1 तीमुथियुस 6:4 - सत मारग पर चलन वारो किताब

⁴ त उ गरबिला भय गईसे अना काही नही जाना वरन वोला झगड़ा अना गोस्टी मा मीन-मेख करन की बीमारी से जेनको लक डाह अना झगड़ा अखिन निन्दा-बदी की गोस्टी गीन अखिन बुरो-बुरो खबर।

1 तीमुथियुस 6:4 Iomraidhean Croise

पेरीत 15:2

पौलुस अना बरनबास उनको लक सहमत नही होतिन। तो उनको सँग लगत बैस भयो। तबा पौलुस, बरनाबास अना उनमा लक काही संगीगिन ना ऐना समस्या को उपाय लाई पेरीतगिन अना मुखिया गिन को जवर येरुसलेम नगर धाड़न को इरादा करीन।

पेरीत 18:15

पर यो झगड़ा-राड़ सबद नाव अना तुमरी मोसे को नियम लक सम्बन्ध राख सेत। त तुमी जेनो मी असी गोस्टी को न्याय करनो नही चाव्हसेऊ।

पेरीत 8:9

वोच नगर मा समौन नाव को एक मानूस होतो। उ जादु-टोना करत होतो। अना सामरिया को लोकगिन ला चकित करत होत्यो। उ अपरो आप मा एक मोठो मानूस होवन को दावा करत होतो।

रोमियो 12:16

आपसी मा एक मन राखो घमन्ड नोको करो, पर गरीब लोक गीन को संगती करो। अना आपरो नजर मा बिचार के अक्लवर नोको बनो।

रोमियो 13:13

आमी दिवस को लक खरो चाल-चलबिन। आमी रगिलोपन नसा पानी गन्दोकाम, अना छिनालापन जलन अना देह को वासना झगड़ा-रगडा लक दुहुर रव्हबिन।

रोमियो 14:1

जोन भरोसा मा निरबल सेत वोला आपरो संगती मा ले लेव, पर वोको सक पर विवाद नोको करो।

रोमियो 2:8

काही लोकहुन सुवारथी सेत, अना गलत काम करा सेत, सही काम करन लाय, वोको हुकूम ला नही माना सेत। उनको मा परमेस्वर को गुस्सा दिसायेत।

1 कुरिन्थियो 11:16

अदी कोनी एको बारेमा बकबक करनो चाव्ह सेत तो यो जान लेवेका आमरो कठा कोनी दुसरो नियम नाहती, अर ना परमेस्वर को कलीसिया मा दुजो नियम सेत।

1 कुरिन्थियो 11:18

पयलो गोस्टी यो सेत का मोरो आयकन मा यो आईसेस का जबा तुमरो यहान कलीसिया धरम सभा होवासेत, तो तुमरो बीचमा दल बन जासे अना मि यो बात मा एक हद तकन भरोसा करासू।

1 कुरिन्थियो 3:18

कोनी आपरो आप ला धोखा नोको देवे। अदी तुमी मा लक कोनी दुनिया मा अपरो आपला गियानी समजासे, तो अपरो आपला मुरख बनाय ले।

1 कुरिन्थियो 3:3

अबा तुम यो दुनिया को लोकगिन को जसो रव्हासेव। जबा तुमी मा ईरसा होवा सेत। अना तुमी एकमेक लक झगड़ा करा सेव। का एकोलक साबीत होवा सेत का तुमी यो दुनिया लक संबंध लक जी रहयो सेत।

2 कुरिन्थियो 11:20

काहेका जबा कोनी तुमला गुलामी करावा सेत, खाय जावासेत, आपरो जालमा फसा लेवासेत। अना आपरो आप ला मोठयो साबीत करासेत, या तुमरो तोन्ड मा झापड़ मारासेत, अना तुमी सहन कर लेवासो,

गलातियो 5:15

पर अदी तुमी एक दुसरो ला दात लक काटो सो अना फाड़ खावोसो, तो सतरक रव्हने की कही एक दुसरो ला सत्यानास नोको कर देहो।

गलातियो 5:26

आमी झुठो घमन्ड नोको करबिन एक दुजो लक ला नही भडकाबिन अना एक दुजो लक जरन नही करबिन।

गलातियो 6:3

काहेकि अदी कोनी समझसे की मि काही सेव। जबकि काही नही से तो उ आपरो आप ला ठगसे।

फिलिप्पियो 1:15

काही ता छल अना झगड़ा को काजी मसीह को परचार करासेत अना काही भलो मरजी को काजी।

फिलिप्पियो 2:14

सबच काम बगर कोसे अना बगर बिवाद को करने।

फिलिप्पियो 2:3

बिरोध अना बनावटी बड़ाई को लाई काही नोको करो, पर दीनता लक एक दुजो ला साजरो समझो।

कुलुस्सियो 2:18

कोनी मानूस आत्म हीनता अना सरगदूत गीन की पूजा पाठ करायके तुमला साजरी दौड़ को ईनाम लक छुछो नोको करेत। असो मानूस चोवयो हुयो गोस्टी मा लगयो रव्हसे अना आपरी आँग को अक्ल पर बेकार मा फुलसे,

2 थिस्सलुनीकियो 2:4

जोन विरोध करासे, अना हरेक जोन परमेस्वर या पुजा को लायक कहलावासे, उनलक आपरो आप ला मोठो दिसावसे। यहान तकन की उ सब लक वरता पायो जावनवालो परमेस्वर को मंदिर मा बसके आपरो आप ला परमेस्वर साँगासे।

1 तीमुथियुस 1:4

अना वय कहानी गीन अना कबच न खतम होवन वारो खानदान पर मन नोको लगावना जेनको लक झगड़ा राड होवासे अना परमेस्वर को वोनो इन्तेजाम को जसो नही जोन बिस्वास पर बनायो हुयो से वसोच मी कव्हसू।

1 तीमुथियुस 1:7

अना मोसे को नियम को गुरु होवन चाव्हत होतीन, पर जोन गोस्टी कव्हत अना जिनको पिक्को रुप लक साँगत होतीन, उनला समझत भी नही।

1 तीमुथियुस 3:6

मंग असो का नवतो चेला नही होहे घमंड करके सैतान को जसो डन्ड पाहे।

2 तीमुथियुस 2:14

एना गोस्टी की उनला हेत कराओ अना पिरभू को पुड़ा चेताय देना का सबद गीन पर टिका-टिप्पनी नोको करो जेनको लक काही लाभ नही होतो वरन आयकान वालो बिगड जासे।

2 तीमुथियुस 2:23

पर बेअक्कल अना कम अक्ल को झगड़ा लक अगल रहवो काहेकी तु जाना से का इनको झगड़ा पैदा होवासे।

2 तीमुथियुस 3:4

बिसवासघाती ढीठ घंमडी अना परमेस्वर लक पिरेम नही, तरी सूक सुबिता का चाव्हवन वारा होहेत।

तीतुस 3:9

पर मुरखगीन को बकवास लक अना खानदान, अना विरोध अना झगड़ा लक जोन कानुन को बारे मा होवासेत, ओको लक बचयो रव्हअ। काहेका वय बिनफर को अना बेकार सेत।

याकूब 1:19

अगो मोरो चहेतो भाऊगीन, हेत रखो, हर कोनी सजग रुप को संग आयकनो चाहिसे, कव्हन मा जल्दीच नोको करोह, गुस्सा करनो मा लाहकी नोको बरतेव।

2 पतरस 2:12

पर वय जनावर जसो सेत। जेन सुभाव लक सिकार होवन लाय मरन लाय जलमो सेत। वय असा गोस्टी ला मना करतत जोन वोला समजत नाही, वय जनावर जसो नास होयेत।

2 पतरस 2:18

वय बेकार को गरब लक बोलासेत। अना देह को इक्सा लक चलनवारा लोक गिनला फसान को गोस्टी करतत। अना जोन भटको हुयो लक अबा बाहेर हिटयो सेत, उनला वय मोहित करासेत।

यहूदा 1:10

पर असो लोकगीन जोन गोस्टी ला नही समझासेत पर उनला बदनाम करासेत, जोन गोस्टी गीन ला बेडीमाक जनावर को जसो सुभाव च लक जसो जानासेत अना उनमा अपरो आपच ला नास करासेत।

यहूदा 1:16

यो लोक चुगली करनवारा सेत, अना दोस खोजन वारा सेत। यो लोक आपरी मरजी हुन को दास सेत अना आपरो टोंड लक घमन्ड भरी गोस्टी बोलसेत आपरो फायदा को लाई यो दुसरो की मियामिठठु करासेत।

परकासित वाक्य 3:17

तू कव्हसेत की मि धनी सेउ, अना मोला कोनी चीज को जरुरत नाहती। पर तू नही जानासेस का? तू अभागो, निकम्मो, अँधरो अना नंगरा सेस। अना दया को काबिल नाहस।