Udaxi 1:6 - Northern Tepehuan Bible

⁶ Dai gïn tïgitobïrai go tïtïañikarudï Diuxi ïpï ix makïdï ïr sïïrhikami bipiakamikatadai tïbagiana. Bapai ïgai xako mai biakatadai ïgai sïïrhikami dai kaxkïdï bubuaka abhiadïrï tïbagiañdïrï xako óídakatadai ïgai. Dai kaxkïdï aidï abhiadïrï bupurakami bia Diuxi go tïtïañikaru ïgai ïmo ïmapïkïrï xako kabami tukamuga. Dai mai bubuakimu asta xïïxkadï aiyagi go gïï tasai xïïxkadï aagada agai Diuxi ix tuma gïgïbidaragai aji agai bïïxi go soimaaxi ibuadami.

Tepehuan Northern: Diuusi ñiooquidʌ utuducami oodamicʌdʌ

⁶ Dai gʌntʌgitolda iñʌlidi aanʌ ʌʌpʌ isducatai Diuusi tʌtʌaañicarudʌ dagito gʌnguvucadaga dai vuvuaaja tʌvaagiañdʌrʌ. Vai Diuusi maamaisaca dai tomali ʌmo imidagai maivuvaida agai. Diuusi nʌnʌra isajiagi ʌgʌʌ tasai siʌʌscadʌ soimaasi taatatuldia agai ʌgai vʌʌsi gosoimaasi ivuaadami vai aaga agai ʌgai isducatai soimaasi taatatulda agai. Diuusi maamaisaca ʌgai siaaco tomastuigaco tucagamucana.

Udaxi 1:6 Iomraidhean Croise

Mataibo 10:15

Daiñi, aanï aagai sai ayimu ixtuigako Diuxi aagada agai ix tuma gïgïbidaragai biaka agai bïïxi soimaaxi ibuadami. Dai amaxi go óídakami ix makïdï maiti ipïrhi xi gïn miadïgidagi bamioma soimaaxi taata agai gïgïbidaragai xi bhai go óídakami Sodomïrï dai Gomorïrï ix makïdï kabami soimaaxi idui ïïki— itïtïdai Suxi go mamaatïrdamigadï.

Mataibo 25:41

Dai bhodïrï ñokidamu aanï ïgai ix makïdï gin ogixapadïrï gukaka agai, ix makïdï mai buaboitudai tudu. Dai potïdamu aanï, —Iimibïrai aapimï tabhiadïrï. Diuxi mai kïïgakïrï gïn nïidi tudu. Iimibïrai xako bïïxkïrï bïïtarï mïïkana táí, xako bhai dui Diuxi gïgïbidaragai bïïtarï go diabora ïmadï tïtïañikarudï. Gamo abïr iimi tudu.

Mataibo 8:29

Dai iñakimi ïgai daidi ikaitimi, —¿Ix tuixi gï bapasai aapi tami gïr ïmadï, aapi Diuxi Maradï?— ikaitimi. —¿Kaxi pïx soimaaxi gïr taatatulda ïrhidi mai kia aïkai ix tuigako?— ikaiti.

VUAANA 8:44

Aapimï ïr maamaradï go diabora di— itïtïdai. —Dai ojoidi aapimï ix buadagi ixtumaxi ïgai ipïrhidi. Ïgai tukamïrï abhiadïrï mos ïr gamuakamikana dai buidïrï kaatïkamikana ïgai ixtumaxi ïr buaboi. Ïïgi pomaaxi tuigakami ïgai ix kaxkïdï yaatagïi ïgai. Ïgaiñdïrï tudu daibïi bïïxi go yaatagi— itïtïdai.

Romanos 2:5

Dïï sïïrhikïdï mai tïtïkaidaga aapimï dai ïïgi gïn abhana dadasai aapimï gïïpioma gïgïbidaragai. Ayimu tudu ixtuigako Diuxi gatïtïïgida agai xïï kabami bhamu ïgai soimaaxi iibhïdakami bui. Aidïpïrï Diuxi aagada agai xorai biaka agai gïgïbidaragai dai xorai mai biaka agai. Sïïrhi aagada agai aidï.

Efesios 6:12

Daiñi, gïr buidïrï bïïtïkami maiti ïr odami. Aatïmï kokodai jaa ix makïdï ïr diabora tïtïañikarudï soimaaxi iibhïdagami dai ix makïdï mai nïidi aatïmï. Ïgai ïr gupudagai bipiakami dai tïtïanïdami tami oidigi daama dai maigobai tïbagiana ïpï. Gupuka ïgai dai tïanïi ïgai tanai oidigi daama óídakami. Kaxkïdï tukamugan dukai kaatï oidigi xibi gatïanïitai ïgai.

Hebreos 10:27

Ix modukai maiti ipïrhiada ïgai ix buaboitudagi aidï gia ka mos duadimuka agai ïgai nïnïrakatai sai Diuxi aagadagi ix bhai kïïga dui ïgai ix mai kïïga dui ïpï. Dai gokiïrï taatamu ïgai gïgïbidaragai go gïï taiyïrï xako xia gïn duñimu go buidïrï bïïtïkamigadï Diuxi.

2 Pedro 2:4

Daiñi, Diuxi mai oigïrhi go tïtïañikarudï ix makïdï soimaaxi iduitadai ïïki dai bhaiyoma maigobai surhi ïgai tïbagiañdïrï mïï taana go gïï dïgakana xako kabami tukamuga. Ami nïnïraka ïgai sai Diuxi maakana go gïgïbidaragai ix makïdï ajïga ïgai soimaaxi ibuadamikatai ïgai tudu.

2 Pedro 2:9

Diuxi kïïgakïrï busaitu ïgai tudu dai bhodïrï bïïxi naato xia dodai ïgai go soimaaxi ibuadami. Kaxkïdï gï maatï sai Diuxi kïïga ixtutuidikïi xi kïïgakïrï bubiadagi odami ix makïdï ïr kïïga ibuadami sai mai soimaaxi taatamaiña ïgai. Dai kïïga ixtutuidikïi xi apia soimaaxi taataturhiadagi soimaaxi buadami ïpï asta go kugatïrï tasïrï ukami xïxkadï aagada agai Diuxi ixtuma gïgïbidaragai aji agai ïgai.

Udaxi 1:13

Ïpïpï gïn aagidamu aanï ix maaxi go tïtïïgiadami yaatagi ïgai. Ïpïan dukami ïgai xïïxkadï gïï daibuskïdagi sudagi dai ugidïrï bipiïyi naana maaxi tukuragai. Pomaaxi ïgai. Dai maiti soikïi ïgai óídakami ix maatïkagi ix dukatai oijadagi oidakaradï ïpï. Ïpïamaaxi ïgai xixabugai ix makïdï kuga iji tudu. Maiti gï agai ix po gï ïrhiadagi ïmoko sai ïgai gïr tïïgidamu boi xako sïïrhi imiagi aatïmï oiditai gïr oidakaraga. Bïïxkïrï bïïtarï bii agai ïgai xako kabami tukamuga tudu.

Apokalipsis 20:10

Dai bhodïrï ïmo gïï taiyïrï daitudamu Diuxi go diabora ix makïdï gabuirumadatadai go óídakami. Ami gïximu ïgai xako daja go gïmai kïixi ix makïdï Diuxi ñokituldiadamigadï gï aagaiña ïïgi dai maiti ïr buaboi. Ami ïr go gïï taiyïrï xako asufrekïdï mïmïjïi. Dai ami bïïxkïrï bïïtarï apia soimaaxi taata agai táí dai mai tipukamu ibhïxtaragai ïgai bïïtarï.

Apokalipsis 20:2

Dai bhïiyi ïgai go gïï kooyi maaxkami kïixi ix makïdï ïïki abhiadïrï oidaga, go diabora tudu. Bhïiyi dai gia kadenakïdï dai ka maiti gï upasdamu ïgai ïmo mirhi umigi.