1 थिस्सलुनीकियो 1:5 - सत मारग पर चलन वारो किताब

⁵ काहेकी हमीना निरो गोस्टी लक नही पर ताकत अना पवीतर आतमा अखीन पिक्को बिस्वास को संग तुमी लोकगीन को बीच मा साजरो बारता को पिरचार करीया तुमी जानासेव का तुमरो कल्यान को लाई, तुमरो बीच मा हमरो सुभाव कसो होतो।

1 थिस्सलुनीकियो 1:5 Iomraidhean Croise

मरकुस 16:20

तबा उनना हिटके जघा-जघा परचार करन लागिन, अना पिरभु परमेस्वर उनको संग-संग काम करतो रहयो। अना गजब हिदान लक उनको गोस्टी ला पक्को करत रहयो। आमीन।

लूका 1:1

ओ पियारो थियुफिलुस, जोन गोस्टी हमरो संग मा बितो से। मि ना उनला लिखन को मन बनाइ सेव हमरो लक

पेरीत 11:21

अना पिरभू को ताकत उनको वरता होती। अखीन गजब लोक गीन भरोसा करके पिरभू को मानन वारा बन गईन।

पेरीत 16:14

वहाच लीदिया नाव को बाई होती। वा किमती बैंजनी कपरा को धंधा करत होती। अना परमेस्वर की पिराथना करत होती। वा आमरी गोस्टी आयकत होती। पिरभू ना ओको मन को बेसकुड़ खोलिस। जोनलक वा पौलुस की गोस्टी धियान देयके आयके।

पेरीत 2:33

परमेस्वर को उजो हात कन सब लक वरता पद पायके यीसु ना परम अजी को वादा को अनुसार पवितर आतमा पायके अना मग वोने यो आतमा ला आमरो पर उबडाय देईस जोनला तुमी अबा देखासेव अना आयकसेव।

रोमियो 1:16

साजरो बारता आयकवान काजी मोला काही सरम-लाज नाहती। यो तो परमेस्वर को ताकत से, जोन हरेक भरोसा राखन वारा, पयले यहूदी लोकगीन, अना मघा गैरयहुदी लोकगीन को लाय, मुकती को जरिया से।

रोमियो 15:13

अबा आस को परमेस्वर, तुमला भरोसा करन मा पूरो खुसि अना सान्ती लक भरदे। जेनको लक पवीतर आतमा को ताकत लक तुमरो आसा बढत जाय।

रोमियो 2:16

यो वोना दिवस होहेत, जोन दिवस साजरो बारता को लक यीसु मसीह को लक मोसे, परमेस्वर मानूस गीन को लुकी बात को, न्याय करके दन्ड देहेत।

1 कुरिन्थियो 1:24

पर परमेस्वर को निवाड़ो गयो लोक गीनको लाई, चाहे वय यहूदी होय, या गैर यहुदी, येच मसीह की ताकत अना परमेस्वर की गियान से।

1 कुरिन्थियो 10:33

जसो मी सब गोस्टी लक सबला खूस राखासू अना आपरो नही पर लगत मानुसगिन को भलो चव्हासू, का लगत मानूसगिन को सूटकारा भई जाये।

1 कुरिन्थियो 3:16

का तुमी नही मालूम सेत का तुमी परमेस्वर को मंदिर सेव? अना परमेस्वर को आतमा तुमी मा रव्हसे।

1 कुरिन्थियो 3:6

मिना बीज पेरो, अपोलुस ना फसल मा पानी चलायो। परा परमेस्वर ना वोला बड़ायो।

1 कुरिन्थियो 4:20

काहेका परमेस्वर को राज, गोस्टी मा नाहती, पर वोको ताकत मा सेत।

1 कुरिन्थियो 9:14

असोच पिरभू ना हुकूम देइसेस, का साजरा बारता आयकावान वारा, साजरा बारता आयकवा के, आपरो जिंदगी को रूजूक भाकर चला सका सेत।

2 कुरिन्थियो 3:6

जोनना अमीला नवा करार को दास होवनको काबिल बनाइसेस, यो लिख्यो करार नाहती पर आतमा को करार सेत काहेका लिखयो सबद मारसेत पर आतमा जित्तो करासेत सेत।

गलातियो 2:2

मि परमेस्वर को सांगयो लक उता गयो। अना जोन साजरो बारता मि परजात गीन मा सांगिसेउ। वाच मिना उनला सांग दियो, पुड़ा पेस कियो। पर एकलो मा उनला जोन मोठो समजो जावत होतीन। की कहीं मोरी यो बेरा की या पिछलो दौड़ धुप अकारत न होय जाय।

गलातियो 5:5

काहेका आतमा लक आमी भरोसा लक आस कियो हुया, धरमिपन को रस्ता चोविसेजन।

इफिसियो 2:10

काहेकि परमेस्वर हमरो बनावन वालो से। ओना मसीह यीसु मा हमारो बनावनो एकोलाई करीस सेस हमि भलो काम करबिन जिनला परमेस्वर ना पयले लक च एकोलाई तैयार करीसे का उनला करतो हुयो आपरो जिंदगी बिताबिन।

इफिसियो 3:20

अबा ओनो परमेस्वर को लाई जोन असो ताकतवर से, ओना ताकत कन लक जोन हमि मा काम करासे, की आमरी बिनती अना मन लक कहीं लगत बढ़के काम कर सकसे,

फिलिप्पियो 2:13

काहेकि परमेस्वर च से जोन ना आपरी साजरो मरजी को लाई तुमरो मन मा मरजी अना काम, दुही गोस्टी को करन को असर डाकीसेस।

फिलिप्पियो 4:9

जोन काही तुमना मोरो लक सीखयासेव अना अपनायो सेव, आयकिया अना चोयासेव, उनको मंघा चलोह अना परमेस्वर जो सान्ती को सोता से, तुमरो संगा रह।

कुलुस्सियो 2:2

जोन लक उनको मन मा सान्ती होवे अना आपस मा एक दुसरो लक पिरेम मा बंधके बढ़ते जाय। अना वय समझ के पूरो पक्को रुप लक वो पूरो धन ला पा जाय जोन को फर परमेस्वर को भेद मजे मसीह ला चिन्हनो सेत।

1 थिस्सलुनीकियो 2:13

एना कारन हमी भी सदा परमेस्वर ला धनवाद करा सेजन। का जबा हमरो कन लक तुमला परमेस्वर को गोस्टी की खबर मिली त तुमी न वोनो मानूस गीन ला नही, पर परमेस्वर को गोस्टी समझके अपनायेत। खरो मा उ से भी जोन तुमी भरोसा मा अपरो काम भी करासेत।

2 थिस्सलुनीकियो 2:14

जोन को साठी ओने तुमला आमरो साजरो बारता कन लक हाकलीसेस, की तुमी आमरो पिरभु यीसु मसीह को महिमा ला पाहो।

2 तीमुथियुस 2:10

एना कारन मी बेचयो हुया लोक गीन को लाई सबच काही सहन करासु का वय भी वोनच मुकती ला जोन मसीह यीसु मा से अमर महिमा को संग पाहेत।

2 तीमुथियुस 2:8

यीसु मसीह ला हेत राखो जोन दाऊद को खानदान मा भईसे अखीन मरयो हुयो मा लक जित्तो भईसे अना या मोरो साजरो बारता को अनुसार सेत।

इब्रानियो 10:22

एकोलाय आव आमी आपरो दोसी मन ला खरो करन काजी दिलमा छिड़काव करबीन अना आपरो देह ला सफा पानी लक धोवके बेकपट दिल लक पूरो भरोसा लक परमेस्वर को कठा जाबिन।

इब्रानियो 6:11

अमी चाव्हसेजन, का तुमरो मा लक हरेक जिंदगी भर असोच कड़ो मेहनत करतो रव्हे। अदि तुम्ही असो करासेव, ता तुम्ही पक्को च जोनको आस राखासेव वोला पाय जाहो।

1 पतरस 1:12

का वय इन गोस्टी ला, आपरो लाय नही, पर वय तुमरो बारेमा सागत होतिन। जेनको खबर तुमला उन लोकगिन को लक मिलयो। उ गोस्टी सरग को कन लक भेजयो गयो। पवितर आतमा को उकसायो जावनो पर तुमिला आयकवायो गयो सेत। अना इन गोस्टी ला चोवनलाय सरगदूत गिन भी मनसा राखत होतिन।

1 पतरस 1:3

धन्य से, आमरो पिरभू यीसु मसीह को परमेस्वर! जेना यीसु मसीह को मरयो हुयो मा लक जित्तो होवनो को कारन, अपरी मोठी दया लक, हमरो जीवित आस को लाई, नवतो रीती लक जलम देईसेस।

1 पतरस 5:3

जोन लोकावर तुमिला जबाबदारी सोपयो गयो सेत। उनको पर अधिकार गाजवू नका तर करपा साठी आदर्स बना।

2 पतरस 1:10

यो कारन अगो बंधूनो! आपरो आपला हाकलनो अना निवाड़ो लाय पक्को करन लाय साठी सप्पा तो परी कोसीस करा। आपरो असो करन्यास, तुमी कधीच विचलित होनार नाही।

2 पतरस 1:19

यो घटना लक भविस्यवक्ता गिन को वानी, आमरो लाय अवर बिस्वासी सिध्द भयो। एको मा धियान देवनो मा तुमरो कल्यान सेत। काहेका जब तकन पहेटिया नही होवासेत, अना तुमरो दिल मा सक्कार को तारा नही उगासेत। तब तकन भविस्यवक्ता गिनको वानी इन्धार मा चमकतो दीयो जसो सेत।