Rut 2:1 - Northern Tepehuan Bible

¹ Dai ami Bhelenïrï oidakatadai ïmo kïïrhi Bhooz tïgidukami. Ïgai ïmadï go kunakarudï Noemi bïï goka ïr pipixaradï ïmo ïïki oidakami Elimelek tïgidukami. Dai kïïga gï bidakana go Bhooz dai ïmo tïanïdamikana ïgai ami Bhelenïrï.

Rut 2:1 Iomraidhean Croise

Mataibo 1:5

Go Salmón marai go Boozkaru abhana go oki Rahabkaru. Dai Booz marai go Obedkaru abhana go Rutkaru. Dai go Obed marai go Isaíkaru.

Lukas 3:32

Dai go Natan ïr maradïkatadai go Dabid. Dai go Dabid ïr maradïkatadai go Isaí. Dai go Isaí ïr maradïkatadai go Obed. Dai go Obed ïr maradïkatadai go Booz. Dai go Booz ïr maradïkatadai go Salmón. Dai go Salmón ïr maradïkatadai go Naasón.

Rut 1:2

Dai aduñdï go kïïrhi Noemi tïgidukatadai. Dai jii go kïïrhi ami kiyañdïrï ïmadï modukai aduñdï dai maamaradï dai maigobai mïkaxi oidatu xako Moab tïgidu oidigi. Gokadu maamaradï go kïïrhi dai bïï goka ïr kïkïïrhi ïpï.

Rut 2:2

Daidi ïmo imidagai sai go potïtïdai Rut go Noemi, -Bhaiga pïx agai sai mïï oijada aanï go gayobadami nïidana sa bhai gï tuiga amudï dai gin maakana oigaragai sai ïmpaida (utuba?) aani muradadï go cebada ix makïdï surhigiagi dai nobai dïbïriana biyagi- itïtïdai. -Ïjï kïïgadu gobai- ikaiti go Noemi.