1 थिस्सलुनीकियो 1:6 - सत मारग पर चलन वारो किताब

⁶ तुमी न अमरो, अना पिरभू को मंघा होयके मोठी आफत को सामना करता हुयो, पवीतर आतमा की हेत करके खुसी लक साजरी बारता ला मानयात।

1 थिस्सलुनीकियो 1:6 Iomraidhean Croise

मत्ती 16:24

तबा यीसु न अपरो चेला लक कहीस, यदि कोनी मोरो माघा आवनो चाव्हसो, ता अपरो आप मा मुकरके, अपरो कूरूस खुदच उचलेह अना मोरो मंघा होय जाय।

योहन 8:12

मंग वहान पायो जावन वाला लोक गीनला यीसु ना कहीस, “जगत को उजाडो मि सेव। जोन मोरो मंघा चलहेत कबच इंधारो मा नही रहेत, पर ओला उजाड़ो मिल्हेत जोन जिंदगी देवासे।”

पेरीत 13:52

अन्ताकिया को बिस्वासी पवीतर आतमा लक भरपुर भई गइन।

पेरीत 5:41

वय खुसी होयके मोठी सभा लक चली गईन, काहेका उनना असो मानिन का परमेस्वर ना उनला यीसु को नाव लाई, बेइज्जत होवन को काबील समझयो।

पेरीत 9:31

असो परकार अबा सबरी यहुदिया गलील अना सामरिया छैत्र गीन को कलीसिया को बेरा सान्ती लक डर मा बितन लगयो। अना कलीसिया अखीन बनन लग्यो। अना पवीतर आतमा को बड़ावा मा जिंदगी बीतावन लगीन। अना कलिसिया गिनतीमा बड़न लगयो।

रोमियो 15:13

अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।

1 कुरिन्थियो 11:1

तुम लोकगीन जसो-जसो मी करासू तसोच-तसोच करो काहे का जसो मसीह पिरभू करासेत वसोच मी भी करासू।

1 कुरिन्थियो 11:2

तुमी मोरो हरेक बात को ध्यान राखासो अना जोन-जोन नेम मीना तुमला सांगिसेऊ उनमा तुमी बनो रव्हासो एकोलाय मी तुमारो बडाई करा सेऊ।

1 कुरिन्थियो 4:16

अता मी तुमी लक बिनती करा सू, का तुमी मोरो जसो चलो।

2 कुरिन्थियो 6:10

आमी दुखी चोवसेजन, पर आमी खुस सेजन, आमी गरिब सेजन, पर नगद लोकगीन ला धनी बनावसेजन। असो आमी चोवसेजन का अमरो कठा काही नाहती पर आमरो कठा सारी जुनुस सेत।

2 कुरिन्थियो 8:5

यो आमरो समज लक जादा आस होतो, काहेका उनना पयले आपरो आप ला पिरभू ला दे देइन अना मघा, परमेस्वर को मरजी लक खुदला भी अमीला दे देइन।

गलातियो 5:22

पर पवीतर आतमा को फर माया, उत्साह, सान्ती, धीरज, दयालुपन, भलाई अना भरोसा सेत।

इफिसियो 5:1

तुमी लोकगीन परमेस्वर को चहेतो सन्तान सेव एकोलाय साजरो लेकरा को जसो परमेस्वर लक जित्तो रव्हने

फिलिप्पियो 3:17

भाऊगीन तुमी सब मिलके मोरो जसो चाल चलो। अना उनला धियान लक दिसो, जोन ऐना रिती लक चलसेत। जेनको नमुना तुमी आमी मा दिससो।

2 थिस्सलुनीकियो 1:4

यहान तका की आमी खुदच परमेस्वर की कलीसिया मा तुमरो बारे मा घमंड करसेजन की जेतरा सताव अना दुख तुमी सहिसेव, ओनो सबच मा तुमरो धीरज अना भरोसा परगट होवासेत।

2 थिस्सलुनीकियो 3:7

काहेका तुमी आपच जान लेईसेव की कोनी रिती लक आमरी जसी चाल चलनो चाव्हसे। काहेकि कोनी आमरो बीच लक आलसी को जसो चाल नोको चलो।

2 थिस्सलुनीकियो 3:9

असो नही से की हमला हक नही होतो, पर एकोसाठी का खुदला तुमरो लाई नमुना बनाय गया की तुमी आमरो जसी चाल चलो।

2 तीमुथियुस 4:2

का तु बचन को परचार करतो बेरा अखीन हर बेरा तैय्यार रहवो सब पिरकार की सहनसीलता अना सिक्सा को संग बढ़ावा देव अना उलाहना देके समझावो।

इब्रानियो 10:34

तुमीना आपरो जोन लोकगीन जेलमा होतिन उनको सुदी लियो अना जबा तुमी लोकगीन को धन जपत कर लियो गयो तो तुमीना हूँ लक चूँ नही कव्हयो, काहेका तुमी जानत होतो का एको लक कही साजरा अना हमेसा को संपति तुमरो कठा सेत।

1 पतरस 1:6

अबा काही दिवस लाई कई पिरकार की परिक्सा गीन को लक तुमला दुखी होवनो जरूरी सेत। मर एको लाय तुम खुस होवो।

1 पतरस 1:8

तुमीना यीसु ला कभीच नही चोवयो सेव। अना वोको लक बगर देखयो पिरेम रखासेव। अना वोको पर बगर देखयो बिस्वास भी करासेव। अना यो बिस्वास को कारन तुमी लगत खुसी अना मगन सेव। जोन महिमा लक भरयो सेत। जोनला सागयो नही जाय सकत।

1 पतरस 3:13

अदी तुम्ही नेकी करान ला जोस मा सेव आहेत। तर तुमरो वाईट मानसा कोन आहेत?

3 योहन 1:11

अगा चहेतोहुन बुराई को नही पर भला को मंघा पराओ, जोन भलो करासेत परमेस्वर वोला चोवासेत पर जोन बुराई करासेत परमेस्वर को किरपा वोको पर नही होवासेत।