Mataibo 7:11 - Northern Tepehuan Bible

¹¹ Kïïga mamaakai aapimï gïn maamara naana maaxi kïkïïgadukami tudu, tomaxi mai xii kïï tutuiga aapimï. Dai Diuxi ix makïdï tïbagiana oidaga gïïpi bamioma kïï tuiga xi bhai aapimï. Kaxkïdï gï maatï sai ïgai maakimu ixtumaxi kïïgadukami xorai tañiagi— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹¹ Mʌsaapimʌ ismaacʌdʌ maicʌʌ tuutuiga maatʌ oidi gʌnmaamara istumaasi cʌʌgaducami, siooma cʌʌga gʌrooga ismaacʌdʌ tʌvaagiʌrʌ daja ʌgai maacai istumaasi cʌcʌʌgaducami sioorʌ taanʌdagi.

Mataibo 7:11 Iomraidhean Croise

Genesis 6:5

Dai Gïr Nukadakami tïgito nïidi bïïxi go óídakami oidigi dama ix arhiï mai kïkïïgadu iibhïadï dai go ïï soimaaxi tïgibudagai adaimïi.

Genesis 8:21

Dai ojoidan ubaitu Diuxi go xadutudaragai daidi itïi, —Xibi bhaitiakoga ka mai ïpamu xia duadamu aanï oidigi. Kïï maatï aanï odami ix arhidukatai abhiadïrï soimaaxi tïgibodadï. Dïï tomax dukai ka mai ïpamu xia duadamu aanï podukai odami, tomarhi kiiyïrï buxtaki, tomarhi oidigana buxtaki, tomarhi kïkïixi, tomarhi go aarhi kïkïixi, tomarhi ujurugi.

Mataibo 23:9

Dai maiti abïr gïï gïn oga xadutudikami dukai nïijada aapimï tomarhi ïmo maatïtuldiadami tami oidigi daama ïpï. Mosïkaxi Diuxi ix makïdï tïbagiana daja ïr go adaama xadutudikami gïn Oga kaxkïdï.

Mataibo 7:10

Dai ix gïn taañiagi ïgai ïmo batopa ¿Bhai ix maakana aapimï ïmo kooyi? Cho ïpï.

VUAANA 3:16

—Diuxi sïïrhikïdï kïïga oigïdai bïïxi oidigi daama óídakami dai kaxkïdï gin otoi ïgai aanï ix makïdï ïr Maradï ïmadugakïdï. Gin otoi ïgai an sai mukuna bai mai kona ix makïdï gin buaboitudagi dai bhaiyoma bïïxkïrï bïïtarï óídakana.

Romanos 3:19

Dai kïïga maatï aatïmï sai Diuxi maa sïïrhikamigadï baidi kïïga ïïgiadagi xorai biakagi. Diuxi kabami gïgïbitulda agai bïïxi ix makïdï mai ïïgiadagi gobai dai ïgai mai biakamu ixtukïdï ñokadagi. Go sïïrhikamikïdï tudu gï maatï sai bïïxi oidigi daama óídakami ïr soimaaxi buadami.

Romanos 3:9

¿Buaboi xi aidï sai Diuxi bamioma kïïgakïrï nïidi go judidiu xi bhai go gaa óídakami? ¡Cho! ¡Xadïrï! ¡Kaxi aagai aanï sai bïïxi óídakami ïr pipioñigadï dukai go soimaaxkami xi ïr judiukagi ïgai xi maiti ïr judiukagi ïpï!

Romanos 8:32

Daiñi, Diuxi mai tudayitai gatïïgi ïïgi maradï sai mukuna gïr bïïtarï. Kaxkïdï kïïga maatï aatïmï sai gïr maakimu ïgai bïïxi aïkatai go gaa ixtumaxi ix makïdï bia ïgai gïr bïïtarï ïpï.

Santiago 1:17

Mosïkaxi Diuxi gïr Oga ix makïdï idui go xixabugai dai go tasai dai go masadai ïgai dai tïbagiañdïrï gïr oidi bïïxi ixtumaxi ix makïdï buaboikïdï ïr kïkïïgadukami tudu. Dai kïïga gï maatï sai Diuxi tomarhi ïmo imidagai gïr maakimu soimaaxkami ixtumaxi. Daiñi, tomaxi go xixabugai ïmadï go tasai dai masadai gia ïmapïbuadana dai tutukuiña ïïmo imidagai dïï gia Diuxi apia mo maaxkana dai mai ïmapïbuayi toma lïïchi. Kaxkïdï bhaiga aatïmï xi kïïga buaboitudada ïgai.

1 Juan 3:1

Gin aaduñi, gïn tïgitobïrai xïïxi kïïga gïr oigïdai Diuxi. Ka maamaradï gïr aagai ïgai di. Dai kïïga ïr buaboi saidi ïr maamaradï aatïmï. Dïï gia go óídakami ix makïdï mai buaboitudai mai maatï sai aatïmï ïr maamaradï Diuxi. Mai maatï ïgai Diuxi tudu, kaxkïdï ¿dukatai maatïkana ïgai xorai ïr maamaradï?

1 Juan 4:10

Tomaxi mai oigïdaitadai aatïmï Diuxi ïgai gia bïïxkïrï gïr oigïdai dai otoi Maradï sai mukuna ïmo daxdaragai dukai. Podukai gïr buañidi ïgai gïr soimaaxkamiga tudu. Agia gïr oigïdai Diuxi dai pomaaxi idui gïr bïïtarï.