Mataibo 9:18 - Northern Tepehuan Bible

¹⁸ Kia mesa buidïrï dakatadai Suxi aidï dai kia gamamaakaitadai aatagi bai ami dibia ïmo kïïrhi ix makïdï biakatadai ïmo sïïrhikami kiupaigadïrï go judidiu. Ami ayi ïgai dai tootonakïdï kïkiba buidïrï Suxi daidi potïtïdai, —Utudami ugidagai gin maara oki. Dïï gia buaboitudai aanï sai ix mïï taatagi aapi gï ïkakïdï, kïïga duakatuda antaada ïpamu— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁸ Aidʌsidʌ ʌSuusi aagaitadai imaasi tai ami divia ʌmo judidíu tʌaanʌdamigadʌ dai gʌtootonacʌdʌ cʌquiva ʌSuusi vuidʌrʌ daidʌ itʌtʌdai: ―Giñmara ooqui utudama muu dai isaapi imiagi dai daama daasagi gʌnovi ʌpamu duaacan tada ʌgai ―astʌtʌdai ʌjudidíu tʌaanʌdamigadʌ.

Mataibo 9:18 Iomraidhean Croise

Mataibo 14:33

Daidi bïïxkatai ix makïdï barkoïrï iimïitadai aagidi xadutudaragai ñoki Suxi nïiditai ix dukatai pogïduitadai. Daidi ikaiti ïgai, —Aa gia ïr buaboi saidi ïr Diuxi Maradï aapi— itïtïdai ïgai bïïxkatai.

Mataibo 15:25

Dïï gia go oki mïï dibia buidïrï Suxi dai ami totonakïdï kïkiba daidi potïtïdai, —Gin soiñañi aapi gin Tïanïdamiga— itïtïdai.

Mataibo 17:14

Dai gokiïrï ka tubidakiañdïrï iimïitai ïgai saidi ayi ïgai ïpamu xako darakatadai go mui odami dai ami ayi ïmo kïïrhi dai totonakïdï kïkiba buidïrï Suxi dai potïtïdai ïgai,

Mataibo 20:20

Dai bhodïrï go oñigadï go Zebedeo ïmadï goka maamaradï mïï ayi buidïrï go Suxi dai kuiki buidïrï. Jakobo dai Juan tïtïgidu go maamaradï go oki.

Mataibo 28:17

Daidi tïïgakai ïgai go Suxi ami saidi idui ïgai ïmo xadutudaragai ïgai bïïtarï. Dïï gia ïïmoko mai maatïkatadai ix bhai kïïga buaboitudagi kia ix bhai buaboikïdï ïr go Suxi gobai.

Mataibo 8:2

Dai ami dibia ïmo kïïrhi xako imïitadai go Suxi dai buidïrï ayi. Kabami ïr kokoadï ïgai. Ka dubarhimikatadai tukugadï kokodagaikïdï tudu. Lepra tïgidu go kokodagai ïgai. Dai gï totonakïdï kïkiba go kokoadï ami buidïrï Suxi daidi potïtïdai, —Aapi Gïr Nukadakami, ix ipïldagi aapi kïïga gin duadi antaada aapi— itïtïdai go kïïrhi.

Mataibo 8:25

Daidi go mamaatïrdamigadï nïñitu go Suxi dai potïtïdai, —Gïr Nukadakami gïr soiñañi. Kaxi atrhioga bhaiko aatïmï— itïtïdai.

Mataibo 9:17

—Dai podukai ïpï xadïrï sudadana odami ïmo ogi tukayu kïrhiñdadïrï utudui bino. Ix pobuadagi ïgai aidï gia gokiïrï kopi antaada go ogi tukayu dai bïïxi aaxta antaada go bino. Daiñi, go utudui bino gï susudadai utudui tutukayuïrï. Podukai mai xïbuayi tomarhi go bino dai tomarhi go ogi tutukayu ïpï— itïtïdai.

Mataibo 9:19

Dai otoma oi Suxi ïmadï mamaatïrdamigadï gamo kiidïrï go kïïrhi.

Mataibo 9:24

Daidi Suxi potïtïdai, —Iimibïrai— itïtïdai. —Maiti ïr mukiadï go arhi oki. Mos koso gobai— itïtïdai. Bai go óídakami aasïi mai buaboidaitai.

Lukas 13:14

Dïï gia go tïanïdami kiupaigadïrï judidiu ami dakatadai dai bhamu nïiditai sai go Suxi duaditadai go oki ibhïxtaragai tasïrï. Saapatokotadai aidïxi duadi ïgai tudu. Daidi go tïanïdami kiupiana potïtïdai go odami, —Aapimï odami, kïïga bia aatïmï oigaragai xi naadami tasai aatabuadagi dai ibhïxtaragai tasïrï gia cho. Gï agai tudu xi dadiagi aapimï dai gïn duduadadagi ïmai tasïrï mai xu xi ibhïxtaragai tasïrï— itïtïdai.

Lukas 18:18

Dai ïmo imidagai ïmo gubukadagai biakami potïtïdai go Suxi, —Aapi mamaatïtuldiadami kïï tuigakïdï, ¿Tumaxi gï agai xi iduñagi aanï dai kïïgakïrï oidakana bïïxkïrï bïïtarï?— itïtïdai.

Lukas 7:2

Dai ami oidakatadai ïmo tïanïdami sandadaru romano dai biakatadai ïmo pioñi soigaxikami duu ix makïdï kïïga oigïdaitadai ïgai. Dai kabami kokokatadai go pioñi. Karhioga mukiada maaxkatadai ïgai.

VUAANA 11:25

Dai Suxi itïtïdai aidï, —Aanï ïgai ix makïdï duduakatudai koidadï di. Dai aanïkïdï kïïgakïrï óídaga óídakami ïpï. Odami ix makïdï gin buaboitudai, tomaxi koi ïgai bïïxkïrï kïïgakïrï duduaka agai.

VUAANA 11:32

Daidi ka aïkai go Maria xako dajatadai go Suxi gï totonakïdï kïkiba buidïrï daidi itïtïdai, —Gïr Nukadakami, ix tami dakamudai aapi baasïki aidï gia mai mukimudai gin xiixi— itïtïdai.

Hechos 13:15

Daidi go bhaitï gukakïdï ami kiupiïrï nïnïidi ojadï Moises dai aagidi odami ix kaiti gobai ïmadï ojadï jaa aagadami Diuxi ñokidï. Dai bhodïrï báí ïgai go Pabora ïmadï Bernabe daidi itïtïdai, —Gïr dadidakami aapimï, dai ix biakagi aapimï ïmo abïnakidaragai maaxi gïr aaduñi bïïtarï abïr aagada gobai dai abïnakiada gïr aaduñi— itïtïdai.

Hechos 28:8

Daidi ogadï go Publio kaatïkatadai oiditai toiñdagai ïmadï bhitabigai. Baidi Pabora baa xako kaatïkatadai ïgai dai ami gaataga Diuxi ïmadï dai bhodïrï kokoadï daama darai ïgai gï noonobi dai go kokoadï duayi aidï.