Mateo 2:2 - WURUBURƐ NOMBIA KPAAKPAA NƆƆKEBAKESEE WƆLE

² kaa bɔɔse balaŋ nyiaa, “Aleŋ te ba lola bu ŋon waa kaa bese Gyudatena gyoo nɛ? Da te naa kyolobii ŋolo weese dɛɛlee yenaŋ keŋ na wola daa nyi be ta lola e, mena dɔɔ te de kɔŋawɔ de kaa som e.”

Mateo 2:2 Iomraidhean Croise

Mateo 2:3

Gyoo Herode na baŋ pou be kyaa Gyerusalɛm donɔɔ man ke nyii nombia kɛŋa nɛ, takaa wɔ nideli.

Mateo 21:5

Ɔ yakowɔ nyiaa, “Ɛ yako Gyerusalɛmtena nyiaa, ‘Ɛ kɛɛ! Ɛ gyoo ne kɔŋ ɛ gyaŋ. Ɔ te yɔkɔse ɔ wose, te ɔ kyaa afurum dɔɔ. Ɔ kyae afurum bu dɔɔ ɔ ne kɔŋ.’ ”

Mateo 27:11

Keŋte ba moo Yesu kaa seŋ Pilato ŋon ɔ seŋɛɛ Romantena gyoo dinaa nawɔɔ man nɛ siaman. Te Pilato bɔɔse e nyiaa, “Nyaŋ yɛna Gyudatena gyoo ŋon?” Te Yesu tiranɔɔ fa e nyiaa, “Keŋ yaa n yakowɔ nɛ.”

Luka 19:38

Be fae yeesa yako nyiaa, “Ɛ fa dɛɛ lese gyoo ŋon ɔ ne kɔŋ de Gbeŋgyoo Wurubuarɛ yele man nɛ yele. Wosefɛɛreŋ dɛɛ kyaa adido, te Wurubuarɛ ŋon ɔ kyaa adido mɔ nɛ gyoorobiiri dɛɛ kaboena e.”

Luka 2:11

Nawolo nyi gyɛŋ wee kei nɛ, be ta lola ɛ nyeelɛɛre fa ŋon gyoo Defidi donɔɔ Bɛtelɛhɛm man. Ŋon yɛna de Gbeŋgyoo Kristo, (walaŋ ŋon Wurubuarɛ be yako see nyi waa kaa lɛɛ ɔ balaŋ nyee nɛ).

Luka 23:3

Botɔɔ te Pilato bɔɔse Yesu nyiaa, “Nyaŋ yɛna Gyudatena gyoo ŋon?” Te Yesu tiranɔɔ nyi, “Mena yaa n yakowɔ nɛ.”

Luka 23:38

Te be ŋmarase nombia kɛŋa see ɔ nyee adido nyiaa, “kei yɛna gyudatena gyoo ŋon.”

Gyɔn 1:49

Keŋte Natanɛle torowɔ yako nyiaa, “De Gbeŋgyoo, nyaŋ yɛna Wurubuarɛ bu ŋon! Nyaŋ yɛna Iseraetena gyoo ŋon!”

Gyɔn 12:13

Mena dɔɔ be gyae bakɛɛna faareŋse gyu be kaa gyaŋee na e na bɛɛ fae yeesa nyiaa, “Lɛɛ daa. De Gbeŋgyoo Wurubuarɛ waa hiraa walaŋ ŋon ɔ ne kɔŋ ɔ yele man nɛ, na waa hiraa Iseraetena gyoo ŋon mɔ.”

Gyɔn 18:37

Keŋte Pilato yako e nyiaa, “Kenaŋ na ŋgba n yɛɛ gyoo e baa?” Te Yesu tiranɔɔ nyiaa, “Keŋ yaa n yakowɔ nɛ. Mena nombia kɛŋa dɔɔ te ba lola maŋ, te ŋan mɔ dɔɔ te me kɔŋawɔ tɛɛle kei dɔɔ na me kaa yako anokoare keŋ. Walaŋ kamasɛ ŋon ɔ ne gyae anokoare keŋ nɛ ɔ ne tei maŋ.”

Gyɔn 19:19

Keŋte kegyia Pilato yela be ŋmarase nɔɔwoya kɛŋa mataa na ɔpaŋdaŋ keŋ. Nɔɔwoya ŋenaŋ yɛna nyiaa, “yesu nasarɛte baale, gyudatena gyoo ŋon.”

Gyɔn 20:28

Botɔɔ te Tomase tiranɔɔ nyiaa, “Nyaŋ yɛna me Gbeŋgyoo na me Wurubuarɛ.”

Gyɔn 5:23

na balaŋ pou ke nyiŋ lese maŋ ɔ bu ŋon yele ŋgba mena keŋ bɛɛ lese me kya ŋon yele nɛ. Walaŋ ŋon ɔ bɛɛ lese maŋ ɔ bu ŋon yele ya na, ɔ bɛɛ lese me kya ŋon ɔ be kpila maŋ ɔ bu ŋon nɛ yele ya.

Gyɔn 9:38

Te balee ŋon yakowɔ nyiaa, “Mɛɛ lɛɛ e di me Gbeŋgyoo.” Te ɔ buŋawɔ Yesu siaman som e.

Hiburutena 1:6

Mɔna debaŋ keŋ Wurubuarɛ ne gyae waa kpila ɔ bu kegyia nyi waa kɔŋ tɛɛle kei dɔɔ nɛ ɔ yakowɔ nyiaa, “Kaboena nyi Wurubuarɛ kpilala pou baa som e.”

Kalesewola 22:16

Keŋte Yesu besewɔ yako nyi, “Maŋ kpila na me kpilale ɛ gyaŋ nyi ɔ kaa yako nombia kɛŋa fa Kristotena baŋ. Ma lee gyoo Defidi duuluŋ man. Maŋ yɛna nebo kyolobii ŋon ɔ ne ŋalakee nideli nɛ.”