2 तीमुथियुस 3:2 - सत मारग पर चलन वारो किताब

² काहेकी मानूस सुवारथी, धन दौलत लक माया करनवारा डींगमार, गरबिला, बिरोध करनवारा, माय-बाप को हुकूम नही मानन वालो बिरोधी अपवीतर।

2 तीमुथियुस 3:2 Iomraidhean Croise

मत्ती 15:6

अबा उनला आपरो दाआजी ला सम्मान देवन की जरुरत नाहोत, असो परकार तुम्ही परमेस्वर को हुकूम नही मानासेव जोनलक तुम्ही आपरो सिक्सा को पालन करवायो सेव।

लूका 12:15

यीसु ना भीड़ लक कव्हयो कोनी को सम्पती वोको जान लक बड़के नही होय सका से, पर यो काजी आपरो आप ला लोभ लक बचाये राखो।

लूका 16:14

मोसे को नियम को गुरू गिन धन-दौलत लक माया करत होतीन एकोलाय, यीसु को गोस्टी आयक के मजाक उड़ावत होतीन,

लूका 6:35

पर मिले न नोको मिले, पर माँगन वालो ला उधारी देव, यो तुमरो लाय मोठो फर होयेत। अना तुम्ही परमेस्वर को, टूरा-टूरी कहलाने, काहे की जोन परमेस्वर ला नही मानासे, अखीन बुरो भी सेत, ओको पर भी, परमेस्वर भलो सेत। अना आपरो सतरु लक, माया करो।

पेरीत 5:36

का तुमला हेत से? काही बेरा पयले, आपरो आपला एक महान मानूस कव्हन वालो, थेउदास नाव को मानूस तुमरो बीच मा उभो भयो होतो। अना करिब चार संबर लोकगिन वोको मघा भय गई होतीन। पर उ मार डाख्यो गयो, अना वोका मानन वारा सबच लोक इता-उता बगर गईन। अना वोको कोनी मतलब नही हिटयो।

रोमियो 11:18

तुमी आपरो आप ला डगाली लक बड़के नोको समझो। यदि तुमी घमन्ड करनो चाव्हासो, त हेत राखो क तुमी जड़ ला नही पाल रहयो सेव। बल्कि जड़ तुमिला पाल रहयो सेत।

2 कुरिन्थियो 5:15

अना उ सबच को लाई मर के उ जित्तो से पुढो लाई अपरो लाई नोको जीवो पर वोको लाई जीवो जोन उनको लाई मरके जित्तो भई से।

फिलिप्पियो 2:21

काहेकि सबच आपरी सुवारत को खोज मा रव्हसेत, नाच यीसु मसीह की।

कुलुस्सियो 3:5

एको लाई आपरो उन आँग ला मार डाको जोन धरती मा रव्हसेत मजे छिनालापन असुध्दता, नीच काम बुरो कामना अना लोभ ला जोन मुरत पुजा को बरोबर से।

2 थिस्सलुनीकियो 2:4

जोन विरोध करासे, अना हरेक जोन परमेस्वर या पुजा को लायक कहलावासे, उनलक आपरो आप ला मोठो दिसावसे। यहान तकन की उ सब लक वरता पायो जावनवालो परमेस्वर को मंदिर मा बसके आपरो आप ला परमेस्वर साँगासे।

1 तीमुथियुस 1:20

उनको मा लक हुमिनयुस अना सिकन्दर राजा से जेनला मीना सैतान ला सोप दिया सेजन का उ परमेस्वर की निन्दा-बदी करन को नही सीके।

1 तीमुथियुस 1:9

यो जानके की मोसे को नियम न्यायी जन को साठी नाहती पर अधरमी गीन, बेलगाम महुन, बिन भक्तिवारा, पापी गीन, अपवितर गिन अना असूध्द मानूसगिन, माय बाबुजीगीन ला मारन वालो, जान लक मारनवालो,

1 तीमुथियुस 3:3

दरवा अना मारपीट करनवालो नही होहे पर साजरो मानूस होहे अना झगड़ालु अखिन लालची नोको होहे।

1 तीमुथियुस 6:10

काहेकी रुपिया को लोभ सबच पिरकार की बुराई गीन की जड़ से जसो का लगतसा गीन न बिस्वास लक भटके अपरो आप ला कई पिरकार को दुख लक छलनी बनाय लेईन।

1 तीमुथियुस 6:4

त उ गरबिला भय गईसे अना काही नही जाना वरन वोला झगड़ा अना गोस्टी मा मीन-मेख करन की बीमारी से जेनको लक डाह अना झगड़ा अखिन निन्दा-बदी की गोस्टी गीन अखिन बुरो-बुरो खबर।

2 तीमुथियुस 3:4

बिसवासघाती ढीठ घंमडी अना परमेस्वर लक पिरेम नही, तरी सूक सुबिता का चाव्हवन वारा होहेत।

याकूब 2:8

तबा भी अदी तुमी पवितर गिरंथ को मोसे को नियम को पालन करासेव, जसो का तु अपरो सैजार लक अपरो जसो माया राखबिन तुमी सही मा वोनो करार ला पूरी करासेव त साजरो करासेव।

याकूब 4:16

पर अबा तुमी अपरो डींग मारनो पर घमंड करासेव असो सबा घमंड बुरो होवासे।

याकूब 4:6

उ त अखीन भी आसीरवाद देवासे एना कारन यो लिखी से “परमेस्वर गरबिला गीनको बिरोध करासे पर गरीब गीन पर किरपा करासे।”

1 पतरस 5:5

अना तुमी जवान हुन, तुम्ही आयको बुजरुग को अधीन रव्हो, परंतु आपरो सब च जन एकमेक को सेवा करन लाय साठी नरम रव्हो एकोलाय का “परमेस्वर गरब करनवालो को विरोध करतत, पर गरिबांना मदत करतत।”

2 पतरस 2:10

खास करुन उन लोकगीन जेना असुद्ध वासना को बसमा होयके, सान सौकत लक जिंदगी बिताव सेत। अना पिरभू को तिरस्कार करासेत। वय गरबिला मानूस सेत। अना वय सरग को सचला नकारन घाबरत नाही।

2 पतरस 2:12

पर वय जनावर जसो सेत। जेन सुभाव लक सिकार होवन लाय मरन लाय जलमो सेत। वय असा गोस्टी ला मना करतत जोन वोला समजत नाही, वय जनावर जसो नास होयेत।

2 पतरस 2:18

वय बेकार को गरब लक बोलासेत। अना देह को इक्सा लक चलनवारा लोक गिनला फसान को गोस्टी करतत। अना जोन भटको हुयो लक अबा बाहेर हिटयो सेत, उनला वय मोहित करासेत।

2 पतरस 2:3

अना वय बडबड गोस्टी ला लोभ को लाय बनाहेत, अना जोनको फैसला खूब पयले भयी गयोसेत। अना उनको मघा आवासेत। उनको नास झोपल्या नाही!

यहूदा 1:16

यो लोक चुगली करनवारा सेत, अना दोस खोजन वारा सेत। यो लोक आपरी मरजी हुन को दास सेत अना आपरो टोंड लक घमन्ड भरी गोस्टी बोलसेत आपरो फायदा को लाई यो दुसरो की मियामिठठु करासेत।

परकासित वाक्य 13:1

तबा मिना एक जनावर ला समन्दुर मा लक हिटत चोवयो। जोनको दहा सिंग अना सात डोस्का होतीन। ओको सींग मा दहा राज मुकुट होतीन। अना ओको डोस्की मा परमेस्वर की निन्दा को नाव होतो।

परकासित वाक्य 16:11

अना आपरी दूख अना फोड़ा को कारन सरग को परमेस्वर को निन्दा करीन। पर आपरो-आपरो कामगीन लक मनमा पस्तावा कर मन नही बदलीन।

परकासित वाक्य 16:21

बादर लक मानूस गीन पर मन-मन भर को मोठा गारगोटा पड़या, अना एकोलाय का यो आफद लगत च भारी भरकम होती। लोक इन ना गारगोटा को आफद को कारन परमेस्वर को निन्दा करीन।

परकासित वाक्य 16:9

मानूस मोठो तपन लक जर गइन। अना परमेस्वर को नाव को जेनला ऐना आफद पर हक से, लोक निन्दा करीन। पर पस्तावा करके ओको बड़ाई करन ला मन नही बदलिन।