1 तीमुथियुस 4:4 - सत मारग पर चलन वारो किताब

⁴ काहेकी परमेस्वर लक बनयो सब चीज साजरी से अना कोनी चीज ला नही पायो जाहे।

1 तीमुथियुस 4:4 Iomraidhean Croise

पेरीत 10:15

मंग दुसरी बार वोला आवाज आयकू देईस, जोन कोनी परमेस्वर न पवीतर राखीसेस वोला तू असुध्द नोको कव्हजोस।

पेरीत 15:29

मुरत गीन को पुड़ा चघायो हुयो जेवन तुमी नोको जेव। गला घोटके मारयो गयो जनावर को गोस अना रकत नको पिवने। अना छिंनरापन लक दुहुर रव्हो। इनलक बचयो रव्हो तो तुमरो भलो होहे। बाकी-बेस सेत।

पेरीत 21:25

जहान तकन बिस्वास करनवालो गैर यहुदीगीन को सवाल सेत। अमीना उनला एक चिठ्ठी मा लिख्यो धाडिसेस। का वय मुरत गीन को पुड़ा चघायो हुयो जेवन, गरो मुरकेटो जनावर को मांस, अना खून नोको जेवे। अखीन छिंनरापन लक बचयो रहवो।

रोमियो 14:14

मी जाना सेऊ अना पिरभू यीसु मसीह को चेला होवन को नाता लक, मोरो भरोसा सेत। का कोनी चिज असुध्द सेत, पर कोनी यो सोचा सेत, का फलानो चीज सुध सेत। तो उ वोको लाय सुध भई जावअ सेत।

रोमियो 14:20

यो सच से का सब काही आपरो मा सुध्द सेत, पर जेवन लक दुसरो ला परमेस्वर को कठा आवनो मा रस्ता मा खोद्दा को कारन पैदा करनो बुरो सेत।

रोमियो 14:6

आपरो बिचार लक जोन कोनी दिवस ला माना सेत, उ परमेस्वर को लाय माना सेत। जो जेव सेत, उ पिरभू लाय जेवा सेत। अना जोन नही जेव सेत उ परमेस्वर को लाय नही जेव सेत। अना परमेस्वर को धनवाद करासे।

1 कुरिन्थियो 10:23

सब चीज मोरो काजी साजरो से पर सबा फायदा को लाय साजरो नाहती?

1 कुरिन्थियो 10:25

जो काही खटिक को घर मा बिका सेत उ सब बिना जाँच को जेवन करो। अना मन मा सक नोको करो?

1 कुरिन्थियो 10:26

काहेका धरती अना जोन काही सेत सबा पिरभू को सेत?

1 कुरिन्थियो 10:30

अदी मी धनवाद को पिराथना करके जेवन करासू तो जोन जेवन काजी मी परमेस्वर ला धनवाद देवसू वोको कारन कोनीला मोरो निन्दा करन को अधिकार नाहती।

1 तीमुथियुस 4:3

जोन बिहा करन लक रोखेत अना जेवन की कोनी चीज गीन लक परे रहवन को हुकूम देहेत जीनला परमेस्वर ना यो काजी बनाइसेत का बिस्वासी खराई ला ओरखन वालो उनला धन्यवाद को संग खाय।