Tito 2:12 - Northern Tepehuan Bible

¹² Dai xibi maatï nïiditai aatïmï xïï kïï tuiga Diuxi gobai gïr soikïi naana maaxi ixtumaxiïrï. Gïr soikïi gobai xi dagitoagi aatïmï ixtumaxi mai bhai ïrhidi Diuxi. Dai gïr soikïi ïpï xi gajiadïrï biagi aatïmï go soimaaxi ix makïdï ibuada ïrhidiña odami ix makïdï mai buaboitudai. Dai maatï nïiditai aatïmï xïï kïï tuiga Diuxi gobai gïr soikïi xi sïïrhi gïr tïtïgitoagi ïpï dai xi buañixikan dukai óídakagi idi oidigi daama kïïga ïïgiditai aatïmï Diuxi. Bïïxi gobai gïr soikïi maatï nïiditai aatïmï xïï kïï tuiga Diuxi otosakai ïgai Suxi Kristo.

Tepehuan Northern: Diuusi ñiooquidʌ utuducami oodamicʌdʌ

¹² Dai poduucai Diuusi gʌrmamaatʌtuldi isgʌaagai isgajiaadʌrʌ vipiaadagi vʌʌsi soimaascami dai sai maitʌaagai isivuaadagi naana maasi soimaascami ismaacʌdʌ ivueeyi ʌgai ismaacʌdʌ maivaavoitudai Diuusi, dai sai gʌaagai iscʌʌga tuutiacagi dai siaa duutuadagi Diuusi.

Tito 2:12 Iomraidhean Croise

Mataibo 12:32

Dai xi odami galnaaxi surhigidagi ñoki gin buidïrï aanï ix makïdï ïr otosadï Diuxi dai ïmo kïïrhi busai, gobai ïpï oigïldamu Diuxi. Dïï gia xi ïmo odami galnaaxi ñoki surhigidagi buidïrï Diuxi Ibhïadï gobai gia mai oigïldamu ïgai. Maita oigïldamu ïgai tomarhi ïmo imidagai tudu. Tomarhi tami oidigi daama tomarhi gïmai oidigïrï gokiïrioma ïpï. Daiñi, kïïga ïr buaboi sai oigïldamu Diuxi bïïxi soimaaxkamigadï odami, dïï gia ix surhigidagi odami galnaaxi ñoki buidïrï Diuxi ibhïadï, gobai gia mai oigïldamu ïgai— itïtïdai.

Mataibo 16:24

Daidi bhodïrï Suxi potïtïdai mamaatïrdamigadï, —Gïn aagidamu aanï ix dukatai gï agai xi ibuadagi odami ix makïdï ipïrhiadagi saidi ïr gin mamaatïrdamigakagi. Gï agai xi dagitoagi ïgai ïïgi tïgibudadï. Ka maiti gï agai xi ibuadagi ïgai ïïgi ixtumaxi ipïrhiadagi ïgai tudu. Xorai gin oijada ïrhiada gï agai bhaiyoma xi bïïx tasai kusukan dukai imïdagi go kuruxi ixtukïdï gï muatuda aagai ïgai. Gobai itïiya ïrhidi sai gï agai xi bïïx tasai bhai gï dukagi ïgai ix soimaaxi taatagi dai asta sai gï muatudagi gin oiditai. Aidï gia bhaigakamu ïgai xi gin oijadagi daidi ïr gin mamaatïrdamigakagi. Ïma dukai gia cho— itïtïdai.

Mataibo 28:20

Tïïgidabïrai ñoki sai ïïgiada ïgai bïïxi ixtumaxi gïn tïjai aanï. Dai gï agai sai maatïka aapimï sai aanï gïn ïmadï daka iñagai asta xïïxkadï ukami kïakagi oidigi— itïtïdai Suxi. Mosïkaxi.

Lukas 1:6

Dai kïï tutiakatadai go Zakarias ïmadï Elisabet Diuxi buidïrï kïïga ïïgiditai ïgai ixtumaxi tïjai Diuxi. Podukai óídakaiña ïgai tudu bïïxkïrï xi kaxkïdï mai tipukatadai ixtukïdï gïpiïrï bupadagi jaa.

Lukas 1:75

Xibi bhaigakamu aatïmï xi kïïga buañixikan dukai xadutuadagi ïgai ïko darakatai aatïmï soimaaxkamiañdïrï. Bhaigakamu aatïmï xi xadutudaitai óídakagi bïïx tasai asta xïïxkadï ka iji aatïmï tami oidigi daamaiñdïrï— ikaiti go Zakarias.

VUAANA 14:30

Ka mai xii tïbïpi aatagadamu aanï gïn ïmadï xibi tudu. Ka karhioga dibia go Diabora ix makïdï gatïanïi tami oidigi daama. Ïgai mai bia gubukarhigai ix gin tïanïdagi

VUAANA 6:25

Ayi ïgai Kapernaumïrï xako dajatadai Suxi daidi itïtïdai, —¿Pïtïkidï ayi tami aapi Mamaatïtuldiadami?— itïtïdai.

Hechos 24:16

Kaxkïdï gaagai aanï ixdukatai oidakagi ixdukai buaboitudai aanï gin ibhïdagïrï xi ïr sïïrhi xi podukai mai xaïradagi aanï Diuxi buitapi dai odami buitapi ïpï.

Hechos 24:25

Ga aagiditadai ixdukatai sïïrhi oidakagi dai ix dukatai nukadakagi gï tïgibudaga. Dai aagidi ïpï sai maatigian dukai ayi agai ixtuigako Diuxi aagada agai ix makïdï odami ïgai dai biakamu gïgïbidaragai. Dai duadimu go Felix kaïkatai aatagidï Pabora daidi itïtïdai aidï, —Kïïgadu xibi bïïtarï. Imïdañi. Ïpï daamïrï xudu biakagi aanï tasai gï otosdamu aanï ñoki pïx dibiagi— itïtïdai.

Romanos 12:2

Maiti abïr ïïgiada tïgibudadï oidigi daama óídakami bhaiyoma abïr bhïiyi tïgibudagai utudui Diuxiañdïrï. Aidï gia gïn utudutuldamu Diuxi gïn ïrabiadïrï dai maatïkamu aapimï ixtuma agai Diuxi gïn bïïtarï. Ix makïdï Diuxi aagai gïn bïïtarï mos ïr ïï kïkïïgadukami dai buapai bhai ïrhiaraga Diuxi bïïtarï. Mai tipu ïma maaxi bamioma kïïgadukami xi bhai ix makïdï Diuxi agai gïn bïïtarï.

Romanos 6:12

Kaxkïdï abïr mai dagito xi gïn tïanïdagi go soimaaxkami tami oidigi daama óídakatai aapimï bai mai ïïgiadagi aapimï gïn soimaaxi tïgibudagai.

Romanos 6:19

Xijaiga gïn bïïtarï xi maatï kajiagi gin aatagi. Kaxkïdï xibhï gïn aatagidamu aanï ixtumaxi mai xijaiga, ix makïdï bïïx tasai nïidiña aapimï. Daiñi, ïkioma ïïgidiña aapimï gïn soimaaxi tïgibudagai dai mos ïr pipioñigadï dukamikana go soimaaxkami adaimïitai gobai. Dïï xibi gï agai mïxi gatïïgidagi gïn tukuga bïï sudakami Diuxi xi ïr ïïgi ïgai bïïtarïkagi aapimï. Aidï gia Diuxi bïïtarï óídakamu aapimï kïïgakïrï.

Romanos 8:13

Ix ïïgiditai óídakagi aapimï gïn ïkidadï tïgibudagai aidï gia mos koimu aapimï. Dïï gia ix Diuxi Ibhïadï gubukarhigakïdï maigobai dasagi aapimï ix makïdï ibuadana ïïgiditai gïn tïgibudaga ïkidadï, aidï gia kïïgakïrï óídakamu aapimï.

2 Korintios 1:12

Gin aaduñi, aanï ïmadï Timoteo kïïga maatï gïr ibhïdagïrï sai tomarhi ïmo imidagai mai yaatagidi aatïmï go óídakami dai mai buirumagi aatïmï. Kïïga ibhïxtakan taadaga gïr iibhïdaga kïï sïïrhi ibuadatai aatïmï óídakami bïïtarï tudu gïr soikïitai Diuxi. Dai asta bamioma kïïga ibuadana aatïmï aapimï gïn bïïtarï gïr aaduñikatai aapimï Diuxi amadïrï. Kïïga sïïrhi ibuadana aatïmï tudu oiditai Diuxi tïgibudadï dai mai xu xi oidiña aatïmï go oidigi daama óídakami tïgibudadï. Dai pokaiti aatïmï sai gobai gia kïïga namïga, sïïrhi ibuadatai aatïmï tudu.

2 Korintios 7:1

Aapimï gin aaduñi ix makïdï kïïga oigïdai aanï, kaxi gïr aagidi Diuxi saidi gïr saagida oidaka agai ïgai. Kaxkïdï tïtai maigobai dasa bïïxi aïkatai go soimaaxkami ix makïdï gïr tukurhimadagi gïr tukuga ïmadï gïr ibhïdaga. Tïtai ïkobai óídaka bïïxi go soimaaxkamiañdïrï tudu dai go ïïgi Diuxi bïïtarï óídaka kïïga xadutudaitai aatïmï.

Galatas 1:4

Suxi Kristo tudu ïgai dai ïïgi gï tïïgi sai gï muatudana ïmo daxdaragai dukai dai bhai duñagai gïr soimaaxkamiga sai ka kïï biïna aatïmï Diuxi ïmadï. Podukai idui ïgai dai kïïgakïrï gïr bubaitu bïïxi go soimaaxkamiañdïrï ix makïdï oidaga tami idi oidigi daama. Podukai ipïrhi Diuxi gïr Oga sai ïïgi gï tïïgidana Suxi gïr bïïtarï tudu xi kaxkïdï gï tïïgi ïgai dai gï muatu.

Galatas 5:24

Daiñi, aatïmï ka bïïna daraka Suxi Kristo xibi dai ka ïkobai bii aatïmï gïr ïïkidadï tïgibudagaiñdïrï. Aatïmï gïr bïïtarï ka kuruxiana xixapikan dukai biyan dui gïr ïïkidadï tïgibudagai tudu dai kaxkïdï ka mai bia aatïmï xi ïïgiadagi gobai xïïxkadï gïr aagidagi sai iduña rïrhidi ixtumaxi.

Efesios 1:4

Daiñi, ïïki, mai kia kïkibakai oidigi, Diuxi gïr darai sai aatïmï ïr ïko bubaidadïkana bïïna darakatai aatïmï Suxi Kristo. Aidïpïrï ïkiaxdïrï kaxi ïko gïr bubaitutadai Diuxi saidi aatïmï ïr ïko darasadïkana daidi sai mai tipukana soimaaxi gïr abhana ixtumaxi gïpiïrï gïr daitudagi ixtumaxi Diuxi buitapi.

Efesios 2:2

Aidïpïrï adaimïiña aapimï go odami tïgibudadï dai ïïgidiña aapimï go diabora pobuadatai. Go diabora ïgai dai tïanïi go soimaaxi iibïdagami ix makïdï mos ïbïltapi ajiopai. Dai xibi aatabuayi ïgai iibhïadïrï odami ix makïdï mai ïïgidi Diuxi ïpï.

Kolosenses 1:22

Buidïrï bïïtïkamikatadai aapimï Diuxi tudu. Dïï gia Suxi Kristo bhai dui gïn bïïtarï sai podukai ka mai buidïrï bïïtïkana aapimï. Dibia ïgai tami oidigi daama dai bhïiyi ïmo tukugai ïpïan dukai ix makïdï bia aatïmï dai muu ïgai kuruxiana dai ami bhai dui gïn bïïtarï. Dai xibi ka buitapi gïn tutui ïgai Diuxi. Xibi kaxi ïr ïko bubaidadï aapimï Diuxi tudu dai ami Diuxi buitapi guka aapimï mai biakatai ixtukïdï gïpiïrï gïn bupadagi ixtumaxi.

1Tesalonicenses 4:7

Diuxi gïr báí mai xu sai soimaaxi ibuadagi aatïmï tudu dai bhaiyoma gïr báí sai ïgai bïïtarïkana aatïmï.

1Tesalonicenses 4:9

Daiñi, Diuxi kaxi gïn maatïturhi ix dukatai oigïdadagi aapimï go gaa tudu. Dai kaxkïdï gokïdï bhaitoma maiti gï agai ix gïn maakiagi aatïmï ñoki.

1 Tomoteo 4:12

Maiti gï dagito ïpï xi jaa soi dukai gï nïijadagi utudukatai aapi kia dai bhaiyoma kïïga ibuada aapi dai kïïga ñokada dai kïïga buaboitudada dai kïïga oigïdada aapi jaa. Kïïga buañixikami dukai oidaka tudu dai podukai tïïgida go gaa buaboitudadami ix dukatai gï agai ix oidakagi ïgai.

1 Tomoteo 6:17

Aapi Timoteo, aagidañi go buaboitudadami ix makïdï gïn bipidaka sai mai gïgïrdukïdï gïn ïrhiada naana maaxi biakatai tami idi oidigi daama. Maiti gï agai xi buaboitudada ïgai buxtuidadï tudu po ïrhiditai xi gobai ïr soiñigadïka agai. Bïïxi gobai ugitimu tudu. Kaxkïdï gï agai bhaiyoma xi buaboitudada ïgai Diuxi. Ïgai ïr soiñigadï di. Ïgai gia mai ugiti agai dai ipïrhidi xi bhai gïr ïrhiada aatïmï. Kaxkïdï gïr maa ïgai mosïï ïï naana maaxi ixtumaxi bia aatïmï.

1 Tomoteo 6:9

Daiñi, mui odami gïpiïrï susurhigïiña gïn bipida ïrhiditai. Kaxkïdï tudu ibuada ïrhidiña ïgai naana maaxi soimaaxkami. Pobïnïrhidi sai podukai gïn bipida agai. Gobai ïgai dai gïpiïrï surhitudai dai xia buayi oidakaradï bïïxkïrï bïïtarï.

2 Timoteo 3:12

Pomaaxkamu aatïmï gïr bïïtarï ix makïdï bïïna daraka Suxi Kristo dai ix makïdï kïïga xadutudaitai óídaka rïrhidi. Mai biïgaka agai xorai soi gïr buidadagi tudu.

2 Timoteo 4:10

Bhaitoma ïïgi bii aanï tanai kaxkïdï. Kaxi gin dagito go Demas tudu dai jii Tesalonikamu gaagaitai bhai ïrhiaragai ixtumaxiïrï oidaga tami oidigi daama. Dai go Kresente jii Galasiamu dai go Tito jii Dalmasiamu.

Tito 3:3

Daiñi, maiti gï agai xi soi dukai nïijada aatïmï go jaa ix makïdï mai buaboitudai. Aatïmï ïpï maiti ïr buaboitudadamikana ïkioma tudu dai ïpïan tutiakana aatïmï ïgai dai ïpïamaaxi ibuadana. Aidï mai ïïgidiña aatïmï Diuxi dai buaboitudaiña aatïmï ixtumaxi ïr yaatagi. Mai bhaigakana aatïmï xi dagitoagi go soimaaxkami ix makïdï ibuada ïrhidiña aatïmï gaagaitai ïmo bhai ïrhiaragai. Aidï ïjïgakoitïrïkana aatïmï dai gïr kïïdaiña aatïmï aipakoga. Pomaaxi tutiakana aatïmï mai kia buaboitudakai tudu.

Hebreos 8:11

Amaxi ka maiti gï agadamu xi go Israelitas aipako gïn tïtïïgiadagi ñoki saidi gin maatïkana ïgai. Ka kïïga gin maatïkamu ïgai bïïxkatai kaxkïdï. Mai xudu xi ïr gïïgïr tïtïanïdamikagi xi ïr arhi odami dukaikagi ix makïdï mai tïanïi toma lïïchi ïpï. Bïïxkatai ïgai kïïga gin maatïkamu aidï, ikaiti.

Santiago 1:27

Dïï gia Diuxi pokaiti sai odami ix makïdï mai sarabidi go soimaaxkami ix makïdï oidaga tami oidigi daama dai bhaiyoma kïïga soikïdagi aarhi mai dïïdïkami ïmadï bipiudu, sai ïgai gia kïïga oidi go buaboidaragai ix makïdï kïïga buañixi. Oidi ïgai go buaboidaragai ix makïdï mai bia soimaaxi tudu.

2 Pedro 2:9

Diuxi kïïgakïrï busaitu ïgai tudu dai bhodïrï bïïxi naato xia dodai ïgai go soimaaxi ibuadami. Kaxkïdï gï maatï sai Diuxi kïïga ixtutuidikïi xi kïïgakïrï bubiadagi odami ix makïdï ïr kïïga ibuadami sai mai soimaaxi taatamaiña ïgai. Dai kïïga ixtutuidikïi xi apia soimaaxi taataturhiadagi soimaaxi buadami ïpï asta go kugatïrï tasïrï ukami xïxkadï aagada agai Diuxi ixtuma gïgïbidaragai aji agai ïgai.

2 Pedro 3:11

Ugida agai bïïxi aïkatai ixtumaxi nïidi aatïmï tudu. Kaxkïdï maatiga maaxi sai gï agai sai kïïga buañixikami dukai óídakagi aatïmï kïïga ïïgiditai aatïmï Diuxi.

1 Juan 2:27

Daiñi, Suxi Kristo gïn maa Diuxi Ibhïadï sai gïn ïmadï oidakana. Ïgai gïn maatïtulda agai bïïxi ixtumaxi ix makïdï gï agai ix maatïkagi aapimï dai bïïxi aïkatai ixtumaxi gïn maatïtuldagi ïgai kïïga ïr buaboi. Xadïrï gïn yaatagidana ïgai tudu. Kaxkïdï mai aagai aapimï ïmai xorai gïn maatïturhiadagi. Diuxi Ibhïadï gïn maatïturhiadamu kaxkïdï. Ïïgiadabïrai ixtumaxi gïn mamaatïturhiadagi Diuxi Ibhïadï tudu dai podukai urabakatai óídaka aapimï Suxi Kristo.

1 Juan 2:6

Ix pokaitadagi ïmoko sai urabaka Diuxi aidï gia gï agai sai ïpïandukai oidakagi ïgai Suxi Kristo ïma dukai yaatagïi ïgai tudu.

1 Juan 5:19

Kïïga maatï aatïmï saidi ïr maamaradï aatïmï Diuxi tudu. Dai maatï aatïmï ïpï sai go diabora tïanïi bïïxi go gaa oidigi daama óídakami ix makïdï mai buaboitudai Suxi Kristo.

Udaxi 1:18

Ïkiaxdïrï gïn aagidi ïgai sai xïïxkadï karhioga ugiti agadagi oidigi saidi oidaka agai mui parunadami. Ïgai adaimuda agai ïïgi bhai ïrhiaradï ibuadatai ïïgi ixtumaxi bhai ïrhiadagi ïgai. Po kaiti go ojotosadï Suxi Kristo baasïkioma tudu dai ipïrhidi aanï saidi gïn tïgitokagi aapimï gobai.

Apokalipsis 14:12

Dai go buaboitudadami óídaga saagida go gaa ix makïdï xadutudai go kïixi dai kaxkïdï gï agai buaboitudadami xi bhai gïn dukagi dai gïn kabakadagi sai mai dagitokai ïïgiada ïgai Diuxi dai sai apia buaboitudada ïgai Suxi Kristo.