1 योहन 1:2 - सत मारग पर चलन वारो किताब

² ओनो च जीवन को गियान आमीला करायो गयो। आमिना ओला चोया सेजन। आमी ओको गवाही सेजन अना अबा आमी तुमी लोकहुन ला ओना च अमर जिंदगी को एलान कर रही सेजन जोन बाबूजी को संग होतो अना आमी जेनको गियान करायो गयो।

1 योहन 1:2 Iomraidhean Croise

योहन 1:18

कबच कोनी न परमेस्वर ला नही चोयोसेस, पर परमेस्वर को टूरा नाच परमेस्वर ला चोवयोसेस, काहेका जोन वोकोच कन लक आईसे, वोनाच परमेस्वर ला चोवायोसेस।

योहन 1:4

वोको मा जिंदगी होतो, अना वा जीन्दगी मानूस गिनको उजाड़ो होतो।

योहन 10:28

मि उनला अमर जिंदगी देवासु, वय कभ्भू च नास नही होहेत। अना कोनी उनला मोरो हात लक नही हिसकेत।

योहन 14:6

यीसु ना ओला कहीस, रास्ता, खराई अना जीवन मिच आव। मोरो बगर कोनी बाबूजी को जवर नही जाय सका।

योहन 15:27

अना तुमी भी मोरो गवाही सेव काहे की तुमी सुरु मा मोरो सँग रही सेव।

योहन 16:28

मि बाबूजी को कन लक जगत मा आयीसेऊ, अना मि मंग जगत ला सोड़के बाबूजी को जवर जावासू।

योहन 17:3

अना अमर जिंदगी योसे की वय तोला एकच खरो परमेस्वर अना यीसु मसीह ला, जेनला तु ना धाड़ीसेस जानेत।

योहन 17:5

अता हे बाबूजी! तु आपरो सँग मोरी महिमा वा महीमा लक कर जोन जगत को पैदा होवन लक पुढा, मोरो तोरो सँग होतो।”

योहन 19:35

जेना यो देखीस ओने गवाही देइस, अना ओकी गवाही देईसेस अना ओको गवाही खरो से उ खूदच जानासे का खरो कव्हसे जेनको लक तुमी भी भरोसा राखो।

योहन 21:14

यो तिसरो गन से की यीसु मरो मा लक जित्तो होवनो को मंघा चेला गीन ला चोयो।

योहन 3:13

कोनी सरग मा नही चघयो से, पर उ चघयो से जोन सरग मा लक खाल्या उतरयो से। मजे “मानूस को टूरा” जोन सरग मा से।

योहन 7:29

मि ओला जानासू, काहेका मि ओको कन लक आयी सेऊ, अखीन ओने मोला धाड़िसेस।

योहन 8:38

मि वाच कव्हुसू जोन मिना आपरो परमेस्वर अजी को इता चोविसेऊ। अना तुमी वाच करोसो जोन तुमीना आपरो अजी सैतान लक आयकासेव।

पेरीत 1:22

उनमा लक कोनी एक ला यीसु को दुबारा जित्तो होवन को आमरो सग गवाह होवनो पायिजे।

पेरीत 10:41

सबच लोकगीन को पुड़ा नही, पर बस उन गवाह को पुड़ा जोनला परमेस्वर ना पयले लक बेच लेई होतो। मजे आमरो पुड़ा अ जिनना मरयो हुयो मा ओको जित्तो होवन को मंघा ओको सँग पियो अना जेवन कियो।

पेरीत 2:32

अना वोच यीसु ला परमेस्वर ना दुबारा जित्तो करीस अना हमी सबच येनो गोस्टी का गवाह सेजन।

पेरीत 3:15

तुमीना जिंदगानी को रास्ता चोवन वारा ला मार डाकयात। पर परमेस्वर न वोला मरयो हुयो मा लक जित्तो करीस। हमी वोको पुरुप सेजन।

पेरीत 5:32

एना सप्पा गोस्टी को अमी गवाही सेजन, अना वसोच पवीतर आतमा भी जोनला परमेस्वर न आपरो हुकूम मानन वारा लोकगीन ला देइसेस।

रोमियो 8:3

यो काम ला कानून नहीं कर सकयो, तबा परमेस्वर ना आपरो स्वता को टूरा लक यो काम करायो। जसो कमजोर देह लक अमी पाप करा सेजन, वसोच देह मा परमेस्वर ना आपरो टूरा ला धाड़ीस। जोन लक पाप ला निरस्त कर देवे।

गलातियो 4:4

पर बेरा पूरो भय जावन पर परमेस्वर ना मोसे को नियम लाई आपरो टूरा ला धाड़िसेस उ एक बायका लक पैदा भयो,

1 तीमुथियुस 3:16

एको मा सक नहाय का भक्ति को भेद गम्भीर से अना उ जोन हिरदय मा परगट भईसे, आतमा ना सच्चो अना धरमी ठहरायो, सरगदूत गीन ला चोवाईस गैरयहुदी लोक गीन मा, वोको परचार भयो संसार मा, वोको बिस्वास करयो गयो अना, महिमा मा वोरता उठायो गयो।

2 तीमुथियुस 1:10

पर अबा हमरो पाप मोचक मसीह यीसु को परगट होवनो लक प्रकासीत भयो जेना मिरतु को नास करीस अना जीवन अखीन अमरता की वोना साजरो बारता लक उजाडो जसो कर देईस।

तीतुस 1:2

अमर जीवन की ओना आसा मा जेकी परन परमेस्वर ना जोन झुठो नाहती जुनो जमाना लक करीसेस,

1 पतरस 5:1

जोन तुमरो मा बुजरुक सेत। वोला मी यो निवेदन करसेऊ, का मी भी एक बुजरुक सेऊ अना मसीह को दुख को पुरुप देवासू, अना वोको गौरव मा सह भागी होवके तुम्हीला समझावसू,

1 योहन 1:1

उ दुनिया को सुरुवात लकच ही होतो: आमीना येला आयकासेजन, आपरो नजर लक चोयोसेजन से, धियान लक चोयो सेजन, अना येला खुदच आपरो ही हातगीन लक आमीने येला छुयिसेत। आमी ओनो वचन को बारे मा साँग रही सेजन जो जीवन से।

1 योहन 2:25

ओना आमला अमर जिंदगी देन को परन करीसेस।

1 योहन 3:5

तुमी ता जानाच सेव का मसीह लोकहुन को पापहुन को एकोलाई दिसयो की पाप हुन ला दुहुर कर लेहे। उ सुभाव लक पापी नहाती।

1 योहन 3:8

जोन कोनी पाप करासे उ सैतान को कन लक से, काहेकि सैतान सुरुवात लक पाप करतो आयोसे। परमेस्वर को टूरा एकोलाई आयो का सैतान को काम ला नास करेत।

1 योहन 4:14

आमिना चोय भी लियासेजन अना गवाही देसेजन का बाबूजी ना टूरा ला संसार को सुटकारा देवनवालो करके धाड़ीसेस।

1 योहन 4:2

परमेस्वर को आतमा तुमी ऐना रीती लक ओरख सकासेव, जोन आतमा मान लेवासे का यीसु मसीह तन मा होयके आयिसे उ परमेस्वर को कन लक से,

1 योहन 5:11

अना ओकी गवाही यो से का परमेस्वर ना आमला अमर जिंदगी देईसेस, यो जिंदगी ओको टूरा कन लक मिलयो से।

1 योहन 5:13

परमेस्वर को टूरा मा भरोसा राखन वालो, तुमला यो गोस्टी मी एकोलाई लिख रही सेऊ जेनको लक तुमी यो जान लेव का अमर जिंदगी तुमरो जवर से।

1 योहन 5:20

लेकिन आमी यो भी जानासेजन का परमेस्वर को टूरा आय गयो से अना ओना आमला उ गियान देइसेस, मनजे यो का आमी ओमाच रव्हसेजन, जोन खरो से, मोठयो परमेस्वर च खरो परमेस्वर से अना ओच अमर जिंदगी से।