु जा हमके परमेश्वर ठिनको मन्दिर भितरको परमपबित्र ठाँउमे लैजात हए।

हिब्रू 6:19 Iomraidhean Croise

मत्ती 27:51

तौ मंदिर मैं लटको भौ परदा ऊपर से तरे ले दुई हिस्सन मैं फट गौ। धरती हिल गई, चट्टानैं अलग हुई गईं,

प्रेरित 23:6

तौ पौलुस जौ जानकै, कि एक गुट सदूकियन को और दुसरो फरीसियन को है, महासभा मैं चिल्लाए कै कही, संगी इस्राएलियौ! मैं फरीसी और फरीसियन के पीढ़ी को हौं, मरे भैन की आसा और दुबारा जी उठन के बारे मैं मेरो फैसला हुई रहौ है!”

प्रेरित 27:29

तौ पथरा बारी जघा मैं टकरान की डर से बे जहाज के पच्छू चार लंगर डारीं, और भोर होन के ताहीं प्रार्थना करत रहै।

प्रेरित 27:40

तौ बे लंगरन कै खोलकै समुंदर मैं डार दईं और बहे समय पतवारन कै पकड़नबारी रस्सी खोल दईं और ब्यार के अग्गु बारो पाल चढ़ायकै डींड़े घाँईं निगैं।

रोमियों 4:16

और जहे बजह से वादा बिस्वास और अनुग्रह मैं आधारित रहै, ताकी वादा कै अब्राहम के सबै बंसज के ताहीं परमेस्वर के मुफ्त उपहार के रूप मैं पक्को करनो चाहिए सिरफ बे आदमिन के ताहीं नाय जो नियम को पालन करथैं, पर बे आदमिन के ताहींयों जो अब्राहम के जैसी मानथैं काहैकि अब्राहम हम सबन को आत्मिक दऊवा है;

रोमियों 4:18

अब्राहम निरासा मैं भी आसा धरकै बिस्वास करी, हिंयाँ ले कि जब उमीद के ताहीं कोई कारड़ नाय रहै, और तभईये “निरे देसन को बाबा बन गौ।” जैसी सास्त्र कहथै, “तेरो बंसज तारा जित्तो होगो।”

रोमियों 5:4

और धीरज से खरो निकरनो, और खरो होन से आसा मिलथै।

1 कोरिन्थी 13:13

पर अब बिस्वास, आसा, प्यार जे तीनौ स्थाई हैं, और जे तीनौ मैं सबसे बड़ो प्यार है।

1 कोरिन्थी 15:58

तौ मेरे प्रिय भईय्यौ और बहेनियौ, मजबूत रहकै अटल रहबौ, प्रभु के काम मैं सदा बढ़ते जाबौ, तुम जानथौ कि तुमरी मेहनत प्रभु मैं बेकार नाय है।

इफिसियों 2:6

और मसीह ईसु मैं बाके संग उठाई, और स्वर्गिय जघा मैं बहे के संग बैठाए दई ताकी बाके संग राज्य करन के ताहीं।

कलस्सी 1:27

परमेस्वर की योजना है कि बौ अपने लोगन कै अपनो रहस्य बताबै, जौ समृद्ध और गौरवसाली रहस्य जो बाके पास सब जनी के ताहीं है। और रहस्य जौ है कि मसीह तुमरे मन मैं बास करथै, जोको मतलब है कि तुम परमेस्वर की महिमा मैं आस रखथौ।

कलस्सी 3:1

तौ जब तुम मसीह के संग जिंदे भै, तौ स्वर्ग की चीजन की खोज मैं रहबौ, जहाँ मसीह अभै है और परमेस्वर के दहने घाँईं बैठो है।

2 तिमोथी 2:19

लेकिन परमेस्वर जो ठोस बुनियाद डारी है बाकै हीलाओ नाय जाए सकथै; और बाके ऊपर जे सब्द लिखे गै हैं: “प्रभु जानथै कि जो बाको नाओं लेथैं, उनकै अधर्म के कामन से दूर रहनो चाहिए।”

हिब्रू 4:16

तभई आबौ, हम अनुग्रह के सिंहासन के झोने हिम्मत भाँदकै चलैं, कि हमरे ऊपर दया होबै, और बौ अनुग्रह पामैं, जो जरूरत के समय हमरी मदत करै।

हिब्रू 9:3

और दूसरे परदा के पिच्छू बौ तम्बु रहै, जो परम पवित्र जघा के नाओं से जानो जात रहे।

हिब्रू 9:7

लेकिन दुसरे मैं बस बड़ो पुजारी साल भर मैं ऐकै बार जाथै; और बिना खून लैकै नाय जाथै; जोकै बौ अपने ताहीं और लोगन की भूल चूक के ताहीं चढाथै।

1 पतरस 1:3

आबौ हम अपने प्रभु ईसु मसीह और परमेस्वर दऊवा को धन्यवाद करैं! अपनी महान दया के कारड़ बे ईसु मसीह कै मौत से जिंदो उठाएकै हमैं एक नई जिंदगी दई। जौ हमैं एक जिंदी आसा के आर्सिवाद से भर देथै,