Maake 1:2 - WURUBURƐ NOMBIA KPAAKPAA NƆƆKEBAKESEE WƆLE

² Wurubuarɛ kpila tobaale ŋon bɛɛ baake nyi Gyɔn nɛ nyi waa kyaŋ Yesu gbɛɛ kɔŋ, ŋgba mena keŋ Wurubuarɛ dekpeŋkpeŋgyɔɔre ŋon bɛɛ baake e nyi Yesaya be yako Wurubuarɛ nombia aŋmaraseŋ see ŋan man nɛ. Ɔ yakowɔ nyiaa, “Kɛɛ! Mee kpila me kpilale na waa ta n siaman. Ŋon ne gyae la waa desina n gbɛɛneŋ see neŋ.”

Maake 1:2 Iomraidhean Croise

Mateo 11:10

Nawolo nyi Gyɔn kei yɛna ŋon bɔɔ yako ɔ wose man nombia Wurubuarɛ nombia aŋmaraseŋ see man nɛ nyiaa, ‘Wurubuarɛ kpa, mee kpila me kpilale ke ta n siaman, ŋon ne gyae la waa desina n gbɛɛ fa neŋ.’

Mateo 2:5

Keŋte be tiranɔɔ fa e nyiaa, “Bɛtelɛhɛm donɔɔ keŋ ke kyaa Gyudia tɛɛle man nɛ.” Nawolo nyi Wurubuarɛ dekpeŋkpeŋgyɔɔre ŋolo yakowɔ see lee Bɛtelɛhɛm wose man nyiaa,

Mateo 26:24

Maŋ Deniwalaŋ Bu ŋon maa yeŋ ŋgba mena keŋ Wurubuarɛ nombia aŋmaraseŋ see ne yako lee ma wose man nɛ, mɔna ŋon waa lese maŋ fa nɛ waa laako. Nafɔ beŋ ta lola walaŋ ŋonaŋ ya na, dei.”

Mateo 26:31

Keŋte Yesu yako ɔ kaseela baŋ nyiaa, “Gyɛŋ nelim kei nɛ ɛ popou ɛ ke yeu yela maŋ. Nawolo nyi Wurubuarɛ yakowɔ ɔ nombia aŋmaraseŋ see ŋan man lee ma wose man nyiaa, ‘Maa gyɔ namensekɛɛlere ŋon lɔ, na ɔ namense baŋ pou ke yaasee.’

Luka 1:70

Ŋgba mena keŋ n be tɛɛ nya akpeŋkpeŋgyɔɔra baŋ ayimɛɛ be doo be man ya nɛ dɔɔ kolosi see nɛ nyiaa,

Luka 1:76

Sakaria ke yako kɛŋa pou taŋ nɛ te ɔ kolosiwɔ fa bu ŋon nyiaa, nɛnɛɛ nyaŋ me bu Gyɔn, baa baake neŋ nyi Wurubuarɛ Kpatakpere ŋon dekpeŋkpeŋgyɔɔre, nawolo nyi nyaŋ keta de Gbeŋgyoo ŋon siaman na n ke desina ɔ gbɛɛneŋ fa e.

Luka 18:31

Wee daale nɛ Yesu baake ɔ kaseela kufu bala baŋ lee yenaŋ te ɔ yako wɔ nyiaa, “Dee gyu Gyerusalɛm donɔɔ man baa, te kpene kamasɛ keŋ Wurubuarɛ akpeŋkpeŋgyɔɔra be ŋmarase lee maŋ Deniwalaŋ Bu ŋon wose man nɛ, gyae ke kɔŋ mena.