Mataibo 4:24 - Northern Tepehuan Bible

²⁴ Dai bïïxi aipadïrï óídakami kajioma ix tuma buadana Suxi dai gamoko ajiopaiña xako daja ïgai. Asta go Siriañdïrï óídakami bïïxi kajioma ïpï. Dai go óídakami aipadïrï naana maaxi kokokoñiadï buapaiña ami. Buapaiña ix makïdï biakana diabora tïtïañikarudï dai ïmadï ix makïdï susuikiturhiga dai ïmadï ix makïdï mai oiñïiña tukugadï ïpï. Dai Suxi duduadaiña bïïxkatai ïgai.

Tepehuan Northern: Diuusi ñiooquidʌ utuducami oodamicʌdʌ

²⁴ Tai otoma maí vʌʌsi Siria dʌvʌʌriʌrʌ oidacami istumaasi ivuaadana ʌSuusi, dai otoma vuaapi ʌgai ʌSuusi vʌʌsi ʌcoococoidadʌ sai duduaaidana tomastuma coocodagai viaacami dai ismaacʌdʌ maitistutuiditadai isoiñʌdagi vaidʌ ʌSuusi duduaaidiña vʌʌscatai dai vuvaitu Diaavora tʌtʌaañicarudʌ oodamiaiñdʌrʌ.

Mataibo 4:24 Iomraidhean Croise

Mataibo 12:22

Ïmo imidagai go óídakami buapi Suxi ïmo kïïrhi biakami ïmo tïañikarudï go diabora ïrana. Go kïïrhi mai nïadatadai dai mai bhaigakatadai ñokadagi ïpï. Dai Suxi duadi ïgai dai kïïga ño ïpamu dai kïïga nïnïaba.

Mataibo 14:1

Aidïpïrï go Herodes ïr reykatadai Galilea munisipioana. Dai kajioma ïgai saidi Suxi ibuadana naana maaxi maaxidaragai.

Mataibo 15:22

Dai ami dakatadai ïmo oki ix makïdï ïr pipiixaradïkatadai go Kananeos agaikïdï. Maiti ïr judiukatadai ïgai tudu. Dai mïï ayi ïgai xako dakatadai go Suxi daidi gïgïr ño daidi ikaiti, —Aapi gin Tïanïdamiga, aapi ix makïdï ïr pipiixaradï go Rey Dabidkaru tudu— itïtïdai. —Soi gïlda gin nïida dai gin soiña. Ka arhiï soi taatamai ïmo gin maara oki biakatai ïmo tïañikarudï go diabora ïrana— itïtïdai. Dai muiyoko potïtïdai ïgai go Suxi gïgïr ñokaitai.

Mataibo 17:15

—Aapi Suxi Gïr Nukadakami, soi gï ïlda dai soiña gin maara gïïrhi. Kabami gigibukïiña tukugadï dai susuikiturïiña gobai dai muiyoko asta gïgïsïiña taiyïrï dai sudagiïrï ïpï. Kabami soimaaxi taatamai gobai tudu— itïtïdai.

Mataibo 17:18

Dai bhagaidi Suxi go tïañikarudï go diabora ix makïdï ïrana dakatadai go gïïrhi dai otoma busai ïgai dai ka duadixikami bii go kokoadï.

Mataibo 4:23

Dai bhodïrï aipakoga jii Suxi ami Galileana. Bapakïiña ïgai kikiupaigadïrï go Judidiu dai ami gatïtïïgidi ïgai ñoki. Aagidiña ïgai odami go bhai ïrhiaragai ñoki aagiditai sai ka bhai otoma gatïanïda agai Diuxi. Podukai gamamaakaiña ïgai aatagi. Dai duduadaiña ïgai bïïxi go naana maaxi kokokoñiadï ïpï.

Mataibo 8:28

Barkoana imïitadai Suxi ïmadï mamaatïrdamigadï tudu. Dai baasadïrï dïgabusai ïgai go gïï sudagi dai ayi xako Gadara tïgidu oidigi. Ami oidakatadai tïtïjobai xako yaasapaiña koidadï go judidiu. Dai ami saagidañdïrï go tïtïjobai bubuaka goka kïkïïrhi biakami tïtïañikarudï go diabora. Sïïrhikïdï oomarhiga ïgai. Mai bhaigakatadai óídakami xi ami miadïrï dïgabuskïdagi mos ïï oomarhigakatai ïgai. Abhiadïrï bubuaka go kïkïïrhi tudu dai mïï buidïrï ayi ïgai go Suxi.

Mataibo 8:33

Daidi go nunukadami tataixorhi dïgabuna boopoi dai kabami duduadimutugai. Dai mïï aagidi kiikiana bïïxi ixtumaxi pogïduitadai go tataixorhi dai go kïkïïrhi ïpï ix makïdï biakatadai diabora tïtïañikarudï.

Mataibo 8:6

—Aapi gin Tïanïdamiga, amïka gin kiiyïrï kaatï ïmo gïïrhi gin pioñiga dai mai bhaiga oiñïdagi tukugadï— itïtïdai. —Sïïrhikïdï kabami koko tudu— itïtïdai.

Mataibo 9:26

Pogïdui tudu. Daidi gokiïrï bïïxi go aipako óídakami máí go gïdukami maaxidaragai ix makïdï idui Suxi ami duakatuldakai ïgai go arhi oki.

Mataibo 9:35

Aidïpïrï go Suxi aipakoga aimïraitadai daidi didibiditadai ïgai mui go gïgïr kiiki ïmadï aarhi kiiki ïpï ami Galilea munisipioana. Ami kiikiïrï aïjïiña ïgai kikiupaigadïrï go judidiu dai ami mamaakaiña ïgai aatagi aagaitai go bhai ïrhiaragai ix makïdï ikaiti sai toma gatïanïda agai Diuxi. Dai aipakoga duduadaiña ïgai bïïxi go naana maaxi kokokoñiadï ïpï.

Markos 1:28

Dai otoma ayi go aatagi bïïxi Galileïrï óídakami ix maaxi aatabuayi go Suxi.

Markos 1:32

Dai aidïxi ka tuka oidigi mïtai buapi go Suxi bïïxi go kokokoñiadï dai ix makïdï biakana Diabora tïtïañikarudï ïpï.

Markos 2:3

Amaxi ayi maakoba kïkïïrhi dai uxiïrï bhïkati ïmo kokoadï kïïrhi. Go kokoadï mai bhaiga ix oiñïdagi tukugadï.

Markos 2:4

Mïï kidigamadïrï ayi ïgai dïï mai tïtïgai ix dukatai aituldagi go kokoadï xako dakatadai Suxi mos ïï muidukatai odami. Daidi tïtïsai ïgai baki daama dai xako dakatadai Suxi sïïrhi daama kupioko dai ami sïïrhi tïbañi go kokoadï uxiïrï.

Markos 2:9

Daiñi, gokadu go ñoki ix makïdï kïï bhaiga xi tïdagi aanï go kokoadï. Kïï bhaiga aanï xi tïdagi sai iibhïadï ka buayi soimaaxkamigadï, xi ïpï kïï bhaiga aanï xi tïdagi ïpï, sai bañigana dai sai bhïna baakoxigadï dai sai imïna. ¿Makïdï go bïï goka ñoki gobai bamioma mai xijaiga ix tïdagi aanï aidï?— itïtïdai Suxi go mamaatïtuldiadami sïïrhikami.

Lukas 2:2

Aidï ïr tukamïrï xi ïkarhi ïgai bïïxi go óídakami dai aidï Sireno ïr kaigikatadai amïka xako Siria tïgidu oidigi.

Lukas 4:14

Dai Suxi gaatabuadatadai Diuxi Ibhïadï gubukarhigadïkïdï dai jii ïpamu Galileamu. Dai go óídakami ami aipakoga aagaiña go Suxi aidï. Dai aipakoga aïjïiña Suxi kikiupaigadïrï go judidiu ami Galileïrï dai gamamaakaiña aatagi óídakami. Dai bïïxi go óídakami aagaiña xïï kïï tuiga Suxi.

Lukas 4:38

Dai bhodïrï busai go Suxi abhai kiupiañdïrï dai jii kiidïrï go Ximuñi. Dai tumudï go Ximuñi kabami kokokatadai oiditai toiñdagai kabami. Daidi aaduñdï go kokoadï aagidi go Suxi sai duadana.

Lukas 5:15

Dïï tomaxi Suxi aagidi go kïïrhi sai mai aagaiña ixtumaxi dui bïïxkïrï aagaiña ïgai. Dai go odami bïïx tasai bamioma aagaiña go Suxi aipakoga. Dai sïïrhikïdï mui odami gïn ïmpaidiña aidï xako dakagi ïgai kaïka ïrhiditai aatagidï dai ipïrhiditai ïpï sai duduadana ix makïdï kokoadïkagi.

Lukas 5:24

Dai xibi iduñimu aanï ixtumaxi mosïkaxi Diuxi bhaiga xi ibuadagi dai podukai gïn tïïgidamu aanï sai bia aanï gubukarhigai xi oigïrhiadagi odami soimaaxkamigadï— itïtïdai. Daidi bhodïrï potïtïdai ïgai go kokoadï, —Kïkibañi dai bhïiyi gï sua dai imïda gï kiiyamu— itïtïdai.

Lukas 7:17

Dai bïïxi aipakoga ami xakoga Judeana tïgidu oidigi dai asta maigobioma lachi ïpï ayi go aatagi aagaitai ix Suxi duakaturhi ïmo mukiadï.

VUAANA 10:21

Daidi jaa ikaitiña, —¡Cho daiñi, xadïrï poduu ñokaiña ïmo biakami diabora tïañikarudï di! ¿Dai mai ix duadi gobai bupuidï ïmo odami ix makïdï mai nïayi? Ix biakamudai gobai ïmo diabora tïañikarudï xadïrï pobuadana gobai— ikaitiña ïïmoko.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Hechos 15:23

Go Jerusalenïrï buaboitudadami otoi ïmo ojai ïgaikïdï go Antiokiïrï buaboitudadami bïïtarï. Dai go ojai ikaiti, —Aatïmï ojotoxikami ïmadï bhaitï gukakami gïn biaturhi aapimï gïr aaduñi ix makïdï maiti ïr judidiu dai Antiokiana óídaga. Otosai aatïmï ïmo biatuldaragai bïïtarï Siriana oidigïrï dai Ciliciana oidigïrï óídakami ïpï.

Hechos 15:41

Siriana dai Ciliciana dïgabusai dai gupukaturhi ïgai go buaboitudadami ami óídakami.

Hechos 28:9

Daidi go óídakami ami kajioma ix Pabora duaditadai ïgai daidi go gaa kokokoñiadï ami Maltaïrï óídakïdï daibuiña dai bïïxkatai duduayi ïpï.

Hechos 8:7

Muidutai ïgai óídakami biakana Diabora tïtïañikarudï dai Pirhi duduadi. Gïgïr iñakaiña go Diabora tïtïañikarudï dai bubuakïiña odamiañdïrï. Dai jaa odami ami óídakami mai bhaiga ix oiñadagi gïn tukuga dai Pirhi duduadi ïpï ïmadï jaa ix makïdï maiti ixtutuiditadai ix ajiopadagi.