हिब्रू 10:29 - परमेस्वर को सच्चो वचन

²⁹ तौ सोच लियौ कि बौ कितने औरौ कितने बड़े दन्ड के लायक ठहरैगो, जो परमेस्वर के लौड़ा कै पाँव से रौंदो, और वाचा के खून कै जोके जरिया बौ पवित्र ठहराओ गौ रहे, अपवित्र जानी है, और अनुग्रह की आत्मा की बेजती करी।

राना थारु नयाँ नियम

²⁹ अगर मोशाको नियम कानुन अनुसार सजाय उइसीयए रहए कहेसे, जौन परमेश्वरको लौंणाके स्वीकार नाएकरैगो बोके औ जद्धा सजाय होबैगो। बो परमेश्वरको लौंणाको पाउँसे कुल्चदइ हए, जौनके बो आदर नाए करत हए। बो ख्रीष्टको खुनके अशुद्ध मानत हए, जौन परमेश्वर बोके पबित्र बनानके ताहीं नयाँ करार सुरु करी। बो पबित्र आत्माके अपमान करी, जोसे बो अनुग्रह पाइ रहए।

हिब्रू 10:29 Iomraidhean Croise

मत्ती 26:28

काहैकि जौ मेरो वाचा को खून है, जो निरेन के ताहीं पापन की माफी के ताहीं बहाओ जाथै।

मत्ती 7:6

“पवित्र चीज कुत्तन कै मत दियौ, और अपने मोती सोरा के अग्गु मत डारौ; ऐसो ना होबै कि बे उनकै टाँग तरे रौंद डारैं और कुत्ता तुम्हैं पलटकर फाड़ डारैं।”

मर्कूस 7:2

और बे बाके कुछ चेलन कै रीत के हिसाब से छिया-पछारे हातन से खानु खात भइ देखीं, बे फरीसियन के कहेन के हिसाब से खान से अग्गु हात नाय धोईं रहैं।

लूका 12:10

“जो कोई भी इंसान के लौड़ा के खिलाप एक सब्द कहथै उनकै माफ करो जा सकथै; लेकिन जो कोई भी पवित्र आत्मा के खिलाप बुराई करथै, बाकै कहुए माफ ना करो जा सकथै।”

यूहन्ना 10:36

तौ जोकै दऊवा पवित्र मानकै जौ दुनिया कै समर्पित करी है, तुम बासे कहथौ, तैं परमेस्वर कि बुराई करथै इसलै कि मैं कहो, ‘मैं परमेस्वर को लौड़ा’ हौं?

यूहन्ना 17:19

और उनके ताहीं मैं अपने आपकै खुद समरपड़ करो हौं, ताकी बेऊँ सच्ची मैं तुमरे झोने समर्पित होमैं।

प्रेरित 7:51

“तुम कित्ते जिद्दी हौ!” कहनै मैं स्तिफनुस चले गौ। “तुम अपने मन कै कित्तो पवित्र करथौ, तुम परमेस्वर के संदेस मैं कित्ते ध्यान देनबारे हौ! तुम अपने पुरखन के हानी हौ: तुम हमेसा पवित्र आत्मा को बिरोध करे हौ!

रोमियों 16:20

सांति को परमेस्वर जल्दियै सैतान कै तुमरी टाँग के तरे कुचल देगो, हमरे प्रभु ईसु मसीह की दया तुमरे ऊपर बनी रहबै।

1 कोरिन्थी 11:27

तभई जो कोई गलत तरीका से प्रभु की रोटी खाथै, या बाके कटोरा मैं से पीयै, बौ प्रभु की सरीर और खून को अपराधी होगो।

1 कोरिन्थी 11:29

जो प्रभु की सरीर कै खात-पीत फैसला नाय करै, तौ बौ खान और पीन से अपने ऊपर मुकदमा लाथै।

1 कोरिन्थी 15:25

जबले परमेस्वर अपने बैरियन कै अपने टाँगन तरे नाय लैयाबै, तौले मसीह को राज्य करनो जरूरी है।

1 कोरिन्थी 15:27

“काहैकि सास्त्र कहथै, परमेस्वर अपने पैर के तरे जौ सब कछु करी।” जौ सपा है कि पक्के रूप से, “सब बातैं” बाके हक मैं कर दौ गौ है, तौ जरूर है कि जो सबै कछु बाके हक मैं कर दई, बौ खुदै अलग रहो।

1 कोरिन्थी 6:11

और तुम मैं से कित्ते समर्पित रहैं, लेकिन तुम प्रभु ईसु मसीह के नाओं से और हमरे परमेस्वर की आत्मा से धोए गै हौ, और पवित्र भै और धर्मी बने।

इफिसियों 4:30

और परमेस्वर की पवित्र आत्मा कै दुखी मत करौ; काहैकि आत्मा तुमरे ऊपर परमेस्वर के गुरुजी होन की छाप है, और बौ जौ बात कै पक्को करथै कि बौ दिन आगो जब परमेस्वर तुमकै छुटकारा देगो।

इफिसियों 5:26

बौ कलीसिया कै अपने बचन से पानी से हंदबाय कै सुद्ध करन के बाद परमेस्वर कै समर्पित करन के ताहीं, जौ सब करी रहै।

हिब्रू 10:10

तौ परमेस्वर की इच्छा से हम ईसु मसीह के सरीर के एकै बार बलिदान चढ़ाय जान के जरिया पवित्र करे गै हैं।

हिब्रू 12:25

चहाचीते रहबौ, और बौ कहनबारे से मोहों मत मुरकाबौ, काहैकि लोग जब धरती मैं के चितौनी देनबारे से मोहों मुरकाए कै नाय बच सके, तौ आपन स्वर्ग मैं से चितौनी देनबारे से कैसे बच पांगे?

हिब्रू 13:20

सांति को परमेस्वर जो हमरे प्रभु ईसु भेंड़न को बरदिया है, अनंत वाचा के खून के जरिया बाकै मौत से जिलाएकै लै आई,

हिब्रू 2:11

काहैकि पवित्र करन बारो और जो पवित्र करे जाथैं, सब एकै मूल से है, मतलब परमेस्वर, जहे के मारे ईसु उनकै भईय्या कहेन से नाय सरमाथै।

हिब्रू 2:3

तौ आपन सब जनी ऐसे बड़े उद्धार से बिना खटके कैसे रह सकथैं? जोकी बातचीत पहले-पहलान प्रभु के जरिया भइ, और सुनन बारेन के जरिया हमकै बिस्वास भौ।

हिब्रू 4:14

तौ हम बौ बिस्वास कै मजबूत से पकड़थैं जोकै हम मानथैं। काहैकि हमरे झोने एक महान बड़ो पुजारी है जो परमेस्वर के झोने स्वर्ग मैं गौ है, परमेस्वर को लौड़ा ईसु।

हिब्रू 6:4

जो लोग अपने बिस्वास कै छोड़ देथैं, उनकै दुबारा पस्चाताप करन के ताहीं कैसे लाओ जाए? बे पहले परमेस्वर के उजीते मैं रहैं; बे स्वर्गिय दान को सुआद चखीं और पवित्र आत्मा के भागीदार बने।

हिब्रू 6:6

और फिर बे अपनो बिस्वास छोड़ दईं। उन्हैं मन फिरान के ताहीं दुबारा से नया बनानो नामुमकिन है, काहैकि बे अपने ताहीं परमेस्वर के लौड़ा कै दुबारा क्रूस मैं टाँगथै, और खुलेआम बाकी बेजती करथैं।

हिब्रू 9:13

काहैकि जब बकरन और बरधन के खून और कलोर की राख अपवित्र लोगन के ऊपर छिड़कन से सरीर की सुद्धता के ताहीं पवित्र करथै।

हिब्रू 9:20

और कही, “जौ बौ वाचा को खून है, जोकी आग्या परमेस्वर तुम्हारे ताहीं दई रहै।”

प्रकाश 1:5

और ईसु मसीह के घाँईं से, भरोसा के काबिल गभा है, जो मौत से पहलिये जिलाओ गौ, और जो दुनिया के सब राजन को मुखिया भी है। बौ हमसे प्यार करथै, और अपने खून के जरिया बौ हमैं हमरे पापन से आजाद करी है।