1 तीमुथियुस 4:16 - सत मारग पर चलन वारो किताब

¹⁶ अपरी अना अपरो सिक्सा की देख-रेख एना गोस्टी गीन पर अटल रहेत काहेकि अदि असो करतो रव्हबीन त तु अपरो अना अपरो आयकान वालो गीन को सुटकारा को कारन बनजोस।

1 तीमुथियुस 4:16 Iomraidhean Croise

मरकुस 13:9

पर तुमी आपरो बारे मा होसियार रव्हो, काहेकी लोकगीन तुमला मोठी सभामा सौपेत अना तुमला सभाघर पंचायत मा पिटेत। अना मोरो कारन हाकिम अना राजा गीनको पुढा उभा कियो जाहो, असो परकार लक उन पर गवाही होयेत।

लूका 21:34

एकोलाय होसियार रव्हने, असो ना होहेत एने जीवन को, भोग-विलास, नसा-पानी अना संसार को, चिन्ता मा तुमारो मन लग जाहेत, अना एकदम वोना दिवस जाल जसो आ जाहेत।

पेरीत 26:22

पर आज तकन मोला परमेस्वर को मदद भेटत रव्हयो, जोनलक मी आज तकन जित्तो रहयो। अना एकोलाइ मी नहान मोठो सबच को पुड़ा गवाही देवन लाई उभो सेऊ। मी बस एना गोस्टी ला छोड़के अखिन काही नहि कव्हसेऊ। जोन भविस्यवक्ता गीन अना मोसे को अनुसार पुरो होवन की होती।

पेरीत 6:4

अना अमी आपरो आपला पिराथना अना वचन को सेवा, को काम लगायो राखबिन।

रोमियो 11:14

यो आस लक का मी उनको भी भितर मा जलन पैदा करनो चाव्हा सेऊ जोनलक वय भी बचायो जाय मि एकोलाय मेहनत करा सेऊ।

रोमियो 16:17

अबा ओ भाऊ अना बहिन गीन, मि तुमरो लक बिनती करासू का जोन लोकगीन वोना सिक्सा को विरोध मा जोन तुमीना पाइसेव, फूट डाखन अना ठोकर खावन को कारन सेत। उनला ताड़ लेव अना उन लक दुहुर रव्हो।

रोमियो 2:7

काही लोकहुन साजरा करतत, अना मान गौरव, अना अमर जिंदगी चाव्हा सेत। परमेस्वर उनला अमर जिंदगी देहेत।

1 कुरिन्थियो 1:21

काहेका जबा परमेस्वर को गियान को लक दुनिया, परमेस्वर ला नही जानिन, तबा परमेस्वर ला यो साजरा लगयो का परचार को मुरखता को लक, भरोसा करनवारा ला सूटकारा दे।

1 कुरिन्थियो 9:22

मि कमजोर को साठी कमजोर जसो बनयो, जेनको लक मि उनला पाय सकु। मि सबच को साठी सब काही बन गयो। जेनको लक कोनी ना कोनी तरह लक लोकगीन को सूटकारा कर सकु।

1 कुरिन्थियो 9:27

मी आपरो देह ला तकलीप देवासू, अना वोला आपरो बस मा राखासू। कही असो ना भई जाय का दुसरो ला परचार को मघा, मी खुद वोको पर चलनवारा नही बनू कही लोक असो ना कव्हे का “दियो खाल्या अँधार सेत।”

इफिसियो 4:14

एकोलाई हमी असो लेकराच न बनबिन जो हर कोनी असी नयी सिक्सा को हवा लक उछल जावबिन, जो आमरो रस्ता मा बव्हसे, लोकगीन को छल परन बेवहार लक, असी कपटता लक, जो ठगावन लक भरी योजना ला पेरीत करासे, इता-उता भटकाय दियो जावसे।

कुलुस्सियो 4:17

अना अरखिप्पुस लक सांग जोस का पिरभू को जोन सेवा तोला सोपो गइ सेत वोला होसियारी लक पूरो कर।

1 थिस्सलुनीकियो 2:16

काहेकि गैर यहुदीगीन ला सूटकारा की साजरी खबर को पिरचार करनो मा वय हमरो लाई बाधा करता रहीसेत। ऐको फर को रुप मा वय सदा अपरो पाप को कुड़ो भरतो रहीन, पर अबा त परमेस्वर को गजब कोप भड़क गयो सेत।

1 तीमुथियुस 1:3

जसो मीना मकीदुनिया जतो बेरा तुमला समझयो होतो का इफिसुस मा रहेके कोनी लोक गीन ला हुकूम देवजोस का खोटो सिक्सा नोको देवजोस।

1 तीमुथियुस 4:15

एना गोस्टी गीन सोचत रहवो अना इनको मा अपरो धयान लगायके रहवो त तोरी मान बढाई सबच पर परगट होहे।

1 तीमुथियुस 4:6

अदि तु भाऊ गीन ला एनो गोस्टीहुन की सुधि देतो रहेत ता मसीह यीसु को साजरो दास ठहराहे अना बिस्वास अना वोना साजरी सिक्सा की गोस्टी लक जोन तु मानतो आइसेस तोरो पालन होवतो रहेत।

2 तीमुथियुस 2:10

एना कारन मी बेचयो हुया लोक गीन को लाई सबच काही सहन करासु का वय भी वोनच मुकती ला जोन मसीह यीसु मा से अमर महिमा को संग पाहेत।

2 तीमुथियुस 3:14

पर तु एना गोस्टी गीन पर जोन तु नही सीको सेस अना बिस्वास करीसेस यो समझके पक्को बनया रहवो का तु न उनला कोनता लोक गीन ला सीकाइसेस।

2 तीमुथियुस 4:2

का तु बचन को परचार करतो बेरा अखीन हर बेरा तैय्यार रहवो सब पिरकार की सहनसीलता अना सिक्सा को संग बढ़ावा देव अना उलाहना देके समझावो।

तीतुस 1:9

अना उ बिस्वास लायक बचन मा जोन धरम को सिक्सा को लक सेत, ओमा, अडिग रव्हके खरी सिक्सा लक बढ़ावा देय सके, अना बिरोध करनवारा को टोंड बंद कर सकेत।

तीतुस 2:15

पूरो हक को सँगा यो गोस्टी बढ़ावा देव, अना समजने अना सिकावने की कोनी तुमरो गोस्टी आयक के लापरवाही नोको करेत।

तीतुस 2:7

सब गोस्टीहुन मा आपरो आप ला साजरो कामकाज को नमुना बनाव। तोरो पिरवचन मा सफाई, गम्भीरता,

फिलेमोन 1:19

मि पौलुस आपरो हात लक लिखसेउ की मि आपच भर देहू। अना एको कव्हन को काही जरुरत नही की मोरो करजा जोन तोरो पर से, उ तु च आस।

इब्रानियो 12:15

एना गोस्टी को ध्यान राखो का कोनी मानूस परमेस्वर को किरपा लक मुरक ना जाय, अना तुम्हीला दुख देवन काजी अखिन लगत लोक गिनला खराब करन काजी कोनी झंझट को जड़ नोको फूटेत।

इब्रानियो 13:9

हर प्रकार को अजब को सिक्सा मा नोको भरमो, तुम्हारो मन कोलाय यो साजरो सेत। का किरपा लक मजबूत बनयो रवहो, जेवनो पिवनो को नेम धरम लक नही। जोन लक कदिच कोनी को भलो नही भयो सेत। जोनना यो सब मानीसेत।

याकूब 5:20

त उ यो जान लेहे का जोन कोनी भटकयो हुयो पापी ला लौटायके आनेत, उ एक जियान ला मरनो लक बचायो अना लगत सा पाप गीन पर परदा डाके।