2 तीमुथियुस 2:15 - सत मारग पर चलन वारो किताब

¹⁵ अपरो आप ला परमेस्वर ला पावनो काबील अना असो काम करन वालो ठहरानो को जतन कर जोन लज्जित होवन नही पाहे अना जोन खरो बचन ला सही रीती लक काम मा आनासेत।

2 तीमुथियुस 2:15 Iomraidhean Croise

मत्ती 13:52

यीसु ना उनला कहीस एको लाई हर एक मोसे को नियम को गुरू जोन सरग राज को चेला बनयो सेत ओनो घर को मुखिया को जसो से, जोन आपरो पेटखोली लक नवा अना जुना चीजला हेड़ासे।

मरकुस 4:33

अखीन यीसु उनला यो तरीको लक लगत सा हाना दे देयके उनको समझ को जसो गोस्टी साँगन लग्यो

लूका 12:42

तबा यीसु ना कव्हयो, उ बिस्वास को काबील को ईमानदार मूनीम कौन सेत? जेनको मालीक आपरो नौकर चाकर पर मूनीम ठयरावा सेत, जोनलक उनला बेरा मा जेवन भेटेत।

पेरीत 2:22

अरे इसरायली गीन मोरी एना गोस्टी ला आयको, यीसु नासरी एक मानूस होतो जेनको लक परमेस्वर ना अचंभा को काम, अखीन हिदान वोको लक करायो, एकोलक यो साबीत होवासेत का परमेस्वर ना वोला धाड़िसेस। यो गोस्टी ला तुमी जाना सेव।

पेरीत 20:27

काहेकी मी परमेस्वर को सबरी मकसद लक तुमला पूरो रीत लक सांगन नही हिचकयो।

रोमियो 14:18

जोन एना गोस्टी लक यीसु मसीह को सेवा करा सेत, परमेस्वर उ को चहेतो अना मानूस गीन मा सतकार को काबील ठयरा सेत।

रोमियो 16:10

अपिल्लेस ला जो मसीह मा सच्चो अना काबील से, वोला नमस्कार। अरिस्तुबुलुस को घराना ला नमस्कार

रोमियो 6:13

अना आपरो आँग ला बदी को हथियार होवन को लाय पाप ला नोको सोपो। तुमी अपरो आप ला मरो हुया मा लक जित्तो समझके अपरो आप ला परमेस्वर ला दे देव। अना आपरो देह ला धरमिपन को हतियार बनन काजी परमेस्वर ला सोप देव।

1 कुरिन्थियो 2:6

जोन समजदार सेत। उनला अमी अक्कल देवा सेजन। परा यो अक्कल यो जुग को नाहती। ना च यो जुग को राजा हुनको अक्कल सेत। जोन दुनिया ला नास को कगर मा आनासेत।

2 कुरिन्थियो 10:18

काहेकी जोन अपरी बड़ाई करासे उ मंजूर नही पर जेकी बढाई पिरभू करासे वोलाच अपनायो जासे।

2 कुरिन्थियो 3:6

जोनना अमीला नवा करार को दास होवनको काबिल बनाइसेस, यो लिख्यो करार नाहती पर आतमा को करार सेत काहेका लिखयो सबद मारसेत पर आतमा जित्तो करासेत सेत।

2 कुरिन्थियो 4:2

अमिना सबच लुकयो अना लाज को काम लक बेगरो भईसेजन, आमी कोनी धोका को काम नही करतत, ना आमी परमेस्वर को बचन ला खोटो साबीत करसेजन। अना खराई लक आमी परमेस्वर को डोरा को पुड़ा रव्हसेजन। हरेक को डिमाक लक भलाई करन को कोसीस मा रव्हसेजन

2 कुरिन्थियो 5:9

एको लाई हमारो आस योच से का संग मा रहवजन या अलग रव्हजन हमी वोला चाहतो लगासेजन।

गलातियो 1:10

अता मि कोन को दया चाव्हसेउ? मानूस को या परमेस्वर को? अदी मि मानूसगिन ला राजी करन चाव्हतो तो, तो मि मसीह को दास बनन काबिल नही होतो।

इफिसियो 1:13

जबा तुमना ओनो सत्य को खबर ला आयकियात जो तुमरो मोक्स को साजरो बारता होतो, अना जेने मसीह पर तुमना बिस्वास करिया होता, ता जेने पवितर आतमा को बचन दियो होतो, मसीह को जरीया लक ओको छाप परमेस्वर को कन लक तुमी लोकहून पर लगायी गयी होती।

1 थिस्सलुनीकियो 2:4

परमेस्वर न अपरी साजरो बारता सोपन को लाई हमला काबील समझीस की हमी मानूस गीन ला नही पर हिरदय ला परख लाई परमेस्वर पर भरोसा करन लाई पिरचार करासेजन।

1 थिस्सलुनीकियो 5:14

अगा भाऊ तुमरो लक बिनती करासेजन का आलसी गीन ला चेताय देव। निरास गीन ला हिम्मत देवो। कमजोर गीन की मदद करो सब को संग मा धीरज राखो।

1 तीमुथियुस 4:6

अदि तु भाऊ गीन ला एनो गोस्टीहुन की सुधि देतो रहेत ता मसीह यीसु को साजरो दास ठहराहे अना बिस्वास अना वोना साजरी सिक्सा की गोस्टी लक जोन तु मानतो आइसेस तोरो पालन होवतो रहेत।

इब्रानियो 4:11

एकोलाय, आमी भी वोना बिसराम को जघा मा धसनो काजी भीड़यो रव्हो। कहि असो ना होहे की वसोच हुकूम नही मानन को कारन, कोनी मानूस गडढा मा पड जाय।

याकूब 1:12

धन्य सेत उ मानूस, जोन परिक्सा मा उभो रव्हसेत। काहेका परिक्सा मा खरा साबीत होवासे उ जीवन को मुकुट पावन को काबील सेत। असो परमेस्वर ना उनको लाय वायदा करीसेस जोन वोको लक माया राखासेत।

याकूब 1:18

खराई को साजरो बारता को कन लक आपरी औलाद बनावन को साठी ओने आमला निवड़ीसेस। मनजे आमी सबच जीवधारी हुन को बीच ओकी फसल को पुढ़ा फर सिध्द होय।

2 पतरस 1:10

यो कारन अगो बंधूनो! आपरो आपला हाकलनो अना निवाड़ो लाय पक्को करन लाय साठी सप्पा तो परी कोसीस करा। आपरो असो करन्यास, तुमी कधीच विचलित होनार नाही।

2 पतरस 1:15

मी एको पुरो ध्यान ठेविन मोरो जावन को मघा तुमी लोक सप्पा बेरा यो गोस्टी मा लक्छात ठेवो।

2 पतरस 3:14

अगो चहेतो भाऊहुन मी कव्हसू, जसो, यो या गोस्टी ला आपरो जवर आवता चोवो, तभी सांतपन अना निरदोसपन लक वोको समोर जावन को कोसीस करा।