फिलिप्पियो 4:7 - सत मारग पर चलन वारो किताब

⁷ तबा परमेस्वर को सान्ती, जो समझ लक हटके से, तुमरो हिरदय अना तुमरो बिचारहुन ला मसीह यीसु मा संभालके राखे।

फिलिप्पियो 4:7 Iomraidhean Croise

लूका 1:79

जेनको लाय उ इन्धीयारो अखीन, मरन को सावली मा, जो लोग बस्यो से, वोला उजाडो देवजो! अखीन हामरो पाय ला सान्ती को रास्ता मा ले जाहेत।

लूका 2:14

सरग मा परमेस्वर की बड़ाई अना धरती मा उन मानूस लक जिन लक खुस से, अखीन सान्ती होय।

योहन 14:27

मि तुमला सान्ती देय के जासू, आपरो सान्ती तुमला देवासु। जसो जगत देसे वसो मि तुमला नही देहुँ, तुमरो मन बेचैन नोको होयेत, अना नोको डराव।

योहन 16:33

मि ना यो गोस्टी तुमला एकोलाय सांगीसेऊ की तुमला मोरो सान्ती मिल्हे, जगत मा तुम्हिला दुख होवासे, पर हिम्मत राखो! मि ना जगत ला जीत लियोसेऊ।

रोमियो 1:7

अबा मी सब रोमीला लिखासू का परमेस्वर तुम सब लक पिरेम करासेत। अना आपरो जवर बुलावा सेत। तुमी सप्पा लोक ला आमरो पिरभू यीसु मसीह अना वोको परमेस्वर दादाजि कन लक दया अखिन सान्ती भेटेत।

रोमियो 14:17

काहेका परमेस्वर को राज खावन-पिवन लाय नही, पर उ न्याय सान्ती अना खुसि को बारे मा सेत। जो पवीतर आतमा लक भेटा सेत।

रोमियो 15:13

अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।

रोमियो 5:1

अब आमी बिस्वास को लक परमेस्वर को नजरमा नेक मानूस सेजन, ता अमी आमरो पिरभु यीसु मसीह लक परमेस्वर संग मिलाप कर लेयबीन।

रोमियो 8:6

तन मा मन लागवनो तो मिरतू सेत, पर पवीतर आतमा मा मन लगावनो जीवन अना सान्ती सेत।

2 कुरिन्थियो 10:5

एकोलाय हमी कल्पना गीन अना हर एक ओरता गोस्टी को जोन परमेस्वर की ओरख के वोको विरोध मा उचली से खंडित करासेत अना हर एक बिचार ला कैद करके मसीह को हुकूम मानन वालो बनावसेत।

2 कुरिन्थियो 13:11

एकोलाय अगो भाऊ खुस रव्हो! साजरो पक्को बनतो जावो अना धिरज राखो। एक बिचार राखो, मिलाप लक रव्हो! पिरेम अना सान्ती देवन वारा, परमेस्वर तुमरो संग होहेत।

गलातियो 5:22

पर पवीतर आतमा को फर माया, उत्साह, सान्ती, धीरज, दयालुपन, भलाई अना भरोसा सेत।

इफिसियो 3:19

अना तुमी मसीह को ओना माया ला जान लेव जोन सबच पिरकार लक गियान लक हटके से जेकोलक का तुमी परमेस्वर को सबच भरपुरी लक भरपुर होय जाहो।

फिलिप्पियो 1:1

मसीह यीसु को दास पौलुस अना तीमुथियुस को कन लक, सबच पवीतर लोगहुन को नाव जोन मसीह यीसु मा होयके कलिसीया को मुखिया अना दासगीन को सकट फिलिप्पी नगर मा रव्हसेत।

फिलिप्पियो 1:2

आमरो बाबूजी परमेस्वर अना पिरभु यीसु मसीह कन लक तुमला दया अना सान्ती मिलत रव्हे।

फिलिप्पियो 4:19

मोरो परमेस्वर भी आपरो ओना धन लक जो महिमा सकट मसीह यीसु मा से तुमरो हरेक जरुरत ला पूरी करेत।

फिलिप्पियो 4:21

हरेक पवीतर मानूस ला जोन मसीह यीसु मा से, मोरो नमस्कार। जोन मोरो संगी भाऊ से, तुमला नमस्कार कव्हसेजन।

फिलिप्पियो 4:9

जोन काही तुमना मोरो लक सीखयासेव अना अपनायो सेव, आयकिया अना चोयासेव, उनको मंघा चलोह अना परमेस्वर जो सान्ती को सोता से, तुमरो संगा रह।

कुलुस्सियो 3:15

मसीह को सान्ती जोको लाई तुमी एक देह होयके बुलाय भी गया सेव। तुमरो मन मा राज करेत, अना तुमी धन्यवाद देवनो नोको छोड़नो।

2 थिस्सलुनीकियो 3:16

अबा पिरभु जो सान्ती को राखन वालो से आपच तुमला सदा अना हर परकार लक सान्ती देहे। पिरभु तुमरो सँग रह।

इब्रानियो 13:20

जोनना मेढा गीन को महान रखवालो, आमरो पिरभु यीसु को रकत लक वोना अमर सांती करार मा मोहर लगाके परमेस्वर मरयो हुयो लक जित्तो कर देइस।

यहूदा 1:1

यो चिठ्ठी यीसु मसीह को दास अना याकूब को भाऊ यहूदा को कन लक, उन हाक्लियो लोकगीन को नाव लाई से जोन परमेस्वर बाबूजी मा चहेतो, अना यीसु मसीह को आवन को लाई सुरक्सित सेत।

परकासित वाक्य 1:4

योहन को कन लक एसिया प्रान्त को सात कलीसिया गिनको नाव, वोना परमेस्वर को कन लक, जो अबा से, अना हरामेसा होतो अना जोन आवनवाला सेत। अना उन सात आत्मा गिनको कन लक जोन वोको सिघासन को समोर सेत।

परकासित वाक्य 2:17

“अगर तुमरो कान से, तो आयको, आतमा कलीसिया लक काजक कव्हसेत।” “जोन लोक जीत जाहेत, मी उनला काही ला लुकायो मन्ना देहिन।” मी उनलक हरेक ला एक पांढरो गोटा देहुँ। जोनमा एक नवा नाव लिखयो गयो से। जोनला कोनी भी नहीं जाना सेत। जोनला यो भेटासेत।