Mateo 5:6 - WURUBURƐ NOMBIA KPAAKPAA NƆƆKEBAKESEE WƆLE

⁶ Ɛmɛɛ baŋ ɛ loo gyakaa nideli nyi ɛ ke yɛɛ kpene keŋ tenɛɛ Wurubuarɛ siaman nɛ ɛmɛɛ na nyeebam, nawolo nyi Wurubuarɛ waa fa ŋon abɔɔ ŋan ɛ ne gyae lee ɛ konɔɔ man nɛ.

Mateo 5:6 Iomraidhean Croise

Luka 1:53

Ɔ te yeli baŋ tanam na ko wɔ nɛ te nyiŋ abɔɔ kpaakpaa, te ɔ yela baŋ be dana kɔba nɛ laŋawɔ nyiŋmaase kufu nawɔɔ kufu.

Luka 6:21

Ɛmɛɛ baŋ tanam dana ŋon debokeiman nɛ ɛmɛɛ na nyeebam, nawolo nyi ɛmɛɛ ne gyaela ɛ kaa baa. Ɛmɛɛ baŋ ɛ ne wii debokeiman nɛ ɛmɛɛ na nyeebam, nawolo nyi ɛmɛɛ ne gyaela ɛ kaa boŋo.

Luka 6:25

Ɛmɛɛ baŋ ɛ be dii baa debaŋ kei nɛ ɛ laako, nawolo nyi tanam gyae kaa ko ŋon. Ɛmɛɛ baŋ ɛ na boŋo debaŋ kei nɛ ɛ laako, nawolo nyi yaa kaa wii na ɛ ke di walaŋsa.

Gyɔn 4:14

Mɔna walaŋ kamasɛ ŋon waa nyɔɔ loŋ keŋ maa fa e nɛ, loŋboaneŋ be gyae ka ko e bela ya. Loŋ keŋ maa fa e nɛ gyae ke doo ɔ man ŋgba ditiribuŋ nɛ, na ka ke fa e nyeedoŋ loŋ na waa nyiŋ nyeedoŋ kekpaakekpaa.”

Gyɔn 6:27

Ɛ na naase ɛ wose diyem gyae weenɛɛ ŋan gyae kewɔlɛɛ nɛ ya, mɔna ɛ yɛɛ kakyeŋ gyae weenɛɛ ŋan gyae kefa ŋon nyeedoŋ kekpaa keŋ nɛ. Weenɛɛ kɛŋa te maŋ Deniwalaŋ Bu ŋon maa fa ŋon, nawolo nyi me kya Wurubuarɛ ta mo ɔ doŋ do me man keŋ nawolo nyi ɔ te lɛɛ maŋ do.”

Gyɔn 7:37

Gyudatena kefɛɛse man kekyaa weekedi ɔtomante keŋ nɛ, Yesu korowɔ seŋ te ɔ gyinaa ɔ nɔɔ kolosi te ɔ yako wɔ nyiaa, “Akpaa nyaŋ ŋon loŋboaneŋ dana neŋ na kɔŋ me gyaŋ na n kaa nyɔɔ loŋ.

Kalesewola 7:16

Tanam be gyae ka ko wɔ bela ya, te loŋboaneŋ mɔ be gyae ka ko wɔ bela ya. Weese be gyae waa nyakee wɔ ya, te duwulawula mɔ be gyae ke nyiŋ wɔ ya.