6 पर सान्ती लक भक्ती मोठि कमाई से।
यीसु ना भीड़ लक कव्हयो कोनी को सम्पती वोको जान लक बड़के नही होय सका से, पर यो काजी आपरो आप ला लोभ लक बचाये राखो।
सीपाहि गीन पुसन लगीन, अखीन आमरो लाय काजक हुकूम से? तबा उ सांगयो, कोनी लक पैसा नोको एठने। अखीन झुठो दोस नोको लगावने, पर आपरो तनखा मा जिन्दगी करो, घूस नोको लेवने।
अमिला मालूम सेत, का परमेस्वर जोनको लक पिरेम राखअ सेत, उनको सबा चीजमा साजरा काम करा सेत। अना उनला आपरो उद्देस्य को अनुसार हकलयो सेत।
काहेकि आमरो जरासो देर को दुख आमरो लाई लगतच काम की अना अमर महिमा परगट करत जावसे,
काहेकि जित्तो रव्हनो मसीह से, अना मर जावनो फायदा से।
काहेकी तन को योगा लक कम फायदा होवासे पर भगती सबच गोस्टी गीन को लाई फायदा देनवालो से काहेकी एना बेरा का अना आवन वालो जीवन की परन एकोच लाईसे।
अदी हमरो जवर खानको अना पीवनको अना पहनन को से त हमला सान्ती लक रहवनो चाहिसे।
पैसा को लोभा पासुन आपरो जीवन मुक्त करा। तुमरो जवर जोन सेत वोकोच लक समाधान करो। काहेका परमेस्वर खूदच कव्हसेत, “मी तोला कधीच नही सोड़ीन, अना नाही मी तोला आपरो लक बगरो करहीन।”
