Rut 1:14 - Northern Tepehuan Bible

¹⁴ Dai ïpamï gïgïr sosoakatadai ïgai. Daidi go Orpah komitu tumudï dai diosagi. Dïï gia go Rut gia apiadukai mai dagito. Apia (was holding on to her) bhaiyoma.

Rut 1:14 Iomraidhean Croise

Mataibo 10:37

—Muidutai gïn aaduñi bhakoikamu gin buaboitudatai aapimï tudu. Dai aanï aagai sai xorai gin dagitoagi ipïrhiditai sai mai bhakoikagi dïïdïdï, ïgai ka maiti ïr ajïakami xi gin urabakagi. Dai podukai ïpï xorai gin dagitoagi ipïrhiditai sai maamaradï mai bhakoikagi, ïgai ka maiti ïr ajïakami xi gin urabakagi ïpï— itïtïdai.

Mataibo 16:24

Daidi bhodïrï Suxi potïtïdai mamaatïrdamigadï, —Gïn aagidamu aanï ix dukatai gï agai xi ibuadagi odami ix makïdï ipïrhiadagi saidi ïr gin mamaatïrdamigakagi. Gï agai xi dagitoagi ïgai ïïgi tïgibudadï. Ka maiti gï agai xi ibuadagi ïgai ïïgi ixtumaxi ipïrhiadagi ïgai tudu. Xorai gin oijada ïrhiada gï agai bhaiyoma xi bïïx tasai kusukan dukai imïdagi go kuruxi ixtukïdï gï muatuda aagai ïgai. Gobai itïiya ïrhidi sai gï agai xi bïïx tasai bhai gï dukagi ïgai ix soimaaxi taatagi dai asta sai gï muatudagi gin oiditai. Aidï gia bhaigakamu ïgai xi gin oijadagi daidi ïr gin mamaatïrdamigakagi. Ïma dukai gia cho— itïtïdai.

Mataibo 19:22

Dai soi gïrhi go kïïrhi kaïkai ix kaiti go Suxi maigobai jii abhiadïrï. Kïïga gï bidakatadai ïgai tudu dai maiti ipïrhidi xi gamaakadagi buxtuidadï go soititigami bïïtarï.

Hechos 17:34

Daidi ïïmoko ix makïdï ami darajatadai buaboitu Suxi Kristo dai oi go Pabora. Ïmoko Dionisio tïgidukana. Ïgai ïr bhaitï kïakamikana ami Areopagïrï. Dai ïmo oki Damaris tïgidukami buaboitu ïpï ïmadï jaa odami ïpï.

2 Timoteo 4:10

Bhaitoma ïïgi bii aanï tanai kaxkïdï. Kaxi gin dagito go Demas tudu dai jii Tesalonikamu gaagaitai bhai ïrhiaragai ixtumaxiïrï oidaga tami oidigi daama. Dai go Kresente jii Galasiamu dai go Tito jii Dalmasiamu.

Hebreos 10:39

Dïï aatïmï gia maiti ïr ïgai ix makïdï daadagitoi go buaboikïdï buaboidaragai. Ïgai ïïgi gïpiïrï gïn surhigai dai xia gïn buayi dïï aatïmï gia cho. Aatïmï gia apia buaboitudai dai kïïgakïrï bubuakïi.

Rut 1:13

bhai ix ïïgi biïna aapimï dai mai kukuntana asta xïxkadï ka kïrhitua ïgai? Xadïrï! Bamioma gïpiïrï gïi bii aani xi aapimï tudu. Kaxi gin bui kïkiba Gïr Nukadakami di!- itïtïdai.

Rut 1:15

Daidi go Noemi potïtïdai, -Daiñi aapi Rut, ka nora gï (Noxi) dai uraba agai aaduñdï pamï dai apia buaboitudada agai didiuxigadï ïgai. Gin dagitomudai aapi ïpï ïpïan dukai go Orpah.

Rut 1:7

Dai jii go Noemi abhiadïrï xako oidakatadai ïgai dai bhïi boi Judamakoga. Dai bïï goka kakaxdïdï oi ïpï.

Rut 2:11

-Ïjï, kïï maatï aanï sai xibhadïrï oidakami aapi- itïtïdai go Bhooz. -Dïï gia kïïga maatï aanï ïpï xïï kïï tuigakana aapi gï tumo bïïtarï aidï abhiadïrï xi muu gï kunakaru. Ka dagito aapi gï dïï dai gï kii xako gïrakami aapi dai ka bhaigobai Israelana dibia, dai xibi ka oidaga aapi tanai xako mai maatï aapi oidakami.