Mataibo 4:9 - Northern Tepehuan Bible

⁹ Dai potïtïdai ïgai go Suxi, —Kïï gï tïgito nïida. Daiñi, xi gï totonakïdï kïïkibagi aapi Suxi tami gin buidïrï daidi gin xadutuadagi, aidï gia gï maakimu aanï bïïxi gobai ix makïdï nïidi aapi— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁹ daidʌ itʌtʌdai: ―Aanʌ angʌmaquiagi oigaragai pai tʌaanʌda vʌʌsi goovai pʌsgiñvuidʌrʌ gʌtootonacʌdʌ cʌquivagi dai giñsiaa duutudagi ―astʌtʌdai ʌDiaavora.

Mataibo 4:9 Iomraidhean Croise

Mataibo 26:15

Daidi tïkaka ïgai go tïtïanïdamigadï go dadaxdadami daidi potïtïdai, —¿Xïïxi gin aa namïidana aapimï ix gïn tïïgidagi aanï go Suxi?— itïtïdai. Daidi go tïtïanïdami maa ïmokobhai dan bhaibuxtama plata tuminxi.

Mataibo 4:10

Daidi Suxi potïtïdai, —Imïdañi tabhiadïrï aapi diabora— itïtïdai. —Diuxi ojadï ikaiti sai, Mosïkaxi Diuxi Gïr Nukadakami buidïrï gï agai xi oigïda ñokada aatïmï dai xadutuada podukai— itïtïdai.

VUAANA 12:31

—Xibi Diuxi daituda agai go gïgïbidaragai ix makïdï ajïga oidigi dama óídakami. Dai xibi ïpï gamaitï agai Diuxi gobai ix makïdï gatïanïi tanai oidigi daama, gamaitï agai ïgai go diabora tudu— itïtïdai.

VUAANA 13:3

Dïï Suxi idui ïmo maaxidaragai mai kia gï tïïgidakai ïgai. Kïïga maatïkatadai Suxi sai Diuxi gïr Oga ka maatadai gubukadagai sai tïanïna bïïxi aïkatai ix tumaxi oidaga. Dai kïïga maatïkatadai ïpï sai Diuxiañdïrï dibiatadai ïgai dai ix ka ïpamu imi agaitadai ïgai ïmadï.

VUAANA 14:30

Ka mai xii tïbïpi aatagadamu aanï gïn ïmadï xibi tudu. Ka karhioga dibia go Diabora ix makïdï gatïanïi tami oidigi daama. Ïgai mai bia gubukarhigai ix gin tïanïdagi

VUAANA 16:11

Dai Diuxi Ibhïgadï maatïtulda agai óídakami ïpï sai Diuxi maakia agai gïgïbidaragai bïïxi soimaaxi buadami. Ka aagai Diuxi ix gïgïbitulda agai go Diabora ix makïdï gatïanïi tami oidigi daama tudu. Dai kaxkïdï gï maatï sai Diuxi gïgïbitulda agai bïïxi soimaaxi buadami ïpï oiditai ïgai go Diabora— itïtïdai.

2 Korintios 4:4

Go diabora ïgai dai gatïanïi tami idi oidigi daama tudu. Dai maatiga maaxi sai buirumadai ïgai go óídakami ix makïdï mai maatï kaïkagi gïr aatagi mai buaboitudaitai ïgai ixtumaxi ïr buaboi. Maiti ipïrhidi go diabora ix óídakami maatï kaïkagi go bhai ïrhiaragai aatagi aagaitai Suxi Kristo tudu. Maiti ipïrhidi ïgai ix maatïkagi óídakami xïï kïï tuiga dai xïï gubuka Suxi Kristo Gïr Nukadakami. Suxi ïmadï Diuxi kïïga ïmadugan maaxi dai ïmadugan tutuiga tudu.

1 Tomoteo 3:6

Dai ïmo kïïrhi ix makïdï utudami buaboitu maiti gï agai ix nukadakami dasagi ïpï. Tadu ïmo gïdukami dukai gï ïrhiada ïgai ïïgi ka bhïkai go sïïrhikami ka nukadamikatai ïgai dai podukai go diabora gïpiïrï daitudagi.

Apokalipsis 19:10

Pobai in tïtïdai ïgai antai totonakïdï kïkiba ïkasodï sonoana xadutuda iñagaitai Diuxi dukai. Dïï mos ïgai pobai in tïtïdai aidï, —Maiti pobuada. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ix makïdï aipakoga aagaiña Suxi Kristo ñokidï. Daiñi, Diuxi ñokituldiadamigadï aatïmï tudu xïïxkadï aagagi aatïmï Suxi Kristo ñokidï. Kaxkïdï gï agai xi mosïkaxi Diuxi xadutuada aatïmï dai maiti gï agai xi Diuxi dukai gin nïijada aapi— in tïtïdai ïgai.

Apokalipsis 19:16

Dai ïgai ix makïdï Diuxi Ñokidï tïgidu bia ïpï ïmai tïtiaradï ix makïdï ojixi yukuxi kajidïrï. —Reygadï bïïxi rey dai Tïanïdamigadï bïïxi tïtïanïdami— podukai ojixi tïtiaradï tudu.