Numeros 13:27 - Northern Tepehuan Bible

²⁷ Daidi itïtïdai ïgai go Moises aidï, —Kaxi aatï dada mïkadïrï xako gïr otoi aapi— itïtïdai. —Kïï oidaga naana maaxi kïïkïgadukami dai dïdïbïrai kïïkïgaduka maaxi ïxidagai bïïtarï ïpï. Daiñi, ix maxi ibhiadï— itïtïdai. Dai tïïgi ibhiadï ix makïdï bua ïgai.

Numeros 13:27 Iomraidhean Croise

Exodo 3:17

—Daidi aagidamu aapi go Israelitas sai aanï gï aagidi sai kïïgakïrï gïn bubaida iñagai abhiadïrï Ejiptuañdïrï sai podukai go Ejiptuïrï óídakami ka mai soi buadana. Daidi aagidañi sai gïn baidaja iñagai gamo xako óídaga go Kananeos dai go Hititas dai Amoreos dai Fereseos dai Hebeos dai Jebuseos. Gamo gïn baidaja iñagai xako gïïpiga dïbïrai dai kïïgadu bïïxi. Potïdamu aapi go Israelitas— itïtïdai Diuxi Moises.

Exodo 3:8

—Kaxkïdï tïbai aanï tïbagiañdïrï daidi kïïgakïrï bubaida iñagai xi ka mai soi buadagi go Ejiptuïrï óídakami. Ayimu ixtuigako baidamu aanï gin aaduñi abhiadïrï Ejiptuañdïrï. Daidi baidakamu aanï xako gïïgïr kaatï dïdïbïrai dai kïkïïgadukami. Xako óídaga go Kananeos agaikïdï óídakami ïmadï go Hititas dai Amoreos dai Fereseos dai Hebeos dai Jebuseos— itïtïdai Diuxi Moises.

Numeros 14:7

Daidi itïtïdai ïgai go Israelitas aidï —Kaïkabïrai aapimï gïr aaduñi. Arhiïxi kïïgadu go oidigi xako nonora aatïmï dai bïïxi aipako gïr tïgito nïnïidi.

Numeros 14:8

Kïïga naana maaxi oidaga kïïkïgadukami dai dïdïbïrai kïïkïgadu ïxidagai bïïtarï. Daiñi, xi oigïda gïr nïijadagi Gïr Nukadakami aidï gia gïr soiñamu ïgai dai gïr tïïgidamu go dïdïbïrai gobai oidataragai bïïtarï— itïtïdai go Kaleb ïmadï Josue.