Mataibo 8:8 - Northern Tepehuan Bible

^8-9 Daidi go tïanïdami sandadaru potïtïdai, —Cho aapi gin Tïanïdamiga, maiti ïr ajïakami aanï xi bakiagi aapi gin kiiyïrï mos ïï gïïpi bamioma namïakatai aapi xi aanï— itïtïdai. —Kïïga gï buaboitudai aanï sai mosïkaxi gï ñokikïdï duadiagi gin pioñi— itïtïdai. —Kïïga maatï aanï gobai. Aanï ïr sandaru tudu dai bia aanï xi ïïgiadagi ñokidï gin tïanïdamiga. Dai aanï tïanïi jaa sandadaru ïpï dai bia ïgai xi gin ïïgiadagi gin ñoki ïpï. Dukami xi aagidagi aanï sai maigobai imïna ïmoko ka biakana ïgai xi gin ïïgiadagi. Dai xi aagidagi aanï ïmoko sai bhaigobai dibiana, biakana xi otoma dibiagi ïgai. Dai bia aanï gin pipioñiga ïpï dai ixdukatai aagidagi aanï bia ïgai xi gin ïïgiadagi. Kaxkïdï kïïga buaboitudai aanï sai ix aapi tabhiadïrï aagagi aapi sai duadana gin pioñiga otoma duadiamu ïgai. Mai bia aapi xi imiagi amïka tudu— itïtïdai go tïanïdami sandadaru go Suxi.

Tepehuan Northern: Diuusi ñiooquidʌ utuducami oodamicʌdʌ

⁸ Taidʌ ʌsandaaru tʌaanʌdamigadʌ aa noragi daidʌ itʌtʌdai: ―Tʌaanʌdami aapi vaamioma tʌaanʌi iñsaanʌ cascʌdʌ maitʌaagai pʌssoigʌvuaadagi mosai potʌi sai duaadʌna giñmara siʌgai duaadimu.

Mataibo 8:8 Iomraidhean Croise

Numeros 20:8

—Bhïkañi gï uxiakarui dai Aagidañi gï sukurhi Aaron xi gï soiñana ïmpaida go odami. Bhodïrï go odami buitapi aagidañi go gïï odai gobai sai gïn oidana sudagi. Busaimu sudagi go odaiñdïrï mos potïkai aapi daidi yïïdamu go odami ïmadï sosoigadï— itïtïdai Gïr Nukadakami.

Mataibo 3:11

Daidi potïtïdai Juan go odami ïpï sai, —Aanï maiti ïr go otosadï Diuxi ix makïdï nïnïraka aapimï. Gokiïrioma dibiamu ïgai kia— itïtïdai. —Gïïpi bamioma gatïanïi ïgai xi aanï tudu. Aanï tomarhi maiti gin ajïga xi ibuadagi go bamioma arhidukïdï aaduindagai ïgai bïïtarï. Maiti gin ajïga aanï tomarhi xi upasdagi aanï sususakadï ïmo arhi pioñigadï dukai. Dai aanï mosïkaxi sudagikïdï gïn bapakonai ka ïmadukai gïn tïtïgitokatai aapimï. Dïï gia Diuxi otosadï gia Diuxi Ibhïadïkïdï gïn bapakonadamu ïmadï táíkïdï. Sïïrhikïdï ïr gïdukami ïgai tudu daidi ïr gubuakami— itïtïdai.

Mataibo 3:14

Dïï gia go Juan maiti ipïrhi tukamïrï daidi potïtïdai, —Gï agaitadai xi aapi gin bakuanamudai bhaiyoma. ¿Ix tuixi gin aagidi aapi an sai gï bakuanana aanï tudu?— itïtïdai.

Mataibo 8:3

Daidi go Suxi taata nobikïdï daidi potïtïdai, —Ipïrhidiana ix gï duadiagi aapi. Xibi an aagai sai duadïna aapi— itïtïdai. Mos potïi Suxi bai amaxi kïïga duayi go kïïrhi.

Mataibo 8:7

Daidi Suxi potïtïdai, —Amïka imimu aanï gï kiiyamu daidi duadamu— itïtïdai.

Lukas 15:19

Ka mai bia aanï sïïrhikami xi gï maara gin aagadagi aapi. Gin maakañi oigaragai xi ïr gï pioñikagi aanï xibi bhaiyoma, tïdamu aanï— gï ïrhidi go gïrhi.

Lukas 15:21

Daidi go gïrhi potïtïdai, —Gin oga, ka arhiï soimaaxi idui aanï Diuxi bui dai aapi gï bïïtarï ïpï. Ka mai bia aanï sïïrhikami xi gï maara gin aagada aapi— itïtïdai.

Lukas 5:8

Daidi go Ximuñi Piduru ïmadï bïïxkatai ix makïdï ïmadï darakatadai duduadimu. Mai tïtïgaitadai ïgai ixtumaxi gïn tïtïgitoagi nïiditai xïï kïï mui bui ïgai batopa. Dai go Ximuñi totonakïdï kïkiba buidïrï Suxi daidi potïtïdai, —Gin Tïanïdamiga, gin oigïdañi dïï maiti gï agai xi tami gin ïmadï dakagi aapi. Imimudai aapi bhaiyoma tabhaidïrï. Arhiïxi ïr soimaaxi ibuadami aanï di— itïtïdai.

VUAANA 1:27

Ïgai gokiïrioma gï aaga agai aaduindadï ix aanï dïï bïïxkïrï ïgai bamioma ïr namïakami ix aanï. Sïïrhikïdï ïr gïdukami ïgai. Aanï mai bia sïïrhikami tomarhi ix upandagi susakadï gigiaradï ïmo pioñigadï dukai mos ïï gïdukatai ïgai— itïtïdai Juan.