2 तीमुथियुस 3:17 - सत मारग पर चलन वारो किताब

¹⁷ ताकी परमेस्वर को जन सिध्द बनावनो अना हर एक भला काम को लाई पक्को होय जाहे।

2 तीमुथियुस 3:17 Iomraidhean Croise

पेरीत 9:36

याफा नगर मा तबिता नाव को चेली रव्हत होति। जोनको यूनानी अनुवाद दोरकास मजे हिरनी सेत। वा हरामेसा आपरो बेरा साजरो काम अना दान धरम मा बितावत होती।

2 कुरिन्थियो 9:8

परमेस्वर सब परकार को किरपा तुमला देव सकसेत। जोन लक हरेक बात मा हरेक बेरा मा, सबच काही जोन तुमला जरुरी सेत, तुमरो कठा रहेत अना हरेक साजरो काम काजी, तुमरो जवर लगत काही होहे।

इफिसियो 2:10

काहेकि परमेस्वर हमरो बनावन वालो से। ओना मसीह यीसु मा हमारो बनावनो एकोलाई करीस सेस हमि भलो काम करबिन जिनला परमेस्वर ना पयले लक च एकोलाई तैयार करीसे का उनला करतो हुयो आपरो जिंदगी बिताबिन।

1 तीमुथियुस 6:11

पर अरे परमेस्वर को जन! तु एना गोस्टी गीन लक पराय अना धरम भक्ती बिस्वास पिरेम धीरज अना नरमता ला मंघा करो।

2 तीमुथियुस 2:21

अदी कोनी अपरो आप ला इनको लक सूद करेहे त उ आदर को बरतन अना पवीतर ठहरायो अना मालिक को काम आहे अखीन हर साजरो काम को लाई तैय्यार होहेत।

तीतुस 1:16

वय परमेस्वर ला जानन को दावा करासेत पर उनको काम असो चोवसे जसो ओला नही जानासेत। वय घिरना को काम करनवालो, अना हुकूम नही मानन वालो सेत। अना कोनी भी नेक काम करन को काबिल नही सेत।

तीतुस 2:14

जेने आपरो आप ला आमरो साठी दे देईसेस, की आमी ला हरेक परकार लक दुस्टपन लक छुड़ाय लेहे। अना आपरो बेचयोगयो लोकहुन को रुप मा आमीला पवितर करलेव, जोन लक नेक काम करन लाई आमी हरमेसा तैय्यार रव्हे।

तीतुस 3:1

लोकहुन ला हेत दिलायो जाहे का सरकार को अना हक राखन वारा गीन को कब्जा मा रहेत। अना उनको हुकूम ला मनाहेत। अना हरेक साजरो काम काज लाय तइयार रहेत।

इब्रानियो 10:24

अमीला यो बात पर धियान देवनो सेत की आमी कसो एक दुसरो ला पिरेम अखीन दुसरो को उपकार काजी उकसात रव्हबिन।

इब्रानियो 13:21

तुमला सबा साजरो साधन लक भर देवे, जेनको लक तुमी वोको मनसा पूरो करो। अना यीसु मसीह लक उ आमरो भीतर वोना सब काही परगट करे जोन वोला भावासेत। ओकी महिमा सदा तकन बनयो रव्हे। आमिन।