၂ တိမောသေ 4:14 - ဓမ္မသစ်ကျမ်း ရခိုင်ဘာသာစကား

¹⁴ ကြီးထည်သွန်းလုပ်သူ အာလေစန္ဒြုသည် ငါ့ကို အလွန် ဒုက္ခပီးခ၏။ သူလုပ်ခသည့်အတိုင်း သခင်ဘုရားသည် သူအား ပြန်၍ ပီးဆပ်လိမ့်မည်။

၂ တိမောသေ 4:14 Iomraidhean Croise

ရောမ 12:19

ငါ့မိတ်ဆွီရို့၊ မည်သည့်အခါမျှ ရန်တုန့်ပြန်ခြင်း မပြုကတ်ကေ့၊ ဘုရားသခင်၏အမျက်တော်ကို အခွင့်ပီးကြလော။ ကျမ်းစာလာသည်ကား၊ “ငါသည် အပြစ်တရားကို စီရင်ပိုင်၏။ အပြစ်ဟိသည့်အလျောက် ငါ ပြန်၍ ပီးဆပ်လိမ့်မည်” ဟု ထာဝရဘုရားက မိန့်တော်မူ၏။

ရောမ 2:6

အကြောင်းမူကား ဘုရားသခင်သည် လူအသီးသီးရို့အား မိမိရို့ ပြုကျင့်သည့်အတိုင်း အကျိုးအပြစ်ကို ပီးတော်မူလိမ့်မည်။

၂ သက်သာလောနိတ် 1:6

ဘုရားသခင်သည် ဖြောင့်မတ်စွာ စီရင်တော်မူသောအသျှင် ဖြစ်တော်မူသည့်အတိုင်း သင်ရို့ကို ဒုက္ခရောက်စီသော သူရို့အား ဒုက္ခ ရောက်စီတော်မူလိမ့်မည်။

၁ တိမောသေ 1:20

ထိုသူရို့အထဲတွင် ဟုမေနဲနှင့် အာလေဇန္ဒြုလည်း ပါ၏။ သူရို့သည် ဘုရားသခင်ကို ပြစ်မှားပြောဆိုခြင်း မပြုမည်အကြောင်း ဆုံးမခြင်းကို ခံရကြစီခြင်းငှာ ငါသည် ထိုသူရို့အား စာတန်မာရ်နတ်၏ လက်သို့ အပ်ပီးလိုက်၏။

၂ တိမောသေ 4:15

သင်ကိုယ်တိုင် သူ့ကို သတိပြုလော့၊ အကြောင်းမူကား သူသည် ငါရို့၏တရားတော်ကို ပြင်းထန်စွာ ဆန့်ကျင်သောသူ ဖြစ်၏။

၁ ယောဟန် 5:16

သင်ရို့၏ ညီအစ်ကိုမောင်နှမသည် မသီထိုက်သောအပြစ် ကျူးလွန်နိန်သည်ကို တစ်စုံတစ်ယောက်သည် မြင်လျှင် ထိုသူသည် ဘုရားသခင်ထံ ဆုတောင်းရမည်။ ဘုရားသခင်သည် သူ့ရို့အား အသက်ကို ပီးတော်မူလိမ့်မည်။ မသီထိုက်သောအပြစ် ကျူးလွန်သူများအတွက်သာ ဤသို့ ဆုတောင်းပီးရန် ဖြစ်သည်။ သို့ရာတွင် သီထိုက်သောအပြစ် ဟိသည်။ ထိုအပြစ်မျိုးကို ကျူးလွန်သူအတွက် ဆုတောင်းပီးရမည်ဟု ငါမဆို။

ဗျာဒိတ်တော် 18:20

ကောင်းကင်ဘုံသားရို့၊ ထိုမြို့ ပျက်စီးသည့်အတွက် ဝမ်းမြောက်ကြလော့။ ဘုရားသခင်၏လူများ၊ တမန်တော်များ၊ ပရောဖက်များ ဝမ်းမြောက်ကြလော့။ အကြောင်းမူကား ထိုမြို့သည် သင်ရို့အား ပြုခသမျှအတွက် ဘုရားသခင်သည် ထိုမြို့ကို ပြစ်ဒဏ်စီရင်တော်မူယာ။

ဗျာဒိတ်တော် 18:6

သူမသည် သင်ရို့အား ပြုသည့်အတိုင်း သူမအား ပြုကြလော့။ သူမပြုသော အရာအားလုံးအတွက် နှစ်ဆပီးဆပ်ကြလော့။ သင်ရို့အဖို့ သူမပျင်ဆင်ပီးသော ဖလား၌ နှစ်ဆပြင်းစွာသော သောက်စရာကို သူမအဖို့ ပျင်ဆင်ပီးကြလော့။

ဗျာဒိတ်တော် 6:10

ထိုဝိညာဉ်များက “သန့်ယှင်းဖြောင့်မှန်တော်မူသော အနန္တတန်ခိုးသျှင်၊ အကျွန်ရို့အား သတ်ဖြတ်ခသည့် အပြစ်အတွက် လောကီသားရို့အား ဇာကာလတိုင်အောင် တရားမစီရင်၊ အပြစ်ဒဏ်မပီးဘဲ နိန်တော်မူမည်နည်း” ဟု ကျယ်သောအသံဖြင့် ဟစ်အော်ကြ၏။