1 तीमुथियुस 4:1 - सत मारग पर चलन वारो किताब

¹ पर आतमा ला साजरो लक चोयके कव्हसे का अना आवन वालो बेरा मा केतरा लोक भरमावन वारो आतमा गीन अखिन बुरो आतमा की सिक्सा गीन पर मन लगायके बिस्वास लक बहेक जाहे।

1 तीमुथियुस 4:1 Iomraidhean Croise

मत्ती 18:7

“आड़- फाटा तो आवनो सेत पर आड़- फाटा को कारन मोला दुनिया को लोकगिन लाय दुख सेत मोला दुखसे वोको लाय जोन बाधा को कारन बना सेत एकोलाय।”

लूका 17:1

यीसु ना आपरो चेला गीन, ला कव्हासे, “पक्को पाप को लोभ मानूस को पूढा जरुर आहेत, मंग उ मानूस ला धिक्कार सेत, जोन को लक मानूस पाप को लोभ मा पड़ासे!

योहन 16:13

पर जबा उ असो खराई को आतमा आहे, ता तुमला सबच खराई को रास्ता सांगेत, काहेकी उ आपरो कन लक नही सांगेत पर जोन-जोन काही आयकेत वाच ला सांगेत अना आवनवालो गोस्टी तुमला सांगेत।

पेरीत 13:2

जबा वय उपवास अना पिरभू की उपासना कर रहेयो होतो, ता पवीतर आतमा न कहीस “मोरो लाई बरनबास अना साऊल ला वोनो काम लाई अलग करो जेनको लाई मीना उनला हाकली सेऊ।”

पेरीत 17:18

काही एपिकूरी अना स्तोइकी सिक्सक भी वोको लक बहेस करन लगीन। उन मा लक लोक कव्हन लगीन “यो बाकवाद करन वालो काजक चाहवासे ‘दुसरो न कहीस’ यो त विदेसी देव गीन पिरचार करन वालो मालुम पडसे” उनना एकोलाई कहीस का उ यीसु को बारे मा उपदेस देवत होतो। मंग जित्तो होवन को पिरचार करत होतो।

पेरीत 20:23

मी बस एतरो जानासू का हरेक नगर मा पवीतर आतमा चेताय रव्हसे। क वहान बेड़ी अना दुख तोरो लाई तैय्यार सेत।

पेरीत 21:11

वोना हमरो जवर आयके पौलुस को गमछा लेईस अना अपरो हात पाय बांधके कहीस “पवीतर आतमा असी कव्हसेस, का जेना मानूस को यो गमछा से वोला येरुसलेम मा यहूदी गीन एना रीती लक बांधेत अना दुसरो लोकगीन को हात मा सोफेत।”

पेरीत 28:25

मंग वय अपसी मा एक दुसरो बेगरो मन होयके वहाँ लक जवान लगीन। तबा पौलुस न यो गोस्टी अखिन सांगयो, यसायाह भविस्यवक्ता को कन लक तुमरो पुरखा गीन लक खरो कहीस का।

1 कुरिन्थियो 10:20

नही पर गैर बिस्वासी लोकगीन जोन बली करासेत, उ परमेस्वर काजी नही पर बुरो आतमा काजी करासेत? अना मी नही चव्हासू का तुमी बूरो आतमा को हिस्सादार बनो।

1 कुरिन्थियो 11:19

तुमी लोक गीनमा असो होवनो जरुरी सेत। जेनको लक यो पता चलहेत, का कोनी काबील अना खरो सेत।

1 कुरिन्थियो 12:11

यो सब काम एकच आतमा को लक होवासेत। अना आपरो मन को लक, यो सबा दान भेटासेत।

1 कुरिन्थियो 2:10

यो गोस्टी परमेस्वर ना आपरो आतमा लक आमरो पर परगट करीसेस, काहेकि आतमा सब काही गोस्टी, अना परमेस्वर को सब भेद ला भी जाँच से, अना सबा छिपयो भबिस्य वानी ला भी जाना सेत।

2 कुरिन्थियो 11:3

पर मी डरावा सेव का जसो सरप न अपरी चलाकी लक हव्वा ला बहकायो वसोच तुमरो आतमा वोना सीधो अना पवीतर लक जोन मसीह को संग रव्हनो चाव्हसे कदी खराब नोको कर दे।

कुलुस्सियो 2:18

कोनी मानूस आत्म हीनता अना सरगदूत गीन की पूजा पाठ करायके तुमला साजरी दौड़ को ईनाम लक छुछो नोको करेत। असो मानूस चोवयो हुयो गोस्टी मा लगयो रव्हसे अना आपरी आँग को अक्ल पर बेकार मा फुलसे,

2 तीमुथियुस 3:13

पर पापी अना बहकावन वालो धोखा देवासे अना धोखा खाता हुयो बिगडता चली जाहे।

2 तीमुथियुस 4:4

अना अपरो कान खराई लक अलग करके कथा कहानी गीन पर लगायहेत।

याकूब 3:15

पर असो गियान ता सरग लक नही आयेव से पर यव ता संसार को से, यव ता परमेस्वर को नाहती पर सैतान को से।

1 पतरस 1:20

यो जगत को सुरूवात लक पयले च वोला बिच लियो गयो होतो। पर अबा एना आखीर जुग मा तुमरो लाई परगट भयोसेत।

2 पतरस 2:1

जोन परकार वोना लोकांमध्ये खोटे भविस्यवक्ता होतिन। तसोच तुमरो मध्ये खोटा उपदेसक आहेत। जेना नासवन्त ढोंगी पाखन्ड को उद्घाटन लुक-लुक के करतत। अना वोना पिरभु को जोनना उनला बिकत लियो सेत। असो परमेस्वर ला नाकारतत। अना स्वता ला लवकरच विनास आनतत।

2 पतरस 3:3

सब लक पयले, तुम्हिला यो समजमा आवनो पायजे, आखरी दिवस मा मजाक उड़ावन वारा आहेत। अना अपरी बेकार अना गन्दो काम को इक्सा अनुसार चलयेती।

1 योहन 2:18

ओ चहेतो टुराहुन, यो आखरी बेरा आय गयी से! अना जसो का तुमिना आयकिया सेव का मसीह को बिरोधी आय रही से। एकोलाई अब कई मसीह बिरोधी उपजीसेत। ऐनाच आमी जानबिन का आखरी बेरा आय गयी से।

1 योहन 4:6

आमी परमेस्वर का सेजन। जोन परमेस्वर ला जानासे, उ आमरो आयकासे; जोन परमेस्वर ला नही जानासे उ आमरो नही आयकासे। ऐना रीती लक आमी सच्चो आतमा अना भरम को आतमा ला ओरख लेसेजन।

यहूदा 1:18

वय तुमला कव्हत होतीन “अखठ्ठ बेरा मा असो ठट्ठा करनवारा लोक होहेत जोन परमेस्वर लक जोन काही चीज जुड़यो से। जोन अपरी अभक्‍ति की आस को जसो चलहेत।”

यहूदा 1:4

काहेकि आमरो बीच मा काही लोक चोरी लक आय घुसी सेत ऐना लोकहुन को सजा को बारे मा गिरंथ ना लगत पयलेच भविस्यवानी कर देयि होतिस। यो लोक बिना परमेस्वर को सेत। एना लोकहुन परमेस्वर को किरपा ला सुख सुविदा को एक बहाना बनाय डाकीसेत अना यो आमरो पिरभु अना केवल एक मालिक यीसु मसीह ला नही मानासेत।

परकासित वाक्य 13:14

येना अदभूत काम दिसावन को ताकत ओनो जनावर पुढ़ा भेटयो होतो। अना धरती को रव्हन वालो गिनलक दगाबाजी करत होतो। अना उनला कव्हत होतो। की ओनो जनावर को मुरत बनाव, जेनको पर तलवार को निसान सेत अना वा दुबारा जित्तो होय गयो से।

परकासित वाक्य 16:14

यो निसान दिसान वालो बुरो आतमा सेत। जो सप्पा संसार को राजा गिनको जवर हिटके एकोलाय जावासेत। का उनला सब लक ताकत वर परमेस्वर को बिरोधमा ओनो मोठो दिवस को लड़ाई को लाई जमा करेत।

परकासित वाक्य 18:2

ओना जोरलक चिल्लाय के कव्हयो “पड़ गयो! पड़ गयो! सुंदर मोठो नगर बेबीलोन पड़ गयो। अब यो बुरो आतमा को घर, असुद्ध आतमा का आसरा, अना हर एक असुध्द अना घिरनावारा पक्सी का बसेरा बन गयो से।

परकासित वाक्य 18:23

ना च दियो को उजाड़ा मंग कबच तोरो मा चमकेत। अना नाच नौरा नौरीको बोली तोरो मा आयकुआयेत। तोरो धन्धाकरनवारा धरती को मोठो आदमी होतीन। अना तोरो जादू लक सबच लोक गीन भरमाया गयो होतीन।

परकासित वाक्य 19:20

तबा पाठी को सेना ओनो जनावर ला धर लेयीन। ओको संगा च ओनो खोटो भविस्यवक्ता ला भी, जो ओनो जनावर को नाव मा चमत्कार निसान दिसायके उनला छल रहयो होतो, जिन पर ओनो हिंसक जनावर को छाप होती अना जो ओकी मूरति को पूजा करत होतीन। ऐना दुही ला जित्तो च गंधक लक सुलगी स्तोको झील मा फेक दियो गयो।

परकासित वाक्य 2:11

“जोन आयक सका सेत वा आयके आतमा कलीसिया लक काजक कव्हसेत? जोनला जीत मिल्हेत वोला दुबारा मरन को हान नही होयेत।

परकासित वाक्य 2:17

“अगर तुमरो कान से, तो आयको, आतमा कलीसिया लक काजक कव्हसेत।” “जोन लोक जीत जाहेत, मी उनला काही ला लुकायो मन्ना देहिन।” मी उनलक हरेक ला एक पांढरो गोटा देहुँ। जोनमा एक नवा नाव लिखयो गयो से। जोनला कोनी भी नहीं जाना सेत। जोनला यो भेटासेत।

परकासित वाक्य 2:29

जेका कान होयेत, उ आयक लेहेत की आतमा कलीसिया लक काजक कव्हसे।

परकासित वाक्य 2:7

जेनको कान सेत ता वा आयक लेव का आतमा कलीसिया लक काजक कव्हसे। जो जीत जाहे मी ओला परमेस्वर को सरग म लक “जीवन को झाड़ को फर खान ला देहूं।”

परकासित वाक्य 20:10

तबा सैतान ला, जेना उनको सँग छल करी होतीन, स्तो अना गन्धक को झील मा फेक दियो जाहेत, जहान ओना जनावर अना खोटो भविस्यवक्ता ला फेक गयो से। वहान उनला सदा को लाई तड़पत रहेत।

परकासित वाक्य 20:8

अना उ पुरो धरती मा फैलो हरेक देसला छलन को लाय हीट जाहेत, अना वा गोग अना मागोग ला छलेत। उ उनला लड़ाई को लाय जमा करयेत। वय समुन्दर को रेता को बराबर होतिन।

परकासित वाक्य 3:13

जेका कान सेत, उ आयक लेव की आतमा कलीसिया लक काजक कव्हसेत।

परकासित वाक्य 3:22

जेका कान होयेत उ आयक लेव, “का आतमा कलीसिया लक काजक कव्हसे।”

परकासित वाक्य 3:6

जेनको कान सेत वा आयक लेव, की आतमा कलीसिया लक काजक कव्हसे।

परकासित वाक्य 9:20

एको मा बाकी असो लोक जोन यो मोठयो नास लक नही मरयो होतिन। उनना आपरो हात को काम लक अबा मन नही मुरकायो होतिन। अना भूत-पलित को अना सोन्नो खुरो, कासो, गोटा अना काड़ी को वोना मुरती को अराधना नहीं सोड़यो। जोनना चोव सका सेत। न आयक सका सेत। न च रेग सका सेत।