1 पतरस 3:5 - सत मारग पर चलन वारो किताब

⁵ काहेकी जूनो जमाना मा पवीतर आई-माई गीन भी जोन परमेस्वर मा आस राखा सेति। अपरा-अपरा नवरा गीन को अधीन रहके अपरो रिती-रिवाज को जसो सज्जत सवरत होतीन।

1 पतरस 3:5 Iomraidhean Croise

लूका 2:37

अखीन मंघा, वा बेवा भई गई होती अना ओको चऊरासी बरस लक बेवा होती। वा मंदिर को बाहेर नही हिटत होती, अखीन उपास पिराथना करत-करत, रात दिवस परमेस्वर को सेवा मा रव्हत होती।

पेरीत 1:14

इनको संग मा काही आई-माई, अखीन यीसु की माय मरियम अना वोका भाऊ गिन भी होतिन। यो सब आपरो आपला एक संग पिराथना मा लगायो राखत होतिन।

पेरीत 9:36

याफा नगर मा तबिता नाव को चेली रव्हत होति। जोनको यूनानी अनुवाद दोरकास मजे हिरनी सेत। वा हरामेसा आपरो बेरा साजरो काम अना दान धरम मा बितावत होती।

इफिसियो 5:33

एकोलाई काही भी होय, तुममा ला हरेक ला आपरी बायको लक वसोच माया करनो चाहिसे जसो तुमी खुदच अपरो आपला करोसो। अना एक बायको ला भी आपरो मरद को डर मानत हुयो ओको मान करनो चाहिसे।

1 तीमुथियुस 2:10

पर साजरो काम गीन लक, काहेकी परमेस्वर की भक्ती करन वारो आई-माई गिन लाय योच साजरो सेत।

1 तीमुथियुस 2:15

तबच आई-माई लेकरा बारा पैदा करनो लक सुटकारा पाहे अदी वा संयम लक बिस्वास पिरेम अना पवितरपन मा ठैयराइ सेस।

1 तीमुथियुस 5:10

अना साजरो काम मा नामी रही रव्हे जेना न लेकरा गीन को लालन-पालन करी रहेस पावना गीन की सेवा करी रहेस पवीतर लोक गीन का पाय धोई सेस दुखी गीन मदद करीसेस अखिन हर एक को साजरो काम मा मन लगाई सेस।

1 तीमुथियुस 5:5

जोन सहि मा बेवा से अना वोको कोनी नही उ परमेस्वर पर आस राखीसेस अना रात-दिवस बिनती अखिन पिराथना मा मगन रहवसे।

इब्रानियो 11:11

बिस्वास को कारन च, अबराहम बूड़गा भयी गयो होतो। अना सारा वाखड़ होती। जोनना बचन दियो होतो। वोको पर बिस्वास करके पोट लक भयी अना अबराहम बाप बना दियो।

1 पतरस 1:3

धन्य से, आमरो पिरभू यीसु मसीह को परमेस्वर! जेना यीसु मसीह को मरयो हुयो मा लक जित्तो होवनो को कारन, अपरी मोठी दया लक, हमरो जीवित आस को लाई, नवतो रीती लक जलम देईसेस।