2 तीमुथियुस 4:7 - सत मारग पर चलन वारो किताब

⁷ मी साजरी कुस्ती लड़ चुकी सेउ मीना अपरी दौड पूरी कर लेई सेस मीना बिस्वास की देख-रेख करीसेस।

2 तीमुथियुस 4:7 Iomraidhean Croise

लूका 11:28

यीसु ना कव्हयो, हाँ पर धन्य सेत उ, जोन परमेस्वर को गोस्टी आयक के, वोला मानसे।

लूका 8:15

साजरी जघा पर पड़ियो हुयो बीज, वय लोक होत्यो, जोन गोस्टी ला आयक केना, वोना बिचारीस, अखीन साजरो मन लक, अपनावसेत, अना धिरज लक फर आनासे।”

योहन 17:6

मिना तोरो नाव वोना मानूसगिन पर उजागर कियो से, जोन लोक गीनला तुना जगत मा मोला देइसेस, वय तोरी होतीन अना तुना उनला मोला देईसेस, अखीन उनना तोरो सबद ला मना लेईसेत।

योहन 4:34

यीसु ना उनला कव्हासे, जोन मोला धाड़ीसेस, वोकी मरजी पर चलहु, अना वोको काम ला पूरो करू, योच मोरो जेवन से।

पेरीत 13:25

जबा योहन अपरी बेरा पूरो करनो पर होतो ता उ कव्हत होत्यो, तुमी मोला का समझसेव? मी उ नही सेव पर देखो मंग मोरो एक आवन वालो से जेनको पाय की जूता को बन्ध (कसा) भी मी खोलन को बराबर नही सेव।

पेरीत 20:24

पर मी जान ला किमती नही समझसू। मी तो बस उ दौड अना वोकी सेवा ला पूरी करनो चाव्हसू। जोन मोला पिरभू यीसु देइसेस। उ यो से का परमेस्वर को दया मा गवाही देवनो।

गलातियो 2:2

मि परमेस्वर को सांगयो लक उता गयो। अना जोन साजरो बारता मि परजात गीन मा सांगिसेउ। वाच मिना उनला सांग दियो, पुड़ा पेस कियो। पर एकलो मा उनला जोन मोठो समजो जावत होतीन। की कहीं मोरी यो बेरा की या पिछलो दौड़ धुप अकारत न होय जाय।

फिलिप्पियो 1:30

तुमला वसोच मेहनत करनो से, जसो तुमी ना मोला करता चोयोसेव, अना अबा भी आयकासेव का मि वसोच करूसेऊ।

1 तीमुथियुस 1:18

अरे टूरा तीमुथियुस उन भविस्यवक्ता गीन को जसो जोन पहेल तोरो बिसय मा करी गई होती मी यो हुकूम सोपसेऊ का तु उनको जसो साजरी लडाई ला लडता हुया बुराई को सामना कर।

1 तीमुथियुस 6:12

बिस्वास की साजरी कुस्ती लड अना वोना अमर जीवन ला धर लेवो जेनको लाई तु बुलावोयो गईसे अना लगतसा गवाह गीन को पुढा साजरो अंगीकार करयो गयो।

1 तीमुथियुस 6:20

अरे तीमुथियुस एना धरोहर की राखवारी कर अना जेनको गियान ला गियान कव्हना च भुलसे उनकी बुरी बोली अना बिरोध की गोस्टी गीन लक दुहुर रव्हो।

2 तीमुथियुस 1:14

अना पवीतर आतमा को कन लक जोन अमी मा बसीयो हुयोसे एना साजरी पुंजी की देख-रेख कर।

2 तीमुथियुस 3:10

पर तु न सिक्सा चालचलन मनसा बिस्वास सहन करन को ताकत पिरेम धीरज अना सताय जानो अना दुख उठावन मा मोरो संग देईस।

परकासित वाक्य 3:10

काहेका तुम्ही ना धिरज लक सहन करता हुया मोरो हुकूम ला मानीसेव। बदल मी परिक्सा को बेरामा तुमारो रक्सा करीन। जोन यो दुनिया मा रव्हन वालों ला परखन लाय पुरो संसार मा बस आवन वालो सेत।

परकासित वाक्य 3:8

मि तोरो काम ला जानासू, देख! मिना तोरो लाई एक किवाड़ उघाड़ी सेऊ, जोनला कोनी बंद नही कर सका। मोला पता सेत का, तोरो जवर जरासो ताकत सेत। मंग तुना मोरो गोस्टी का पालन करीसेस अना मोरो नाव लक मघा नही हटयो सेत।

परकासित वाक्य 6:11

अना उनमा लक हरेक ला पान्डरो कपरा दियो गयो। अना कहयो गयो जरासो उसीर मा जबा तुमरो संगी गिनको गिनती पूरो भयी जाहेत। तबा तकन बिसराम करो। काहे का अबा सहिद गिनको गिनती कम सेत।