Mataibo 4:23 - Northern Tepehuan Bible

²³ Dai bhodïrï aipakoga jii Suxi ami Galileana. Bapakïiña ïgai kikiupaigadïrï go Judidiu dai ami gatïtïïgidi ïgai ñoki. Aagidiña ïgai odami go bhai ïrhiaragai ñoki aagiditai sai ka bhai otoma gatïanïda agai Diuxi. Podukai gamamaakaiña ïgai aatagi. Dai duduadaiña ïgai bïïxi go naana maaxi kokokoñiadï ïpï.

Tepehuan Northern: Diuusi ñiooquidʌ utuducami oodamicʌdʌ

²³ ɅSuusi vʌʌsi Galilea dʌvʌʌriana aimʌraitadai, dai vʌʌsi judidíu quiquiuupaigadʌrʌ gaaagidimi isDiuusi soiña agai oodami sai cʌʌgacʌrʌ oidacana. Vʌʌsi istumaasi gaaagidiña ʌSuusi sʌʌlicʌdʌ ʌrcʌʌgaducami. Dai Suusi duduaaidimi mui oodami naana maasi coocodagai viaacami.

Mataibo 4:23 Iomraidhean Croise

Mataibo 11:5

—Aagidabïrai tudu sai aanï ka duduadi odami ix makïdï mai nïayitadai dai xibi ka kïïga nïayi. Dai ix makïdï gogobikïitadai ka kïïga aimïrai. Dai ix makïdï biakatadai lepra ka kïïga duayi ïpï. Dai ix makïdï mai bhaigakana ix kaïkagi ka kïïga kaï ïpï. Dai aagidabïrai ïpï sai ka duduakaturhi aanï koidadï. Dai sai aanï aiturhiña go bhai ïrhiaragai aatagi go soititigami. Podukai maatïkamu go Juan xorai aanï— itïtïdai.

Mataibo 12:9

Dai bhodïrï jii Suxi abhiadïrï xako ñokiditadai ïgai go fariseos daidi baa ïgai ïmo kiupaigadïrï go judidiu.

Mataibo 13:19

—Go ïxtokai ïr ïmo maaxidaragai dukai go bhai ïrhiaragai aatagi bïïtarï ix makïdï gïr maatïturhi ix maaxi aatabuayi Diuxi gatïanïitai ïgai. Dai go ïxtokai ix makïdï boi ugidïrï surhi ïr ïpïan dukami odami ix makïdï kïïga kaïkana go ñoki dïï go diabora maigobai dadasaiña go ñoki ibhïgadïañdïrï sai maiti ibuadana soiñi—.

Mataibo 13:54

Nora ïgai gamo kiidamu xako gïrakami ïgai, dai ami gatïtïïgiditadai ïgai ñoki kiupaigadïrï go judidiu. Dai mui odami ix makïdï kaï aatagidï ka mai tïï ixdukatai gïn tïtïgitoagi dai naana kaitimi kaïkatai ix kaiti ïgai. —¿Baadïrï bhïiyi go Suxi mos ïï saitudakami tïgibudagai?— ikaitiña go óídakami. —¿Dai baadïrï bhïiyi gobai gubukarhigai daidi ibuadana go maaxidaragai ix makïdï odami mai bhaiga xi ibuadagi ïpï?— ikaitiña.

Mataibo 14:14

Dai aidïxi tïbai go Suxi barkoañdïrï kïïga mui odami ka darakatadai ami dai Suxi duduadi ix makïdï kokokoñikatadai soi gï ïldakai tïïgakai ïgai.

Mataibo 24:14

Dai aanï aagai sai mai kia ugitïkai oidigi sai bïïxi oidigi daama gï aitulda agai go bhai ïrhiaragai aatagi. Bïïxi oidigi daama gï aituldamu go aatagi aagaitai ixdukatai biakana oigaragai go óídakami sai tïanïna Diuxi tudu. Po gï duñimu gobai dai aidï gia kaxi ugiti agai oidigi— itïtïdai.

Mataibo 3:2

Dai potïtïdaiña ïgai go óídakami sai, —Ka miadaimi ix gatïanïdagi Diuxi. Kaxkïdï gï agai sai ïma dukai gïn tïtïgitoagi soimaaxi ibuadamikatai aapimï— itïtïdaiña.

Mataibo 9:35

Aidïpïrï go Suxi aipakoga aimïraitadai daidi didibiditadai ïgai mui go gïgïr kiiki ïmadï aarhi kiiki ïpï ami Galilea munisipioana. Ami kiikiïrï aïjïiña ïgai kikiupaigadïrï go judidiu dai ami mamaakaiña ïgai aatagi aagaitai go bhai ïrhiaragai ix makïdï ikaiti sai toma gatïanïda agai Diuxi. Dai aipakoga duduadaiña ïgai bïïxi go naana maaxi kokokoñiadï ïpï.

Markos 1:14

Gokiïrï aidïxi ka maixatadai go Juan bai Suxi dibia Galileamu dai gï aaga aagidimi odami Diuxi ñokidï bhai ïrhiarakami.

Markos 1:21

Bhodïrï Suxi oi imidagai ïmadï go kïkïïrhi ix makïdï báítadai ïgai dai ayi Kapernaumïrï ukami. Ibhïxtaragai tasïrï ayi ïgai amïka dai baa go Suxi kiupaigadïrï judidiu. Abhai kiupiïrï gï aaga gamamaatïturhimi ïgai Diuxi ñokidï.

Markos 1:39

Dai dïgabusai ïgai bïïxi xako ukami ajïi Galilea dai ami dibiji ïgai go judidiu kikiupaigadïrï. Ami gamaamakaimi ïgai ñoki dai bubaidimi Diabora tïtïañikarudï odamiañdïrï ïpï.

Markos 3:10

Go Suxi ka sïïrhikïdï mui duduadi odami gï gubukadakïdï bai kaxkïdï aa kokokoñiadï taata ïrhidi go Suxi dai aipako nïituskïiña.

Markos 6:2

Dai aïkai ibhïxtaragai tasai tai baa Suxi kiupaigadïrï judidiu dai ami gamaakai ñoki go odami. Dai mui odami ix makïdï kaï aatagidï ka mai tïï ixdukatai gïn tïtïgitoagi dai naana kaitimi. —¿Baajadïrï máí Suxi pomaaxi aatagi? dai ¿Baajadïrï bhïiyi mos ïï kïïgadukami tïgibudagai? dai ¿Dukatai ibuayi gobai mos ïï gïïgïrdukami aaduindagai ix makïdï odami mai nïidi tomarhi ïmo imidagai?— ikaitimi.

Lukas 10:9

daidi abïr duduada kokokoñiadï ami ïpï. Dai pobai abïr tïda óídakami sai, ka miadaimi xi gatïanïdagi Diuxi rey dukai— itïtïdai.

Lukas 13:10

Dai ïmo imidagai Suxi gatïtïïgiditadai ñoki ibhïxtaragai tasïrï.

Lukas 16:16

Dai Suxi oi aatagidï daidi potïtïdai go fariseos ïpï, —Daiñi— itïtïdai. —Ka ïïki abhiadïrï biakana odami go sïïrhikamigadï Moiseskaru ïmadï ojadï go gaa ñiñokituldiadamigadï Diuxi. Gobai buaboitudaiña odami tudu. Dïï gia aidï abhiadïrï xi dibia Juan go bapakonadami, aidï abhiadïrï kaïkana odami aatagadami ix makïdï aagaiña go bhai ïrhiaragai aatagi. Dai go bhai ïrhiaragai aatagi aagai ix dukatai gatïanïi Diuxi dai ix dukatai bhaiga odami ix biakagi oigaragai sai Diuxi tïanïna. Mui odami buaboitudaimi dai bapakimi xako gatïanïi Diuxi tudu. Kabami gïn aajagïï ïgai bïïxkatai dai mai gïn daadagitoi ix tomarhi ïmo ixtumaxi sobhidagi ipïrhiditai ïgai xi Diuxi tïanïdagi tudu—.

Lukas 20:1

Dai ïmo imidagai sai go Suxi gatïtïïgiditadai ñoki odami ami go gïï kiupiana. Ga aiturhitadai ïgai go bhai ïrhiaragai aatagi tudu. Bai go tïtïanïdamigadï go dadaxdadami ïmadï go tïtïgiadami sïïrhikami ïmadï bhaitï gukakamigadï go judidiu ami ayi buidïrï go Suxi

Lukas 4:14

Dai Suxi gaatabuadatadai Diuxi Ibhïadï gubukarhigadïkïdï dai jii ïpamu Galileamu. Dai go óídakami ami aipakoga aagaiña go Suxi aidï. Dai aipakoga aïjïiña Suxi kikiupaigadïrï go judidiu ami Galileïrï dai gamamaakaiña aatagi óídakami. Dai bïïxi go óídakami aagaiña xïï kïï tuiga Suxi.

Lukas 5:17

Dai ïmo imidagai ïmo kiiyïrï gatïtïïgiditadai Suxi ñoki dai ami miadïrï darakatadai kïkïïrhi ix makïdï ïr tïtïgiadami sïïrhikamigadï Moises dai ami darajatadai chïki fariseos ïpï. Ami dadatadai ïgai mui arhi kiikiañdïrï Galilea munisipiañdïrï dai Judea munisipiañdïrï dai ïïmoko dadatadai Jerusalenañdïrï ïpï. Daidi Diuxi Gïr Nukadakami kïïga mamaakaitadai gubukarhigai go Suxi sai duduadana ïgai kokokoñiadï aidï.

Lukas 6:17

Daidi ka tïapanakai ïgai gidiañdïrï sai kïïkiba Suxi ïmo gïï dïjoana ojotosadï ïmadï. Dai ami dadatadai mui óídakami bïïxi aipakoga Judeañdïrï dai Jerusalenañdïrï. Dai jaa mïkaxdïrioma dadatadai ïpï kostañdïrï xako Tiroana dai Sidonïrï tïtïgidu gïgïrï kiiki.

Lukas 6:6

Dai ïpï ïmo imidagai ibhïxtaragai tasïrï baa Suxi ïmo kiupaigadïrï judidiu dai ami gatïtïïgidi aatagi bai ami dakatadai ïmo kïïrhi ix makïdï gakixapikatadai ïkadï sïïrhixapadïrï.

Lukas 7:21

Dai aidïpïrï ix ayitadai go ojotosadï Juan ami xako dakatadai go Suxi sai aidïpïrï duduaditadai ïgai mui kokokoñiadï naana maaxi kokodagai bipiakami. Dai bubaitutadai mui diabora tïtïañikarudï odami ïrañdïrï ïpï dai nïadatudaiña mui odami ix makïdï mai nïadatadai ïpï.

Lukas 7:22

Daidi potïtïdai Suxi go ojotosadï Juan, —Mïïka abïr aagida go Juan mïx tumaxi nïidi aapimï dai mïx tumaxi kaï. Podukai maatïkamu ïgai xorai aanï— itïtïdai. —Aagidabïrai tudu sai duduadi aanï odami ix makïdï mai nïayitadai dai xibi ka kïïga nïayi. Dai ix makïdï gogobikïitadai ka kïïga aimïrai. Dai ix makïdï biakatadai go lepra ka kïïga duayi. Dai ix makïdï mai bhaigakana ix kaïkagi ka kïïga kaï. Dai sai duduakaturhi aanï koidadï. Dai sai gï aiturhiña go bhai ïrhiaragai aatagi go soititigami. Podukai maatïkamu go Juan xorai aanï— itïtïdai.

Lukas 8:1

Dai bhodïrï aipakoga aimïraitadai Suxi dai aïjïiña xako kaburhi gukakana bhaabhaki dai gatïtïïgidiña ñoki. Aagaiña ïgai ix dukatai gatïanïi Diuxi. Dai go bhaibuxtama dan goka mamaatïrdamigadï oidiña aipakoga ïpï

Lukas 9:11

Dïï go odami máí dai gamo iji ïpï gaagaitai. Dai ka aïkai go odami ami sai Suxi kïïga miadïgidi xako dakatadai ïgai dai gï aaga aagidi ix dukatai tïanïi Diuxi dai duduadi ix makïdï ïr kokokoñiadïkatadai.

Lukas 9:60

Daidi Suxi potïtïdai, —Dagitoñi sai ix makïdï koidadï gïn duduna iibhïadï sai ïgai yaasana aaduñdï xïxkadï koiyagi. Aapi kïïrhi ix gin oijada ïrhiada aapi gï agai gï agai xi aipako aagadagi xïï kïïga gatïanïi Diuxi— itïtïdai.

VUAANA 18:20

Daidi go Suxi itïtïdai, —Aanï gamamaakaiña ñoki buitapi bïïxi óídakami. Ga mamaakaiña aanï ñoki go gïï kiupiïrï Jerusalenïrï dai gamamaakaiña aanï ñoki ïpï jaa kikiupiïrï xako gïn ïmpaidiña bïïxi go judidiu. Mai ïxtotai aagidi aanï tomarhi ïmo ñoki tudu— itïtïdai.

VUAANA 6:59

Pobai itïtïdai Suxi go judidiu gamaakaitai ñoki go judidiu kiupaigadïrï amïï Kapernaumïrï.

VUAANA 7:1

Dai gokiïrï aipako aimïraitadai Suxi xako Galileïrï tïgidu oidigi dai ka maiti ipïrhi ix imiagi Judeamu. Go judidiu bhaitï gukakami mïï Judeana óídakami mua ïrhiditadai kaxkïdï mai imia ïrhiditadai Suxi gamoko.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Hechos 18:4

Dai Pabora mos ïkarhiïrï aimïraiña judidiu kiupaigadïamu ibhïxtaragai tasïrï. Ami gaatagidiña ïgai go judidiu dai go ix makïdï maiti ïr judidiu ïpï dai aagidiña ïgai Diuxi ñokidï. Kïï sïïrhi aagidiña ïgai sa bhai buaboitudana.

Hechos 20:25

Baasïkioma gïn didibidiña aanï dai gïn aatagidiña ix maaxi tïanïi Diuxi. Dïï aanï aagai sai xibi abhiadïrï bhaitiakoga ka maiti gin nïijadamu aapimï ïpamu.

Hechos 28:31

Mai duadimukatai gamaamakaiña aatagi dai aagidiña ix dukatai tïanïi Diuxi dai aatagidiña aatagidï Suxi Gïr Nukadakami ïpï, mai tipukatai xorai daidagi.

Romanos 10:15

¿Dai dukatai imïna ïmadutai dai mïï aagidagi ix mai tipukagi xorai gaotosdagi? Kaxkïdï tudu Diuxi ñokidï pokaiti aidï, Gia xigiamaaxi odami ix makïdï buapai go bhai ïrhiaraga aatagi, ikaiti Diuxi ñokidï.