Tito 3:13 - Northern Tepehuan Bible

¹³ Ami Kretana daraka goka kïkïïrhi Apolos dai Zenas tïtïgidukami. Go Zenas ïr ïmoko ix makïdï soikïiña odami dudunukamiïrï. Ñokiturhiña go odami dudunukami buidïrï tudu. Kïïga soikïda aapi go Apolos dai Zenas asta xako ukami ixtutiadagi aapi. Dai xïxkadï imïda aagadagi ïgai mïkadïrï gï agai xi maakadagi aapi ixtumaxi tïgitokagi ïgai sai mai biïgakagi ixtumaxi imidadïrï bïïtarï.

Tepehuan Northern: Diuusi ñiooquidʌ utuducami oodamicʌdʌ

¹³ Dai soiñañi Seenasi ismaacʌdʌ ñiooquituldi oodami ʌʌmadu Apoolosi vʌʌsicʌdʌ pʌstucʌdʌ istuidiagi, maacañi istumaasi tʌgito ʌgai dai apiaiimʌdagi vai maiviʌʌgacana tomali ʌmo istumaasi.

Tito 3:13 Iomraidhean Croise

Mataibo 22:35

Dai ïmadutai ïgai ix makïdï ïr gatïtïïgiadami sïïrhikami ñokidi go Suxi dai tïkakai ïmo xijiakami ïpï. Po ïrhiditadai ïgai saidi maaxituda agai sai go Suxi mai buaboikïdï ïr otosadï Diuxi tudu. Daidi potïtïdai ïgai,

Lukas 10:25

Daidi bhodïrï ami kïkiba ïmo kïïrhi ix makïdï ïr tïtïgiadami go Moises ojadï dai ñokidi ïgai go Suxi. Mos maatïka ïrhiditadai ix bhai kïïga aa noraidana Suxi daidi potïtïdai, —Aapi gïr mamaatïtuldiadamiga, ¿Tumaxi gï agai aanï xi ibuadagi dai kïïgakïrï oidakagi bïïxkïrï bïïtarï?— itïtïdai.

Lukas 11:45

Daidi ïmo kïïrhi tïtïgiadami sïïrhikami ix makïdï ami dakatadai mai bhai ïrhi kaïkatai ñokidï go Suxi daidi potïtïdai, —Aapi Suxi gïr mamaatïtuldiadamiga, arhiï galkaiti aapi gïr bui. Aatïmï ïpï gïr aagadankaiti aapi aagaitai go fariseos di— itïtïdai.

Lukas 11:52

—Agia soimaaxi taatamu aapimï tïtïgiadami sïïrhikami— itïtïdai. —Kaxkïdï tudu sobhikïi aapimï odami ix mai maatïkagi ïgai ixtumaxi ïr buaboi. Ïpïan buayi aapimï ïmo odami ix makïdï maigobai daitudagi yabe ixtukïdï bakiagi ïmoko xakoga gï mamaatïrïi ixtumaxi ïr buaboi dai gokiïrï ka mai bhaigakana ïgai ixdukatai bapakïdagi tomarhi ïgai dai tomarhi jaa ïpï. Pobuayi aapimï sobhikïitai aapimï jaa ix mai maatïkagi ïgai ixtumaxi ïr buaboi— itïtïdai Suxi.

Lukas 14:3

Dai Suxi maatïkatadai sai go tïtïgiadami sïïrhikami ïmadï go fariseos nukadatadai sa tuma duna. Daidi go Suxi gatïkakai aidï, —¿Gïr maakai xi oigaragai gïr sïïrhikamiga xi duduadadagi aatïmï kokokoñiadï ibhïxtaragai tasïrï?— itïtïdai.

Lukas 7:30

Dïï gia go fariseos ïmadï go tïtïgiadami sïïrhikami ïgai mai ïïgiditadai go Juan dai mai dagitotadai xi gïn bapakonadagi ïgai. Dai kaxkïdï kaïkai ïgai ix pokaiti Suxi sai go Juan ïr ïmo gïdukami ïgai bhaiyoma mos bamioma gïn kapakatu dai mai bhai aa xi iduñagi Diuxi ixtumaxi iduña ïrhidi ïgaikïdï.

Hechos 15:3

Daidi go Pabora ïmadï Bernabe bhïiyi boi ïmadï jaa chïki buaboitudadami, gïn otosakai go buaboitudadami. Sïïrhi dïgabusai ïgai xako Fenisiana dai Samariana tïtïgidu oidigi. Aatagidi ïgai go buaboitudadami judidiu ami oidakami dai aagidi sai jaa odami ïpï ix makïdï maiti ïr judidiu ka buaboitudaitadai Suxi Kristo. Daidi bïïxkatai go buaboitudadami ami oidakami bhai gïn ïjïrhi kaïkai aatagidï.

Hechos 18:24

Aidïpïrï Efesoana ayi ïmo kïïrhi Apolos tïgidukami dai ïgai ïr judiu. Alejandreañdïrï oidakamikatadai ïgai dai kïïga maatï ñokai dai kïïga maatïtai aagai Diuxi ñokidï.

Hechos 19:1

Daidi bhodïrï ïmo imidagai Apolos biitadai Korintoana dai Pabora oi gï imidaga xibhïakoga. Ukoidigana sïïrhi daibusai ïgai dai ayi xako Efesoana tïgidu bhaabhaki. Ami tïï ïgai chïki buaboitudadami.

Hechos 21:5

Dïï tomax dukai mosïkaxi ïmo ïkarhi bii aatïmï ami dai gokiïrï jii Pabora dai aatïmï oi. Daidi go buaboitudadami gïr oi ïpï sudagi ugidïrï ukami, modukai oki dai aarhi bïïxi. Dai ami oratana gïr totonakïdï gukiba aatïmï dai gaataga ïmadï Diuxi.

Hechos 28:10

Kïïgakïrï gïr tïï ami óídakami aidï dai naana maaxi gïr maa oidaragai. Dai gokiïrï aidïxi ka iimi aragaitadai aatïmï gïr maa ïgai kuadagai ixtuma ugia aatïmï ïmai barkoïrï iimïkai ïpamu.

Romanos 15:24

Kaxkïdï xibi gia Romïrï sïïrhi daibuña in ïrhidi aanï dai gïn dibida in ïrhidi. Dai abhiadïrï imia in ïrhidi Españamu. Gin urhiñda iñagai gïn ïmadï lachi dai bhodïrï ipïrhidi aanï xi gin maakiagi aapimï soiñi xi oijada aanï gin imidagai Españamajakoga.

1 Korintios 16:11

Maiti gï agai xi soi dukai nïijada aapimï tudu daidi abïr maaka ixtumaxi tïgitokagi ïgai imidagai bïïtarï xïxkadï imiagi ïgai daidi itïda sai Diuxi kïïgakïrï baidakana asta tami ukami xako daja aanï. Kaxkïdï tudu bhaigobai imi agai ïgai ïpamu. Tami tudu nïnïraka aanï xi aiyagi ïgai ïmadï go gaa gïr susukurhi ix makïdï oidi.

1 Korintios 16:12

Gin susukurhi, tomaxi aagidi aanï go Apolos sai oidana go gaa buaboitudadami xïïxkadï gïn dibidagi ïgai dïï maiti ipïrhi go Apolos kia. Gokiïrioma imimu ïgai xïïxkadï ixtutiadagi.