1 तीमुथियुस 2:7 - सत मारग पर चलन वारो किताब

⁷ मी सच्चो कव्हसू झुठो नही बोलू का मी एना सिक्सा लक परचार अना पेरीत अखिन गैरयहुदीगीन को लाई बिस्वास अना सच्चाई की सिक्सा ठहरायो गई सेऊ।

1 तीमुथियुस 2:7 Iomraidhean Croise

योहन 7:35

यहुदी अधिकारी आपसी मा कहिन, “उ किता को जघा ला जासे का हमी ओला नही पायबिन?” का उ युनानी नगर ला ता नही जासे का वहान तितिर-बितिर रव्हन वाला यहुदी गीनला, युनानी मा सिक्सा सांगेह?

पेरीत 14:27

उता पहुचके ना उनना कलीसिया, को सभा हाकलिन। अना सबला सागिन, का परमेस्वर ना उनको लक काजक-काजक करीस, अना कसो गैर यहुदी लोकगीन को लाय, भरोसा को बेसकुड़ उघाड़िसेस।

पेरीत 22:21

अना वोना मोरो लक कहीस चली जाय काहेकी मी तोला गैर यहुदी को जवर दुहुर-दुहुर तकन।

पेरीत 26:20

बल्की एको उलट मी पयले उनला, दमिस्क मा, मंग येरुसलेम नगर मा, अना यहुदिया छेतर मा अना गैर यहुदी गीन ला सांगत रहयो। का मन मुरकाव, अना परमेस्वर कन मुरको अना साजरा काम करो।

पेरीत 9:15

पर पिरभू न वोला कहीस तु जाय, काहेकि यो मानूस ला गैरयहुदी अना राजागीन अखीन इसरायल गीनको पुड़ा मोरो नाव लेवन काजी मीना एला बेची सेऊ।

रोमियो 1:9

यो गोस्टी को परमेस्वर गवाह से, जोन मी सांगा सेऊ उ खरो से। जोन परमेस्वर को टूरा को बारेमा साजरो बारता आयकवा के पुरो मन लक मी वोको सेवा करासेऊ।

रोमियो 10:14

पर जोन पर उनना भरोसा नही करीसेस वय वोका कसो नाव लेहेत? अना जोन को बारेमा नही आयकिसेस, वोको पर कसो भरोसा ठेहेत? अना मुनादी करन वारा को बिना वय कोन लक आयकेत?

रोमियो 11:13

अबा मी तुम गैरयहूदी लक मी कव्हासेऊ, तुमी तो यहुदी नाहोती। काहेका मि खास लक गैरयहूदी गिनको लाय पेरीत सेऊ, मी आपरो काम को लाय पूरो मेहनत करा सेऊ।

रोमियो 15:16

का मी गैरयहुदी गिनको लाय यीसु मसीह को दास बनू, अना परमेस्वर को साजरो बारता को सेवा याजक को जसो करू, का गैरयहुदी रुपी मोरि भेंट पवीतर आतमा लक पवीतर होयके चढ़ायो जाय।

रोमियो 9:1

मी खरो कव्हासेऊ, मी मसीह को सेऊ। मोरी भितरी आतमा, पवितर आतमा को हुकूम मानअ सेत। मी खोटो नही कव्हासेऊ।

1 कुरिन्थियो 9:1

का मी छुट्टा मानूस नही सेऊ? का मी पेरीत नही सेऊ? का मीना पिरभू यीसु ला नही चोविसेऊ? का तुमी लोक मोरो मेहनत को फर नोहोव?

2 कुरिन्थियो 11:31

पिरभू यीसु को परमेस्वर बाबूजी सदा धन्य सेत। उ जाना सेत का मी खोटो नही सागसू।

गलातियो 1:16

परमेस्वर ना मोला आपरो टूरा ला दिसाईस अना मोला अलग कर देईस का मि यीसु को साजरो बारता ला परजात ला सांगु। एको मंघा मिना कोनी निरो मानूस खून को रिस्तेदार लक नही पुसयो।

गलातियो 1:20

परमेस्वर जानासे की जोन गोस्टी मी तुमला लिखीसेव, ओमा काही खोट नाहती।

गलातियो 2:16

आमी जानसेजन से की मानूस मोसे को नियम लक नही पर मसीह यीसु पर भरोसा करनो लक धरमी ठहरायो जासे। यो काजी आमी ना भी मसिहा यीसु पर भरोसा करीसेजन की आमी मोसे को नियम को लक नही पर मसीह पर भरोसा करन लक धरमी ठहरबोन। काहेकि मोसे को नियम लक कोनी भी मानूस देह धरमी नही ठहरायो जाहे।

गलातियो 2:9

जबा उनना ओना दया ला चिन्हिन जोन मोला मिली होतो ता याकूब, कैफा अना योहन ना जो कलीसिया को खम्बा समजो जावत होतीन, मोला अना बरनबास को संगती को उज्जो हात दियो की आमी परजात जातिगीन मा अना वय खतना करन वालो मा, काम करयेत।

गलातियो 3:9

एकोसाठी जोन बिस्वास करसेति, वय बिस्वासी अबराहम को संगा आसीस पाहेति।

2 तीमुथियुस 1:11

जेनको लाई मी परचार करन वारा अना पेरीत अखीन सिक्सा वालो भी ठहरायो।

2 पतरस 2:5

वोना जूनो जघा ला सोड़ले नाही, पर अना अनिति करनवारा दुनिया वर पूरा-पानी पठायो। अना नेक मानूस नूह को रक्सन करयो। अना नुहा समेत पूरा-पानी मा आठ लोकांनी बचाय लियो।