Tito 3:3 - Northern Tepehuan Bible

³ Daiñi, maiti gï agai xi soi dukai nïijada aatïmï go jaa ix makïdï mai buaboitudai. Aatïmï ïpï maiti ïr buaboitudadamikana ïkioma tudu dai ïpïan tutiakana aatïmï ïgai dai ïpïamaaxi ibuadana. Aidï mai ïïgidiña aatïmï Diuxi dai buaboitudaiña aatïmï ixtumaxi ïr yaatagi. Mai bhaigakana aatïmï xi dagitoagi go soimaaxkami ix makïdï ibuada ïrhidiña aatïmï gaagaitai ïmo bhai ïrhiaragai. Aidï ïjïgakoitïrïkana aatïmï dai gïr kïïdaiña aatïmï aipakoga. Pomaaxi tutiakana aatïmï mai kia buaboitudakai tudu.

Tepehuan Northern: Diuusi ñiooquidʌ utuducami oodamicʌdʌ

³ Ʌvaavoitudadami dai aatʌmʌ ʌʌpʌ aliʌ soimaasi ivuaadatadai maiquiaa vaavoitudacai ʌpan duucai ʌgai ismaacʌdʌ maivaavoitudai. Aatʌmʌ ʌʌquioma ʌrvupuiirugamicatadai dai vaavoitudaiña istumaasi maitʌrvaavoi, dai googosi gʌrducamicana, dai aliʌ soimaascatadai gʌrtʌgitoidaga cascʌdʌ ivuaadana aatʌmʌ istumaasi ipʌlidi naana maasi soimaascami. Dai coimudadʌ tuutiacana aatʌmʌ dai gʌrcʌʌdaiña oodami tʌtai aatʌmʌ ʌʌpʌ.

Tito 3:3 Iomraidhean Croise

Genesis 39:16

Bhodïrï go oki bhai dáí baasaradï Jose dai tïïgida agai aduñdï xïxkadï dibiagi ïgai.

Mataibo 21:29

Dai go maradï potïtïdai, —Cho. Maiti an imi agai— itïtïdai. Dïï gia bïïxkïrï ïma dukai gï tïgito go maradï gokiïrï dai bïïxkïrï jii dai gaataduñimu.

Lukas 21:8

Dai Suxi potïtïdai, —Mui dadimu kia jaa ix makïdï pokaitadamu sai bia gin sïïrhikamiga. Pokaitadamu ïgai saidi ïr Diuxi otosadï gabhaitïkïakami tudu. Dïï aapimï gï agai xi gïn nukadakagi sai maiti gïn bupuirumadagi ïgai. Jaa pokaitadamu sai ka aijimi Diuxi otosadï ïpï dïï maiti abïr buaboitudada ïgai.

VUAANA 8:34

Daidi go Suxi itïtïdai, —Ix aapimï ïïgiadagi go soimaaxkami kaxi ïr pipioñigadï go soimaaxi aapimï— itïtïdai.

Romanos 11:30

Ïkioma aapimï ix makïdï maiti ïr judidiu maiti ipïrhidiña xi ïïgiadagi Diuxi. Dai xibi go judidiu ïgai dai mai ïïgidimi. Kaxkïdï xibi Diuxi kïï tuiga aapimï gïn bïitarï.

Romanos 6:12

Kaxkïdï abïr mai dagito xi gïn tïanïdagi go soimaaxkami tami oidigi daama óídakatai aapimï bai mai ïïgiadagi aapimï gïn soimaaxi tïgibudagai.

Romanos 6:17

Ïkioma aapimï ïr pipioñigadïkana go soimaaxkami. Dïï xibi aanï aagai ansai bhai gin ïrhidi Diuxikïdï. Xibi aapimï bïïxi gïn bhai ïrhiarakïdï ïïgidi go ñoki ix makïdï gïn maatïturhi aanï kaxkïdï.

Romanos 6:22

Dïï xibi go soimaaxkami ka mai bia gubukadagai xi gïn tïanïdagi. Xibi aapimï ïr Diuxi pipioñigadï bhaiyoma. Kaxkïdï xibi Diuxi bïïtarï óídaga aapimï dai kïïgakïrï óídakamu aapimï bïïxkïrï bïïtarï.

Romanos 6:6

Kïï maatï aatïmï sai aidïxi Suxi gï xixatu kuruxiana aidï gïr ibhïdaga ïkidadï gï xixatu ïpï ïgai ïmadï. Podui Diuxi sai podukai ka maiti gïr tïanïdana go soimaaxkami.

2 Korintios 12:20

Ibuayi aanï idi ojai gïn soikïda in ïrhiditai tudu. Ipïrhidi aanï ix kïïga ibuada aapimï xïïxkadï amïka gïn dibiagi aanï, tadu soi gin ïrhiadagi aanï gïn nïiditai ix mai kïï ibuada aapimï. Xïduñada gïn bupui ñiñokadagi aapimï aipakoga aidï dai koimudadï gïn tutiakagi ïpï. Dai gïn bupui bhakoñikagi aapimï ïpï dai gïpiïrï gïn bupadagi aapimï aipakoga dai naana kaitiadagi aapimï dai gïgïrdukïdï gïn ïrhiadagi aapimï ïpï dai ka mos xixiokïdankaitiadagi aapimï amïka aïkai aanï. Maiti ipïrhidi aanï xi pomaaxi darakagi aapimï tudu xïïxkadï amïka dibiagi aanï dai kaxkïdï gïn otoxdi aanï idi ojai gïn soiña in ïrhiditai.

Galatas 6:3

Daiñi, aanï aagai sai ïïgi gï buirumadai ïmoko ix pokaitadagi sai mai bia xi soikïdagi jaa xïïxkadï mai kïï ibuadagi ïgai. Ix mai soiña ïrhiada ïmoko jaa gobai itïiya ïrhidi sai ïmo gïdukïdï gï ïrhidi ïïgi dai gobai maiti ïr buaboi xi ïr gïdukïdï. Xorai mai soiña ïrhiada jaa maiti ïr ïmo gïdukïdï toma lïïchi tudu mos ïïgi po gï ïrhidi ïgai.

Kolosenses 1:21

Aapimï ïpï buidïrï bïïtïkatadai Diuxi soimaaxkatai gïn tïgibudaga dai soimaaxi ibuadatai aapimï.

Kolosenses 3:7

Ïkioma aapimï ïpï ibuadana naana maaxi soimaaxi podukai ïpï mai kia dagitokai aapimï gobai.

2 Timoteo 3:13

Dai xibi bhaitiakoga apia bamioma xigarhi bujidamu go galtutuigakami ix makïdï bupuirumada agai óídakami. Ïgai apia tïtïïgiadamu ñoki go jaa yaatagikïdï dai podukai bupuirumadamu ïgai mui. Dai go ix makïdï ïr bupuirumadami jaa ïïgi kuga iimimu kaïkatai aatagi ix makïdï maiti ïr buaboi ïpï. Dai podukai apia bamioma kuga iimimu ïgai.

2 Timoteo 3:6

Oidaga ïïmoko po maaxi tutiakami ix makïdï aipako kiikiïrï ajiopai gaagaitai ïïmadaragai óídakami ïmadï dai ka ïïmadatai sai bhodïrï yaatagikïdï gamamaakaiña ñoki dai bupuirumadaiña ïgai odami. Dai oki ix makïdï mai kapaka tïgibudadï ïïgidiña. Ïgai ïr oki ix makïdï naana maaxi soimaaxkami ibuadana dai soigakoñikana. Kaxkïdï oton ïïgidiña ïgai go bupuirumadami.

Tito 1:16

Po kaitiña ïgai sai buaboitudai Diuxi dïï maatiga maaxi sai maiti ïr buaboi nïiditai ixtumaxi ibuayi. Mai ïïgidaraga ïgai tudu dai maiti ixtutuidikïi xi ibuadagi ixtumaxi ïr kïïga. Kaxkïdï go ïï tukuragai dukai nïidi Diuxi ïgai.

Tito 2:12

Dai xibi maatï nïiditai aatïmï xïï kïï tuiga Diuxi gobai gïr soikïi naana maaxi ixtumaxiïrï. Gïr soikïi gobai xi dagitoagi aatïmï ixtumaxi mai bhai ïrhidi Diuxi. Dai gïr soikïi ïpï xi gajiadïrï biagi aatïmï go soimaaxi ix makïdï ibuada ïrhidiña odami ix makïdï mai buaboitudai. Dai maatï nïiditai aatïmï xïï kïï tuiga Diuxi gobai gïr soikïi xi sïïrhi gïr tïtïgitoagi ïpï dai xi buañixikan dukai óídakagi idi oidigi daama kïïga ïïgiditai aatïmï Diuxi. Bïïxi gobai gïr soikïi maatï nïiditai aatïmï xïï kïï tuiga Diuxi otosakai ïgai Suxi Kristo.

Santiago 1:26

Gï agai ix ïïgiada aatïmï gïr buaboidaraga tudu. ¿Ïma dukai dukatai gïr soiñana gïr buaboidaraga ix mai ïïgiadagi aatïmï? Dukami, ix pokaitadagi ïmo odami sai kïïga oidi buaboidaradï dïï gia ix mai buamï ïrhiditai aagaiña ïgai soimaaxi ñoki, podukai ïïgi gï buirumadai ïgai. Gï maaxitudai ïgai sai maiti ïr soiñi buaboidaradï tudu.

1 Pedro 1:14

Daiñi, ïkioma aidïxi mai kia maatïkatadai aapimï ixtumaxi ïr buaboi dai ïïgidiña aapimï ïïgi gïn tïgibudaga, aidï biaka ïrhiditadai aapimï naana maaxi ix makïdï mai kïkïïgadu. Ka maiti abïr podukai óídaka xibi tudu. Ïïgiadabïrai Diuxi gïr Oga bhaiyoma aarhi maamaradïkatai aapimï.

Apokalipsis 12:9

Daidi Diuxi maigo surhi go gïï kïixi tïbagiañdïrï modukai tïtïañikarudï. Podukai bhaigobai oidigi daama surhi go kïixi ix makïdï diabora tïgidu dai satanás tïgidu ïpï. Ïgai tudu ïr go gïï kooyi agaikïdï ix makïdï ïki abhiadïrï ajiopaiña tami oidigi daama dai bupuirumadaiña óídakami. Tami oidigi daama gï surhitu ïgai tudu ïmadï modukai tïtïañikarudï maitïkai Diuxi tïtïañikarudï ïgai bui.

Apokalipsis 13:14

Diuxi maa ïgai oigaragai saidi ibuadana maaxidaragai podukai dai bupuirumadaiña ïgai bïïxi oidigi daama óídakami ibuadatai naana maaxi maaxidaragai ami buitapi go kïixi ix makïdï ka duayi. Dai tïjai ïgai óídakami saidi ibuadana ïmo ubixi ïpïamaaxkami go kïixi ix makïdï gï muragi dai duayi. Po buadana ïgai ipïrhiditai xi odami xadutuadagi ïgai.

Apokalipsis 18:2

Daidi gïgïrï iñakimi ïgai daidi ikaitimi, —Ka xia tui go gïï kiiki Babilonia tïgidukïdï. Xibi ïr diabora tïtïañikarudï kiidï gobai dai ïr kiidï ujurugi tukurakami dai soimaaxkami.