परकासित वाक्य 1:5 - सत मारग पर चलन वारो किताब

⁵ अना यीसु मसीह कन लक जो भरोसा लायक गवाह, मरयो हुयो मा लक जी उचलनो मा पयलो, अना सारो जगत को राजा गीन को मुखिया से। तुमला किरपा अना सान्ती मिलत रव्हे। उ आमरो लक माया राखासेत, अखिन आपरो रकत लक अमिला पाप लक छुड़ायो से।

परकासित वाक्य 1:5 Iomraidhean Croise

मत्ती 20:28

मी एको लाई नही आईसेव, का मोरो कोनी सेवा करे। पर मानूस को टूरा एकोलाय आईसेस क उ खुदच सेवा चाकरी करे। अना लगत लोकगीन को सूटकारा लाई आपरी जान देदेहेत।”

मत्ती 28:18

तबा यीसु ना, उनको जवर आयके सांगीस। मोला सरग मा अना धरती को पूरो अधिकारी बनायो गयो सेत।

योहन 13:1

फसह को तिहार को पुढा जबा यीसु ना जान लियो का मोरी बेरा आय गयो से, का मी जगत ला सोड़के बाबूजी को जवर जावनो से, ता आपरो लोकगीन लक जोन जगत मा होतीन, उनलक जसो माया उ राखत होतो, आखरी बेरा भी वसोच माया राखिस।

योहन 13:34

मि तुम्हिला एक नवतो हुकूम देवासु, का एकमेक लक माया करो, जसो मि तुम्हरो लक माया राखासु, वसोच तुम्हि एकमेक लक माया राखो।

योहन 15:9

जसो बाबूजी ना मोरो लक माया राखीसेस, वसोच मिना तुमी लक माया राखीसेऊ, मोरो माया मा बनो रव्हो।

योहन 18:37

पीलातुस ना ओला कहीस, तो का तु यहुदीगीन को राजा आस? यीसु ना जवाब देइस, तु कव्होसेस की मि राजा सेउ, मिना एकोलाय जन्म लेइसेउ अना जगत मा आयीसेऊ, की खराई को गवाही देऊ। जो कोनी भी खराई को से, उ मोरो आवाज ला आयकासे।

योहन 3:11

मी तोरो लक खरो कव्हसू, “आमी जोन गोस्टी जानसेजन वोला कव्होसेजन, अना जोन आमी ना चोवोसेजन ओकी गवाही देवासेजन, अना तुमी आमरो गवाही पर भरोसा नही करासो।

योहन 3:16

काहेका परमेस्वर ना संसार लक एतरो माया राखियो, का वोना आपरो चहतो एकच टूरा ला दे देईस। एकोलाय जोन कोनी वोको पर भरोसा राखेत, उ नास नही होहेत पर अमर जीवन पाहेत।

योहन 3:32

जोन काही ओना चोयोसे अना आयकीसेस ओकी च गवाही ला देवासे अना कोनी वोकी गवाही नही अपनावासे।

पेरीत 20:28

एकोलाय अपरी, अना पूरो हेड की चोकसी करो, जिनमा पवीतर आतमा न तुमला कलिसीया को मुखिया ठायराइसेस। जोनलक तुमी परमेस्वर की कलीसिया की देख-रेख करो, जेनला वोना अपरो खून लक मोल लेई सेस।

पेरीत 26:23

जसो की मसीह ला दुख उठावनो पडहेत। अना ओच मारयो हुया मा लक पयले जित्तो होहेत, अना उ यहूदी अना गैर यहूदी गीन ला उजाड़ को खबर देहेत।

रोमियो 3:25

परमेस्वर ना यीसु मसीह ला लोकहुन को लाय बली को रूपमा दे दियो। जोन लक वोको बोहायो गयो रकत लक वा साधन बन जाय। जेनको लक लोकहुन को पाप ला, वोको मा भरोसा राखन लका माफी कर दियो जाय। परमेस्वर आपरो न्यायीपन दिसावन लाय, जुनो बेरा मा धिरज धरयो। अना लोकगिन को पाप ला अनदेखयो कर देत होता।

रोमियो 8:37

पर ऐना सब गोस्टी मा अमीला यीसु लक पूरो जीत भेटासेत। वोना अमी लक गजब माया राखासेत।

1 कुरिन्थियो 6:11

अना तुमी मा लक काही, असोच होतिन। पर अबा तुमी पिरभू यीसु मसीह को नाव लक, अना आमरो परमेस्वर को आतमा लक, धोयो गयो, पवीतर करियात अना नेक बन गयो सेत।

गलातियो 2:20

मि मसीह को सँग सुली पर टाँगयो गयो सेव। अता मि जित्तो नही रहयो, पर मसिहा मोरो मा जित्तो से, अना अबा मि जोन तन मा जित्तो सेउ, तो केवल ओनो भरोसा लक जित्तो सेउ जोन परमेस्वर को टूरा पर से, जेने मोरो लक माया करीस अना मोरो साठी आपरो आप ला दे देइस।

इफिसियो 2:4

पर परमेस्वर जोन दया को धनी से, आपरो ओना मोठो माया को कारन जेना ओना आमी लक माया राखिसेस।

इफिसियो 5:2

अना माया मा चलोह जसो मसीह ना भी आमी लक माया करीस अना आपरो खुदच ला परमेस्वर को कठा सुख देवनवारी खुसबुदार चढ़ावा बनके आमरो लाई परमेस्वर ला चढ़ाय देईसेस

कुलुस्सियो 1:18

उ आपरो देह, कलीसिया को मुखिया से; उ देह को जिंदगी को जरिया से। उ पयले पैदा हुया टूरा सेत, जोनला मरन लक जित्तो करयो गयो सेत। जोनलक वा एकलोच सबा चीजगिन मा पयलो जघा हो सकेत।

1 तीमुथियुस 6:13

मी तोला ला जो परमेस्वर न सबच ला जिंदगी देवसेत अना मसीह यीसु को गवाही करके जेना पोंतियुस पिलातुस को पुढा साजरो अंगीकार करीस अना एना हुकूम देईस

1 तीमुथियुस 6:15

जोनला उ सही बेरा मा दिसाएत, जोन परम धन्य अना एक च राज करनवारा अना राजागीन को राजा अना पिरभू गीन को पिरभू से।

इब्रानियो 10:29

तो जोनना परमेस्वर को टूरा को हुकूम ला तोड़के वोला आपरो पाय मा खुंदिसेस, अना वोको रकत को करार जोन वोला पवीतर ठहरसेस वोन वोला असुध्द ठहरा देइसेस अना दया को आतमा को अपमान करीसेस वोको काजक हाल होहेत वोला आपरो डिमाक लक सोचो।

इब्रानियो 9:14

मग मसीह को रकत, जोन ना अपरो आप ला अमर आतमा लक, बेकसूर बली को रुप मा परमेस्वर ला दे दियो। आमरो मन ला मरो हुवो काम लक, काहे पवीतर नही करयेत। अना अमला जित्तो परमेस्वर को काबिल काहे नही बनाहेत।

1 पतरस 1:19

पर बेकसूर अना निरदोस पाठी मसीह को कीमती रकत लक भयो सेत।

1 योहन 1:7

पर यदि आमी अबा उजियाड़ो मा पुढ़ा बढ़सेजन काहेकि उजियाड़ो मा च परमेस्वर से-ता आमी भरोसा को रुप मा एक दुसरो को संगी सेजन, अना परमेस्वर को टूरा यीसु को रकत आमला सबच पापहुन लक सुद कर देवासे।

1 योहन 4:10

माया ऐमा नहाती का आमिना परमेस्वर लक माया करिया सेजन, पर ऐमा से का ओना आमी लक माया करीसेस अना आमरो पाप को पस्तावा को साठी आपरो टूरा ला धाड़ीस।

परकासित वाक्य 11:15

“सातवो सरगदूत ना जबा आपरो तुर्रा फूँकीस तो बादल मा लगत आवाज होवन लगयो।” वय कव्हत होतिन, “अबा जगत को राज आमरो पिरभू को सेत। अना वोको मसिहा को। अबा वा साजरो सासन लक हरामेसा राज करहेत।”

परकासित वाक्य 11:3

मि आपरो दुय गवाह गीन ला जेनको कपरा बोरा को से, बारा सम्बर साठ दिवस तकन भविस्यवानी कराहिन।”

परकासित वाक्य 17:14

वय पाठी को बिरोध मा लड़ाई करहेत, पर पाठी आपरो हाकलो गयो, अना निवाड़ो गयो, चेला गिनको संग उनला हरा देहेत। काहेका उ राजा गिनको राजा अना पिरभू गिनको पिरभू आय।”

परकासित वाक्य 19:11

मंग मिना सरग ला उघड़तो चोवयो, अना उतनी मोरो समोर एक पान्ढ़रो घोड़ा होतो। वा घोड़ा को सवार सच्चो होतो, अना बिस्वास काबील कहलात होतो। काहेका उ न्याय को संग फैसला करत होतो, अना लड़ाई करत होतो।

परकासित वाक्य 19:16

वोको कपरा अना जाँघ मा लिखयो होतो। राजागीन को राजा, पिरभुगीन को पिरभु।

परकासित वाक्य 2:13

मी जाना सेऊ का तुम्ही कितानी रव्हअ सो? जितानी सैतान को सिघासन सेत। तुम मोरो लाय सच्चो सेव। अना तुमीना वोन बेरा भी बिस्वास नहि सोड़यो, जबा मोरो बिस्वासी गवाह अन्तापस मारयो गयो। जितानी सैतान रव्हत होतो।

परकासित वाक्य 3:14

“लौदीकिया को कलीसिया को दूत ला लिख।” जो आमीन, बिस्वास लायक अना खरो गवाह से, अना परमेस्वर को संसार को मुख कारन सेत, उ यो कव्हसे,

परकासित वाक्य 7:14

मिना ओला कव्हयो, “ओ मालिक, तुच जानासेस।” ओना मोला कहिसेस, यो वय आय, जो ओना मोठो संकट मा लक हिटके आईसेत। इनना अपरो-अपरो कपरा मेढ़ा को रकत मा धोयके उजला करिसेत।