7 भगति भाव अना भाऊ भाव लक पिरेम हो।
भाऊ-भाऊ मा जसो पिरेम होवासे वसोच एक दूसरो लक पिरेम राखो, आपसी मा एक दूसरो को आदर करो। अना एक दूसरो लक बढ चढ़के करो।
एकोलाय जबा तकन आमी ला डाव मिलसे, आमी सबको भला करसेजन। मुख रुप लक उन लोकगीन की जोन भरोसा को कारन आमरो परिवार का सेत।
ऐन सब सुभाव मा माया जुड़से जोन सबला एक संगा बाँध लेव।
अना पिरभू करे का तुमी एक दुसरो को लाई अखीन सबच मानूस गीन को लाई पिरेम मा उन्नती करत जाने अना बढता जाने। जसो का हमी भी तुमरो लाई करी सेजन।
ध्यान राखो का, कोनी बुराई को बदला बुराई नोको करो पर हमेसा एक दुसरो ला अना सब लोक गीन ला भला करन मा कोसीस करतो रहेयो।
भाऊ बन्ध जसो एकमेक लक पिरेम करो।
अबा चोवो जबा तुमी ना सच्चाई ला मानत-मानत, सच्चौ भाऊचारा लक निस्कपट माया ला चोवान काजी आपरो आतमा ला पवितर कर लियो सेत। ता पवितर मन लक तेजी लक एक दुजो लक माया करन को आपरो निसान बनालेव।
सब को मान राखो। भाऊगीन लक एकता पिरेम रखो। परमेस्वर को भेव मानो। अना राजा को आदर मान करो।
निचोड़ यो सेत का तुमी सर्वांमध्ये एकच मन अना एकच भावना रव्हनो जरूरी सेत। एकमेक लक पिरेम करा अना एकमेक काजी दयालू अना नरम राहा।
आमी जानबिन का आमी मिरतु लक पार भयके जिंदगी मा पहुचियो सेजन; काहेका आमी भाऊगीन लक माया राखासेजन। जोन माया नही राखासे उ मिरतु को हाल मा रव्हसे।
आमी ना माया एकोलाई जानिया का ओना आमरो लाई आपरो जान दे देईस; अना आमला भी आपरो भाऊ लाई जान देवनो जरुरी से।
ओकोलक आमला यो हुकूम मिलीसेस, का जोन कोनी परमेस्वर लक माया राखासे उ आपरो भाऊ लक भी माया राखेह।
