परकासित वाक्य 13:1 - सत मारग पर चलन वारो किताब

¹ तबा मिना एक जनावर ला समन्दुर मा लक हिटत चोवयो। जोनको दहा सिंग अना सात डोस्का होतीन। ओको सींग मा दहा राज मुकुट होतीन। अना ओको डोस्की मा परमेस्वर की निन्दा को नाव होतो।

परकासित वाक्य 13:1 Iomraidhean Croise

परकासित वाक्य 11:7

उनको गवही देवन को मघा, वा पसु महा गरत लक बाहेर हिटेत अना उनपर धावा करहेत। अना पसु उनला हराके मार डाखेत।

परकासित वाक्य 12:3

ओनो बेरा सरग मा एक अखीन निसान दिसय। लाल रँग को एक मोठयो पंखा वालो सरप जेनको सात डोस्की अना दहा सींग होतीन। हरेक डोस्की मा एक-एक राज मुकुट होतो।

परकासित वाक्य 13:11

मंग मिना जमीन मा एक अखीन जनावर ला हिटयो दिसयो। मेढ़ा को जसो ओको सींग होतीन। अना उ अजगर को जसो बोलत होतो।

परकासित वाक्य 13:14

येना अदभूत काम दिसावन को ताकत ओनो जनावर पुढ़ा भेटयो होतो। अना धरती को रव्हन वालो गिनलक दगाबाजी करत होतो। अना उनला कव्हत होतो। की ओनो जनावर को मुरत बनाव, जेनको पर तलवार को निसान सेत अना वा दुबारा जित्तो होय गयो से।

परकासित वाक्य 13:15

अना ओला ओनो जनावर को मूरति मा जान डाकन को हक मिल गयो। का जसो जनावर की मूरति मा परा न डाखेत वा बोलन लगयेत। अना जेतरा लोक इन ओनो जनावर की मुरत की पूजा-पाठ नही करयेत, उनला मरवाय डाकहेत।

परकासित वाक्य 15:2

मंग मोला एक काँच को सागर चोवयो, जोनमा स्तो होतो। अना मिना चोवयो का ओनो जनावर अना ओको मुरत, अना ओको नाव गिनती लक जीत गयो होतिन। अना परमेस्वर को सरगदूत वोना काँच को सागर मा उभो होतिन।

परकासित वाक्य 16:13

मंग मिना अजगर को टोंड लक, अना ओनो जनावर को टोंड लक, अना ओनो खोटो भविस्यवक्ता को टोंड लक तीन बेकार आतमा ला मेडका को रूप मा हिटतो दिसयो।

परकासित वाक्य 17:16

वय दहा सींग जोनला तू ना चोवी सेत, अना वा जनावर वा बेसिया लक लगत गुस्सा करहेत। अना वोको सबा चीज हिसक लेहेत। अना वोला बिना कपरा को सोड़ देहेत। वय वोको आंग ला नास कर देहेत। अना स्तो मा जला डाखेत।

परकासित वाक्य 17:3

तबा उ मोला आत्मा मा बसमा करके जंगल ले गयो। अना मी लाल रंग को जनावर मा जोनमा परमेस्वर को नाव को निन्दा छपयो होतो। अना वोको सात डोस्का अना दहा सींग होतो। क बायका वा मा बसी होति।

परकासित वाक्य 17:5

ओको कपार मा एक नाव, एक भेद लिखयो होतो। आलीसान मोठोनगरी बेबीलोन धरती मा छिंनालापन की माय, अना सप्पा बेकार अना नीच काम की मातामाय।

परकासित वाक्य 19:19

तबा मिना चोयो का वा जनावर अना धरती को राजा अना उनको सेनागीन, जोन घोड़ा पर बसया सेत। अना ओको सेना लक लड़ाई करन को लाई जमा होय गयीन।