လုကာ 9:3 - Northern Rakhine

³ ကိုယ်တော်က သူရို့ကို “သင်ရို့ ခရီးလားဖို့အတွက် တစ်ခုကိုလေ့ ယူမလားပါကေ့။ တောင်ဝှေး၊ လွယ်အိတ်၊ အစားအစာ၊ ဒင်္ဂါးနန့် အင်္ကျီအပိုတိကိုလည်း ယူမလားကတ်ပါကေ့။

ဓမ္မသစ်ကျမ်း ရခိုင်ဘာသာစကား

³ ထိုသူရို့အား “လမ်းခရီးအတွက် သင်ရို့သည် ဇာတစ်ခုကိုလည်း မယူကေ့။ တောင်မွိ့၊ လွယ်အိတ်၊ စားစရာ၊ ဖေသာဒင်္ဂါးတိကို မယူကေ့။ အင်္ကျီတစ်လုံးတောင် အပိုမပါကတ်ကေ့။”

လုကာ 9:3 Iomraidhean Croise

လုကာ 12:22

ယေပြီးကေ ကိုယ်တော်ယေရှုက တပည့်တော်ရို့ကို “ယေတွက်နန့် သင်ရို့ကို ငါ ပြောချင်စွာက၊ သင်ရို့၏ဘဝမာ ဇာကိုစားရဖို့၊ သင့်ခန္ဓာကိုယ်အတွက် ဇာကိုဝတ်ရဖို့ဆိုစွာကို ပူပင်မနီကတ်ပါကေ့။

လုကာ 12:28

ယုံကြည်မှုနည်းသူတိ၊ ဒေနိန့် ပွင့်နီပနာ အရာတစ်ရက်မာ မီးထဲကိုအပစ်ခံရဖို့ လယ်ကွင်းမာဟိရေ တောရိုင်းပန်းတိကိုတောင် ဘုရားသျှင်က လှပစီကေ သင်ရို့ကို ဘုရားသျှင်က ဇာလောက်တောင် ပိုလို့လှအောင် ဆင်ပီးဖို့လဲ။

လုကာ 22:35

ယေပြီးကေ ကိုယ်တော်က တပည့်တော်တိကို “ငါက သင်ရို့ကို ဖေသာအိတ်၊ လွယ်အိတ်နန့် ဖိနပ်တိကိုတောင် မယူလားစီဘဲနန့် ဘုရားသျှင်၏သတင်းကောင်းကို ဟောပြောဖို့အတွက် မြို့တိရွာတိကို စီလွှတ်ခစိုင်က သင်ရို့မာ တစ်ခုခု လစ်ဟင်းမူတိ ဟိခကတ်လာ” လို့ မိန်းတော်မူရေ။ ယေခါ တပည့်တော်တိက “မဟိခပါ” လို့ လျှောက်တင်ပါရေ။

လုကာ 3:11

ယောဟန်ကလည်း “သင်ရို့ထဲက အင်္ကျီနှစ်လုံးဟိရေလူက တစ်လုံးလည်းမဟိရေလူကို တစ်လုံးပီးရဖို့။ သင်ရို့မာ စားဖို့၊ သောက်ဖို့ဟိကေ မဟိရေလူတိကို ဒေပိုင်ဝီလို့ ပီးစားရဖို့” လို့ ဖြေလီရေ။

လုကာ 5:29

ယေပြီးကေ လေဝိက သူ့အိမ်မာ ကိုယ်တော်အတွက် ကောင်းကောင်းသားနားရေ စားသောက်ပွဲနန့်ကျင်းပပီးလို့ အခွန်ကောက်သူတိနန့် တစ်ခြားအာဂန္တုတိလည်း သူရို့နန့်တတူ စားသောက်ကတ်လီရေ။

လုကာ 9:4

ဇာမြို့ကိုမဆို သင်ရို့ဝင်ရေအခါ သင်ရို့ကို တစ်ယောက်ယောက်က သူ့အိမ်မာတည်းဖို့ကြိုဆိုဖိတ်ခေါ်ကေ ယင်းမြို့က မလားမချင်း ယင်းအိမ်မာရာ တည်းကတ်ပါ။