Mataibo 8:16 - Northern Tepehuan Bible

¹⁶ Dai bhodïrï ka dupikai tasai saidi go óídakami ami buapi Suxi mui kokokoñiadï ïmadï mui ix makïdï biakatadai tïtïañikarudï go diabora. Dai Suxi go ïïgi ñokidï gubukarhigadïkïdï bubaitu go tïtïañikarudï go diabora dai duduadi bïïxi go kokokoñiadï ïpï.

Tepehuan Northern: Diuusi ñiooquidʌ utuducami oodamicʌdʌ

¹⁶ Dai aidʌsi catuca taidʌ ʌoodami vuaapi ʌSuusi mui oodami ismaacʌdʌ viaacatadai Diaavora tʌtʌaañicarudʌ, taidʌ ʌSuusi mosali ʌmo ñiooquicʌdʌ vuvaitu vʌʌsi ʌDiaavora tʌtʌaañicarudʌ dai duduaadi vʌʌsi ʌcoococoidadʌ.

Mataibo 8:16 Iomraidhean Croise

Mataibo 12:22

Ïmo imidagai go óídakami buapi Suxi ïmo kïïrhi biakami ïmo tïañikarudï go diabora ïrana. Go kïïrhi mai nïadatadai dai mai bhaigakatadai ñokadagi ïpï. Dai Suxi duadi ïgai dai kïïga ño ïpamu dai kïïga nïnïaba.

Mataibo 14:14

Dai aidïxi tïbai go Suxi barkoañdïrï kïïga mui odami ka darakatadai ami dai Suxi duduadi ix makïdï kokokoñikatadai soi gï ïldakai tïïgakai ïgai.

Mataibo 8:15

Dai taata Suxi ïkadï go kokoadï dai otoma dagito go toiñdagai. Daidi bañi ïgai dai bhii ïgai go Suxi.

Mataibo 8:33

Daidi go nunukadami tataixorhi dïgabuna boopoi dai kabami duduadimutugai. Dai mïï aagidi kiikiana bïïxi ixtumaxi pogïduitadai go tataixorhi dai go kïkïïrhi ïpï ix makïdï biakatadai diabora tïtïañikarudï.

Mataibo 9:2

Dai go óídakami ïmo baakoxiana buapi ïmo kïïrhi ix makïdï mai oiñïitadai tukugadï. Daidi gï tïgito nïidi Suxi xïï kïïga buaboitudai ïgai ami buapakai ïgai go kokoadï daidi potïtïdai ïgai go kokoadï, —Maiti soi gïlda aapi kïïrhi— itïtïdai. —Kaxi gï oigïrhi aanï bïïxi go soimaaxkami ix makïdï ibuadana aapi— itïtïdai.

Markos 2:3

Amaxi ayi maakoba kïkïïrhi dai uxiïrï bhïkati ïmo kokoadï kïïrhi. Go kokoadï mai bhaiga ix oiñïdagi tukugadï.

Markos 9:25

Mui odami gïn ïmpagi ami nïida ïrhiditai ix tuma ïpïbuimi. Dai Suxi mos tïïgakai xïï mui odami gïn ïmpaidimi otoma bhagaimi go Diabora tïañikarudï ix makïdï arhi gïrhi ïrana daja daidi potïtïdai, —Aapi Diabora tïañikarudï mai ñokadami dai mai tïkaidakami aanï gï tïanïi pïsai busaiña. Dagitoñi idi arhi gïrhi dai ka mai bapakïda ïpamu idiïrï— itïtïdai Suxi.

Lukas 13:12

Dai tïïgakai Suxi go oki báí ïgai sai miadïrï kïkibana daidi potïtïdai, —Aapi oki, ka mai kokoadïkamu aapi xibi abhiadïrï bhaitiakoga— itïtïdai.

Lukas 4:40

Dai aidï urunoko karhioga dupikai tasai mui óídakami bua aaduñdï ix makïdï biakatadai naana maaxi kokodagai. Buapi ïgai go Suxi dai ïgai mos taata ïkadïkïdï dai ka duduadi bïïxkatai.

Lukas 4:41

Dai mui bubaitu ïgai diabora tïtïañikarudï odamiañdïrï ïpï. Dai go diabora tïtïañikaru gïgïrï ñokaiña aidï daidi ikaitiña, —Aapi Suxi ïr Diuxi Maradï— ikaitiña. Dïï gia Suxi bhagaidiña ïgai dai aagidiña sai mai aagaiña xorai ïgai. Kïïga maatïkatadai go diabora tïtïañikarudï saidi ïr Diuxi Otosadï go Suxi tudu.

Hechos 5:15

Dai go ojotoxikami mui duduadi kokokoñiadï. Xi kaxkïdï odami kayana bubaidiña kokokoñiadï dai bapakoxiïrï xiïpï sosoayïrï daama dadasaiña sai tomaxi mosïkaxi Piduru ïïkagidï aiyagi miadïrï daibunukai ïgai.