Luka 1:51 - WURUBURƐ NOMBIA KPAAKPAA NƆƆKEBAKESEE WƆLE

⁵¹ Ɔ ta mo ɔ doŋ yɛɛ gyakoloŋ nombia, te ɔ yaasee balaŋ baŋ bee gyina ba wose nɛ na be nombia ŋan pou bɛɛ gyueŋ ba nyeeya man nɛ lee ɔ siaman.

Luka 1:51 Iomraidhean Croise

Romantena 1:21

Mena balaŋ kɛwɔ gyeŋ nyi Wurubuarɛ kyaa mɔna bɔɔ na mo obuo keŋ kaboena e nɛ fa e ya, te bɔɔ na lese ɔ yele mɔ ya. Nyansa nombii kamasɛ be doo ba agyueŋ man ya, te ditiŋtɛɛ wolowolo doo la be konɔɔse man.

2 Korintotena 10:5

Dɛɛ mo de yoo abɔɔ kɛŋa di aŋmaareŋ kamasɛ dɔɔ, te dɛɛ bese mo ŋa di kpene kamasɛ keŋ na koro seŋ tia Wurubuarɛ nombia ŋan nɛ dɔɔ. Dɛɛ mo ŋa di agyueŋse kamasɛ dɔɔ, na ŋe ke nyii Kristo dei.

1 Pita 5:5

Ɛmɛɛ alebia na tewulɛɛ mɔ, mena ke te kaboena nyi yaa yɔkɔse ɛ wose fa kegyiise baŋ. Ɛ popou ɛ yɔkɔse ɛ wose fa dɔŋa, nawolo nyi Wurubuarɛ nombia aŋmaraseŋ see ŋan yakowɔ yenaŋ daale nyiaa, “Wurubuarɛ na seŋ tia balaŋ baŋ bee gyina ba wose adido nɛ, mɔna ɔ na mo ɔ bɛrɛɛ boele baŋ bɛɛ yɔkɔse ba wose nɛ.”

Kalesewola 18:8

Lee mena dɔɔ weese dokoloŋ kooŋ man te kayeyɛɛ dinaa keŋ gyae kekɔŋ ɔ dɔɔ. Kayeyɛɛ kenaŋ yɛna yeŋ, na walaŋsa kedi na tanam dinaa. Kenaŋ wɔle koraŋ na, baa too e kekpaa. Nawolo nyi de Gbeŋgyoo Wurubuarɛ ŋon waa wɔŋ ɔ deŋele nɛ, ɔ dana doŋ.”