Mataibo 4:3 - Northern Tepehuan Bible

³ Dai bhodïrï ayi go Diabora ami buidïrï dai potïtïdai, —Aapi Suxi, ñokidañi go ojodai bai kuadagai naatona gobai pai biaka aapi ixtumaxi ugiagi. ¿Mai ix tudu ïr Diuxi Maradï aapi?— itïtïdai.

Tepehuan Northern: Diuusi ñiooquidʌ utuducami oodamicʌdʌ

³ Taidʌ ʌDiaavora miaadʌrʌ cʌquiva siaaco daacatadai ʌSuusi nʌida ʌliditai sabai iduiñtuldana ʌmo istumaasi istumaasi Diuusi maitipʌlidi daidʌ itʌtʌdai: ―Pʌsaapi ʌrDiuusi maradʌ di, tʌaañiñi goojoodai vai tascali gʌnaatona ―astʌtʌdai ʌDiaavora.

Mataibo 4:3 Iomraidhean Croise

Exodo 16:3

Daidi ikaitimi, —Xioma ïr kïïgaikatadai xi gïr kodamudai Gïr Nukadakami aidïxi kia Ejipituana darajatadai aatïmï. Ami gia ajayi sonoana darajana aatïmï dai tataxkonïkana kuadatai bhaabhaidi. Dïï xibi ka oidigana gïr darasaka go Moises ïmadï Aaron ipïrhiditai ïgai ix koiyagi aatïmï bhiugigaikïdï— ikaitimi.

Mataibo 14:33

Daidi bïïxkatai ix makïdï barkoïrï iimïitadai aagidi xadutudaragai ñoki Suxi nïiditai ix dukatai pogïduitadai. Daidi ikaiti ïgai, —Aa gia ïr buaboi saidi ïr Diuxi Maradï aapi— itïtïdai ïgai bïïxkatai.

Mataibo 16:16

Daidi go Ximuñi Piduru potïtïdai, —Aapi ïr go Kristo. Aapi ïr go otosadï Diuxi ix makïdï aatïmï judidiu nïnïrakatadai ïïki abhiadïrï tudu. Dai aapi ïr Maradï Diuxi ix makïdï bïïxkïrï bïïtarï oidaga— itïtïdai.

Mataibo 26:63

Dai go Suxi mos dodorhi bii dai mai taadatu. Daidi go tïanïdamigadï go dadaxdadami potïtïdai aidï, —Aapi Suxi, Diuxi ïgai dai bïïxi adaama ïr xadutudikïdï. Bïïxkïrï oidaga ïgai ïïki abhiadïrï tudu dai tomarhi ïmo imidagai mai muki agai. Ïgai ïr nïijadami ix tumaxi gin aagidagi aapi xibi tudu. Dai gï tïanïi aanï xibi pïsaidi aagana aapi tami gïr nïiditai Diuxi ix bhai aapi ïr go ix makïdï Kristo aagaiña odami, sa bhai aapi ïr Diuxi otosadï bhaitï kïakami ix makïdï kïïgakïrï busaida agai go Oidakami. Gïr aagidañi ix bhai aapi ïr Diuxi Maradï tudu— itïtïdai.

Mataibo 3:17

Dai Diuxi ño tïbagiañdïrï aidï dai potïtïdai ïgai go odami, —Idi ïr gin Maara dai sïïrhikïdï oigïdai aanï. Idi tudu ïr gin bhai ïrhiaraga— ikaiti Diuxi aagaitai go Suxi.

Markos 1:1

Idi ojai aagai Suxi Kristo Diuxi maradï. Aidï abhiadïrï xi tukamïrï pokaititadai Diuxi sai oidigi daama dibiagai Suxi aagai gobai. Idi ïr gobai ix makïdï bhai ïrhiaragai aatagi aagai aatïmï.

Markos 3:11

Baidi go odami ix makïdï biakatadai Diabora tïtïañikarudï gïn totonakïdï gugukaiña Suxi buidïrï mos tïïgakai baidi go Diabora tïtïañikaru iñakitudaiña. Daidi potïtïdaiña ïgai, —Aapi ïr Diuxi maradï kïïrhi— itïtïdaiña ïgai tïïgakai go Suxi.

Markos 5:7

Dai Suxi potïtïdai, —Aapi Diabora tïañikarudï dagitoñi idi kïïrhi— itïtïdai. Baidi go Diabora tïañikarudï gïïgïrï iñakitu go kïïrhi daidi potïtïdai, —¿Tui pïxi dibia aapi Suxi tami xako aimïrai aanï? Aapi ïr maradï Diuxi ix makïdï bïïxi adama ïr gïïdukïdï. Gï daanïi aanï gïr nïiditai Diuxi pïxi maiti gin soi duada— itïtïdai.

Lukas 1:35

Dai go tïañikarudï Diuxi potïtïdai aidï, —Gï dibidamu Diuxi Ibhïadï dai ïgaikïdï gï ayimu Diuxi gubukarhigadï gï abhana. Podukai nonoakami bimu aapi. Dai kaxkïdï kïïga buañixikamu gï maara ix makïdï buapamu aapi dai odami Diuxi Maradï aagadamu—.

Lukas 22:70

Dai go gaa potïtïdai, —¿Aidï gia pokaiti aapi saidi aapi ïr Diuxi Maradï?— itïtïdai. Dai Suxi potïtïdai, —Podukai aba ixdukai aagai aapimï. Aanï ïr Diuxi Maradï— itïtïdai.

Lukas 4:3

Daidi go Diabora potïtïdai aidï, —Aapi Suxi, ñokidañi go ojodai sai kuadagai naatona gobai pai biaka aapi ixtumaxi ugiagi. ¿Mai ix ïr Diuxi Maradï aapia?— itïtïdai.

Lukas 4:41

Dai mui bubaitu ïgai diabora tïtïañikarudï odamiañdïrï ïpï. Dai go diabora tïtïañikaru gïgïrï ñokaiña aidï daidi ikaitiña, —Aapi Suxi ïr Diuxi Maradï— ikaitiña. Dïï gia Suxi bhagaidiña ïgai dai aagidiña sai mai aagaiña xorai ïgai. Kïïga maatïkatadai go diabora tïtïañikarudï saidi ïr Diuxi Otosadï go Suxi tudu.

Lukas 4:9

Dai bhodïrï go Diabora baidakai go Suxi Jerusalenamu dai ami go gïï kiupai daama tïsagi xako bamioma tïkabaga daidi potïtïdai, —Daiñi, Diuxi ojadïrï ikaiti sai, Diuxi otosamu tïtïañikarudï sai gï nukatikana ïgai. Dai go tïtïañikarudï Diuxi gï daagïtikamu ïïkadïkïdï sai mai saranana aapi gï ïïkaso no odiana, ikaiti go oja— itïtïdai go Diabora. —Kaxkïdï mïi taana igïïxi xibi nïidana sa bhai ïr buaboi sai gï nukadakamu ïgai. ¿Mai ix ïr Diuxi Maradï aapia?— itïtïdai.

VUAANA 1:34

Nïidi aanï Diuxi Ibhïgadï ix tïbai Suxi Kristo daama. Kaxkïdï kïïga maatï aanï sai ïgai ïr Diuxi Maradï dai xibi gïn aagidimi aanï sai ïgai ïr Diuxi Maradï sai aapimï kïïga maatïkagi ïpï— itïtïdai Juan go odami.

VUAANA 1:49

Dai Natanael itïtïdai aidï, —Gïr Mamaatïtuldiadamiga, aa gia ïr Diuxi Maradï aapi— itïtïdai. —Daidi ïr Reygadï aatïmï Israelitas— itïtïdai.

VUAANA 20:31

Tami idi libroïrï oja aanï ïïmoko ipïrhiditai ix nïiditai aapimï gobai kïïga buaboitudada aapimï ix go Suxi buaboikïdï ïr Diuxi maradï daidi ïr Ga Tïanïdami ïpï. Ojixi go maaxidaragai idi libroïrï sai ïgaikïdï buaboitudana aapimï dai sai ka buaboitudakai sai bhodïrï kïïgakïrï óídakana aapimï bïïxkïrï bïïtarï.

VUAANA 9:35

Daidi gokiïrï Suxi kajioma sai go judidiu go gïï kiupiañdïrï aadajitadai go kïïrhi ix makïdï Suxi duaditadai bupuidï. Dai go Suxi mïï gaa go kïïrhi dai tïïgakai itïtïdai, —¿Buaboitudai pïxi aapi ix makïdï kïïga odami busai?— itïtïdai.

Hechos 9:20

Otoma jii ïgai judidiu kikiupaigadïrï dai mïï aagidimi odami sai Suxi ïr Diuxi maradï.

2 Korintios 1:19

Daiñi, aanï ïmadï go Silbano dai go Timoteo ïr oijadami Suxi Kristo. Dai Suxi Kristo mai ïma dukai gï tïtïitoi xïïxkadï pokaitadagi saidi iduña agai ixtumaxi. Bïïxkïrï ibuayi ïgai ixtumaxi aagadagi tudu. Mai yaatagïi ïgai. Kaxkïdï gï maatï sai aatïmï mai yaatagïi ïpï gïn tïtïgiditai aatïmï ñoki aagaitai Suxi Kristo. Oijadami aatïmï Suxi Kristo kaxkïdï. Ïpïan buayi aatïmï ïgai tudu dai ïgai mai yaatagïi.

Galatas 2:20

—Aanï in bïïtarï pomaaxi gin oidakaragai xibi— antïtïdai. —Daiñi, ïkioma aanï ïr ïmo soimaaxi kïïrhikatadai. Dïï gia aidïxi muu Suxi Kristo gïr bïïtarï kuruxiana aidï muu go kïïrhi soimaaxkïdï ïgai ïmadï ïpï dai xibi ka utudui bii aanï. Dai kaxkïdï ka mai xu xi go kïïrhi ïkidadï oidaga gin tukugïrï dai bhaiyoma Suxi Kristo ïgai dai gin ïrana oidaga. Xibi oidaga aanï buaboitudaitai Suxi Kristo ix makïdï kïïgakïrï gïr oigïdai. Kïïga gïr oigïdai ïgai tudu dai kaxkïdï gï dagito sai gï muatudana dai kïïgakïrï gïr bubaitu— antïtïdai aanï go Piduru.

1Tesalonicenses 3:5

Dai pobai gin ïrhidiña aanï sai maiti gï agai xi gokïdï gïpiïrï gïn surhigidagi go Diabora gïn aagiditai ix dagitoagi aapimï gïn buaboidaraga. Daiñi,ix dagitomudai aapimï gïn buaboidaragai aidï gia mos ïr ïïgikïdïkamudai gïr aaduindaga ix makïdï idui aatïmï gïn aagiditai go bhai ïrhiaragai aatagi. Gobai gin tïgitokatadai aanï tudu. Dai ka maiti ixtui aanï ix bamioma nïnïrakagi dai kaxkïdï otoi aanï go Timoteo sai nïidana sa maaxi daraka aapimï gïn buaboidaragakïdï.

Hebreos 12:16

Kïïga abïr gïn nukadaka ïpï sai mai okimïrhiakagi aapimï ïmadutai. Kaxkïdï tudu xorai pomaaxkagi mai xadutudai Diuxi pobuadatai. Ka ïpïan buayi ïgai go Esau tudu ix makïdï oidakatadai ïïki. Daiñi, Diuxi maatadai go Esau ïmo kïïgadukami sïïrhikami gaxïgikatai ïgai dïï go Esau mai buamï ïrhidi go sïïrhikamikïdï. Mai namïakami dukai tïï ïgai tudu dai gagara lïïchi bhiayikïdï. Podukai mai xadutugi ïgai Diuxi tudu mos ïï lïïchikïdï gagarakai go sïïrhikami ix makïdï Diuxi maatadai.

Hebreos 4:14

Dïï gia Suxi Kristo ïr gabhaitïkïakami dadaxdadami gïr bïïtarï, ïgai tudu ix makïdï ïr Diuxi Maradï. Dai ka ayi ïgai amïka buidïrï Diuxi dai ami bhai dui gïr bïïtarï mai kïï ibuadatai aatïmï. Kaxkïdï gï agai xi mai ugutai aagada aatïmï gïr buaboidaraga aipakoga.

Hebreos 7:3

Dai maiti gï maatï xorai ïr dïïdïdïkatadai go Melkisedek ïpï dai tomarhi xorai ïr aaduñdïkatadai ïkidadï. Mai taadaga xïkidï busai ïgai tomarhi xïkidï muu ïpï. Bïïxkïrï bïïtarï ïr dadaxdadami ïgai tudu ïpïan dukai Suxi. Ïpïan dukami ïgai Maradï Diuxi tudu ix makïdï bïïxkïrï bïïtarï ïr dadaxdadami tudu.

1 Juan 3:8

Dïï gia odami ix makïdï oijadagi go soimaaxkami gobai itïiya ïrhidi sai urabaka ïgai go diabora. Go diabora apia soimaaxi ibuadana aidï abhiadïrï xi kïkiba oidigi tudu. Apia kia soimaaxi ibuayi xibi ïpï. Dïï gia Diuxi Maradï dibia tami oidigi daama dai xia dodai ïgai aaduindadï go diabora. Gobai bïïtarï dibia ïgai tudu.

Apokalipsis 2:10

Daiñi, ka miadaimi xi soimaaxi taatagi aapimï. Aidï go diabora gatïañi agai gïn maamaixaragai. Soimaaxi taatamu aapimï chïki tasai tudu nïidana sa bhai ïr buaboi xi gin buaboitudai aapimï. Dïï maiti abïr duduadikuda dai bhaiyoma abïr apia buaboitudada aapimï tomaxi gïn kodagi go jaa dai aanï gïn maakimu ïmo gïdukami maitïki. Gïn maakimu aanï xi kïïgakïrï óídakana aapimï bïïxkïrï bïïtarï tudu.