Mateo 11:3 - WURUBURƐ NOMBIA KPAAKPAA NƆƆKEBAKESEE WƆLE

³ baa gyu ke bɔɔse Yesu nyiaa, “Nyaŋ yɛna walaŋ ŋon Wurubuarɛ be yako see nyi nyaŋ ke kɔŋ nɛ yaa, dɛɛ kɛɛ walaŋ wɔle gbɛɛ?”

Mateo 11:3 Iomraidhean Croise

Mateo 11:10

Nawolo nyi Gyɔn kei yɛna ŋon bɔɔ yako ɔ wose man nombia Wurubuarɛ nombia aŋmaraseŋ see man nɛ nyiaa, ‘Wurubuarɛ kpa, mee kpila me kpilale ke ta n siaman, ŋon ne gyae la waa desina n gbɛɛ fa neŋ.’

Mateo 11:4

Be ke gyu ke bɔɔse Yesu nɛ te ɔ tiranɔɔ fa wɔ nyiaa, “Ɛ bese gyu ke yako Gyɔn kpene keŋ ɛ be nyii na ɛ deŋela, na ŋan ɛ be naa na ɛ sia.

Mateo 21:5

Ɔ yakowɔ nyiaa, “Ɛ yako Gyerusalɛmtena nyiaa, ‘Ɛ kɛɛ! Ɛ gyoo ne kɔŋ ɛ gyaŋ. Ɔ te yɔkɔse ɔ wose, te ɔ kyaa afurum dɔɔ. Ɔ kyae afurum bu dɔɔ ɔ ne kɔŋ.’ ”

Mateo 21:9

Balaŋ burum baŋ be dɔŋɛɛ Yesu siaman, na baŋ be dɔŋɛɛ ɔ wɔle nɛ pou fiasɛɛ bɛɛ fae yeesa nyiaa, “Gyoo Defidi ɔ naanabii, lɛɛ daa! Ɛ fa dɛɛ lese walaŋ ŋon ɔ ne kɔŋ de Gbeŋgyoo Wurubuarɛ yele man nɛ yele. Wurubuarɛ ŋon n kyaa adido, lɛɛ daa!”

Maake 11:9

Na balaŋ baŋ be dɔŋɛɛ Yesu siaman na baŋ be dɔŋ ɔ wɔle nɛ ne fae yeesa kɛlɛɛ e akelegyi yako nyiaa, “Wurubuarɛ waa hiraa walaŋ ŋon ɔ ne kɔŋ De Gbeŋgyoo yele man nɛ.

Luka 19:38

Be fae yeesa yako nyiaa, “Ɛ fa dɛɛ lese gyoo ŋon ɔ ne kɔŋ de Gbeŋgyoo Wurubuarɛ yele man nɛ yele. Wosefɛɛreŋ dɛɛ kyaa adido, te Wurubuarɛ ŋon ɔ kyaa adido mɔ nɛ gyoorobiiri dɛɛ kaboena e.”

Gyɔn 11:27

Te Maata sɛɛ e nyiaa, “Ayi me Gbeŋgyoo, mɛɛ lɛɛ di nyi nyaŋ yɛna nyeelɛɛre, Wurubuarɛ bu ŋon dɛɛ daa nyi waa kɔŋ tɛɛle kei dɔɔ nɛ.”

Gyɔn 12:13

Mena dɔɔ be gyae bakɛɛna faareŋse gyu be kaa gyaŋee na e na bɛɛ fae yeesa nyiaa, “Lɛɛ daa. De Gbeŋgyoo Wurubuarɛ waa hiraa walaŋ ŋon ɔ ne kɔŋ ɔ yele man nɛ, na waa hiraa Iseraetena gyoo ŋon mɔ.”

Gyɔn 16:14

Wurubuarɛ feliŋ ŋon waa yela balaŋ kena me gyoorobiiri, nawolo nyi waa lese kpene kamasɛ keŋ me dana maa yako ŋon nɛ wola ŋon.

Gyɔn 4:21

Keŋte Yesu yako e nyiaa, “Alo lɛɛ maŋ di, debaŋ daale gyae kekɔŋ keŋ bɔɔ gyae baa tekaa som Wurubuarɛ bula kei dɔɔ yaa Gyerusalɛm donɔɔ man ya.

Gyɔn 6:14

Balaŋ baŋ kena gyakoloŋ nombia ŋan Yesu be yɛɛ nɛ be yakowɔ nyiaa, “Kei yɛna Wurubuarɛ dekpeŋkpeŋgyɔɔre ŋon ɔ be yako see nyi waa kɔŋ tɛɛle kei dɔɔ nɛ ampaŋ.”

Gyɔn 7:31

Mɔna balaŋ burum lɛɛ e di te be bɔɔsewɔ nyiaa, “Akpaa nyeelɛɛre ŋon de kɔŋ na, waa yɛɛ gyakoloŋ nombia kela balee kei aneyɛɛŋ kɛŋa?”

Hiburutena 10:37

Nawolo nyi Wurubuarɛ nombia aŋmaraseŋ see ŋan ne yako nyiaa, “Be gyae ke kyare ya, walaŋ ŋon kaboena nyi waa kɔŋ nɛ waa kɔŋ. Ɔ be gyae waa dɔɔ wɔle na kekɔŋ ya.