Mataibo 9:4 - Northern Tepehuan Bible

⁴ Dai Suxi kïï maatï ix gïn tïtïitoi ïgai daidi potïtïdai, —¿Ix tuixidï gïn tïtïitoi aapimï sai mai bia aanï gubukarhigai ix oigïrhiadagi go soimaaxkamigadï odami? Soimaaxi tïtïitoi aapimï tudu.

Tepehuan Northern: Diuusi ñiooquidʌ utuducami oodamicʌdʌ

⁴ Vaidʌ ʌSuusi maatʌcatadai istumaasi gʌntʌtʌgitoi ʌgai daidʌ itʌtʌdai: ―¿Tuimʌsi mosʌʌ soimaasi gʌntʌtʌgitoi?

Mataibo 9:4 Iomraidhean Croise

Mataibo 12:25

Dai kïïga maatïkatadai Suxi gïn tïtïitoi go fariseos daidi potïtïdai, —Pokaiti aapimï sai go diabora gubukarhigadïkïdï bubaidiña aanï tïtïañikarudï. ¿Dïï gia dukai ïr buaboikana gobai? Daiñi, go diabora ïr ïmo gïï rey gï dukami go tïtïañikarudï bïïtarï. Dai xi ïïgi bubiadagi ïgai tïtïañikarudï odamiañdïrï gobai ïr ïpïan dukami xi ïmo Rey bui gïgïxiagi ïïgi tïtïañikarudï. Dai xi pobuadagi ïmo rey aidï gia mai tïbïpi gatïanïdamu ïgai. Gobai ïpïamaaxi xïïxkadï gïn bupui kokoadagi go óídakami ïmo kiiyïrï xiïpï ïmo gïï kiikiïrï ïpï, ka maiti ïr gïn aadunumï dukamikana ïgai pobuadatai. Ïïgi gïn bupui surhigïi ïgai kaxkïdï— itïtïdai. —Dai pomaaxi go diaborakïdï ïpï, ¿Xi go diabora bui gïxiagi aaduñdï dukatai tïbïpi gatïanïiña ïgai?— itïtïdai.

Markos 12:15

—¿Gï agai tïxi tïïgidagi go kuota, ix cho ïpï?— itïtïdai ïgai go Suxi. Dïï mos go Suxi kïï maatï ix mos yaatabogan dukai ñokai ïgai. Daidi potïtïdai aidï, —¿Tui mïxi gin buirumada ïrhidi?— itïtïdai. —Bhaigobai abïr buapa ïmo tuminxi, nïida iñagai ix maaxi— itïtïdai.

Markos 2:8

Dai Suxi kïï maatï ix tïtïitoi ïgai aidï daidi potïtïdai, —¿Tui mïxi podukai gïn tïtïitoi aapimï?

Lukas 11:17

Dïï go Suxi maatïkatadai ixtumaxi gïn tïtïitoitadai go odami daidi potïtïdai, —Pokaiti aapimï sai go diabora gubukarhigadïkïdï bubaidiña aanï tïtïañikarudï go diabora. ¿Dïï gia dukai ïr buaboikana gobai? Daiñi, gobai ïr ïpïan dukami xi ïïgi gïn bupui surhigiagi tïtïañikarudï ïmo rey. Dai xi tïtïañikarudï ïmo rey ïïgi gïn kokoadan buadagi ka mai tïbïpi gatïañimu go rey. Dai podukai ïpï xi ïïgi gïn bupui kokoadagi óídakami ïïgi kiiyïrï ka maiti ïr ïmo aadunumïka agai ïgai ïpï— itïtïdai.

Lukas 5:22

Dai Suxi kïï maatïkatadai ixtumaxi gïn tïtïitoitadai ïgai daidi potïtïdai, —¿Tuixi pomaaxi gïn tïtïitoi aapimï?

Lukas 6:8

Dai Suxi maatïkatadai ixtumaxi gïn tïtïitoitadai go fariseos dai potïtïdai ïgai go ix makïdï gakixapi ïkadï, —Gimi bhaigobai bhaitïki go gaa— itïtïdai. Dai ïïgidi go kïïrhi dai kïkiba ami go gaa buidïrï.

Lukas 7:40

Dai Suxi maatïkatadai ixtuma gï tïtïitoi go fariseo daidi potïtïdai, —Aapi Ximuñi, gï aagidamu aanï ïmo maaxidaragai— itïtïdai. Ximuñi tïgidukatadai go fariseo tudu. Daidi go Ximuñi potïtïdai, —Ïjï kïïgadu aapi gin mamaatïtuldiadamiga. Gin aagidañi— itïtïdai.

VUAANA 16:19

Daidi Suxi máí sai go gaa tïkaka ïrhiditadai ix tïiya ïrhidi aatagidï daidi itïtïdai, —¿Gïn tïkakaimi mïxi aipakoga ix tuixi pobïntïtïdai aanï sai —Ïpï chïki tasaikïdï ka maiti gin nïijadamu aapimï. Dïï gokiïrï gia otoma gin tïïgimu aapimï ïpamu?— itïtïdai.

VUAANA 16:30

—Xibi ka máí aatïmï sai aapi bïïxi aïkatai maatï. Aapi kïï maatï ix tuma tïtïitoiña odami dai kïï maatï ix tumaxi gatïkaka agadagi mai kia gatïkakai ïgai. Kaxkïdï gï buaboitudai aatïmï ix Diuxiañdïrï dibia aapi— itïtïdai.

VUAANA 21:17

Dai bhodïrï ïpamu potïtïdai ïgai, —Aapi Ximuñi ix makïdï ïr Juan maradï ¿Gin oigïdai pïxi?— itïtïdai. Baikojo podukai tïkakai go Suxi go Piduru dai kaxkïdï soi gï ïrhi go Piduru daidi itïtïdai ïgai go Suxi, —Aapi gin Tïanïdamiga kïï maatï bïïxi aïkatai. Dai kïïga maatï aapi ix aanï gï oigïdai— itïtïdai. Daidi go Suxi itïtïdai, —Kïïga saadaka gin sosoiga kañiru— itïtïdai.

VUAANA 6:61

Daidi Suxi máí ix tumaxi gïn tïtïïgitokatadai ïgai daidi itïtïdai, —¿Xijiakan duu mïx kaï idi aatagi dai kaxkïdï mai buaboituda ïrhidi?— itïtïdai.

VUAANA 6:64

Dïï ïïmadutai aapimï maiti gin buaboitudai tomax dukai— itïtïdai. Potïtïdai Suxi tudu kïïga maatïkatai xorai ïgai dai mai buaboituda agaitadai. Dai maatïkatadai ïpï ix makïdï odami ïgai dai gatïïgida agai ïgai.

Hechos 5:9

Daidi go Piduru itïtïdai aidï, —¿Ix tuixidï pomaaxi gïn tïïtïitoi aapi ïmadï Ananias dai pomaaxi yaatagidi Diuxi Ibhïadï? Kiidañdïrï imïi gïgïrhi ix makïdï bhïkai gï kuna dai yaasa. Dai xibi aapi gï bhïkia agai ïpï— itïtïdai go Piduru.

Apokalipsis 2:23

Dai kodamu aanï ix makïdï ïïgidi aatagidï ïpï. Aidï gia bïïxi go buaboitudadami ix makïdï aipakoga gïn ïmpaidiña maatï nïijadamu sai aanï bïïxi maatï ixtumaxi tïtïitoi odami dai ixtumaxi ibuada ïrhidiña ïpï. Dai maatïkamu ïgai xi aanï maakimu ixtumaxi ajïakagi bïïxi odami. Gobai ïr go ñoki ix makïdï bia aanï go soimaaxi ibuadami bïïtarï.