Mataibo 4:18 - Northern Tepehuan Bible

¹⁸ Ïmo imidagai go gïï sudagi Galilea tïgidukïdï ugidana aimïraitadai Suxi dai tïï ïgai goka gïn xixïgïmï Ximuñi dai Andïrïxi tïtïgidukami. Go Ximuñi ïr gasukurhi. Dai gokadukatadai tïtiaragadï. Piduru tïgidukatadai ïgai ïpï. Sudaïrï surhigitadai ïgai redigadï dai gabubaidiña ïgai batopa. Podukai gaatabuadana ïgai tudu.

Tepehuan Northern: Diuusi ñiooquidʌ utuducami oodamicʌdʌ

¹⁸ ɅSuusi gʌʌ suudagi ugidiamu sʌʌli imʌitadai Galileeʌrʌ, dai tʌʌ gooca gʌnsiʌʌgʌmʌ. Ʌmoco Simuñi Piiduru tʌʌgidu, dai ʌgʌmai Aandʌrʌsi. Ʌgai ʌrvatopa vuudamicatadai, dai suudarʌ dadaitudai gʌnvatopa vuicaru.

Mataibo 4:18 Iomraidhean Croise

Exodo 3:1

Aidïpïrï go Moises nukadakana Reuél sosoigadï kañiru. Go Reuél gokadu tïtiaradï. Reuél tïgidu ïgai dai Jetero tïgidu ïpï. Ïgai gamamaakaiña ñoki Madianïrï óídakami xi kïï buaboitudagi ïgai. Ïmo imidagai Moises saadatai imïi kañiñiru oidigamu daidi ayi uruñi utapako ïmo tubidaki Horeb tïgidukïdï xako didibai Diuxi.

Exodo 3:10

Xibi aanï gï otosa iñagai xi mïï aatagada aapi buidïrï go Rey amïï Ejipituana xi dagitona ïgai go Israelitas bai bubuakïna ïgai abhiadïrï daidi bhodïrï bubaidamu aapi go Israelitas— itïtïdai Diuxi.

Mataibo 10:2

Tami aagai ix tïtïgidu go ojotosadï Suxi. Ïmoko Ximuñi tïgidu. Ïgai ïr ix makïdï Piduru tïïtï Suxi gokiïrï. Dai ïmai otosadï Suxi Andïrïxi tïgidu. Ïgai ïr sukurhidï go Ximuñi Piduru. Dai ïpï goka ix makïdï Santiago dai Juan tïtïgidu. Ïgai ïr maamaradï go Sebedeo.

Mataibo 15:29

Daidi jii go Suxi abhiadïrï xako atagaitadai ïgai go oki ïmadï dai go gïï sudagi ugidïana sïïrhi daibusai xako Galilea tïgidu gïï sudagi. Dai ayi ïgai ïmo gidana dai ami tïsai ïgai dai ami daiba.

Mataibo 16:18

Daiñi Ximuñi, aapi Piduru tïgidu ïpï, ix makïdï itïiya ïrhidi odai. Dai aanï aagai sai aapikïdï gin aaga iduñimu aanï ïmo gïdukami aaduindagai. Aapi ïpïan dukamika agai ïmo odai ix makïdï dasagi ïmo kïsadami baaki gï aga dasakai simientogadï ïmo baaka. Aapikïdï gin aaga iduñimu aanï ïmo aaduindagai soikïitai mui óídakami saidi gin buaboitudana. Dai ïgai ix makïdï gin buaboitudada agai ïr gin kiupaiga dukaika agai. Ïrana dakamu aanï ïgai kaxkïdï. Dai maitïmu ïgai buidïrï bïïtïkamigadï. Maitïmu ïgai asta go mukigami bui tudu— itïtïdai.

Mataibo 4:19

Dai Suxi potïtïdai aidï, —Aapimï kïkïïrhi, aapimï ïr gaagadami batopa xibi. Gin oidabïrai tudu nai aanï gïn tïïgidamu mïx dukatai gaagana aapimï óídakami bhaiyoma saidi abïnakiada aapimï saidi gin buaboitudana ïgai— itïtïdai go Suxi.

Markos 7:31

Taidi go Suxi nora Tiroañdïrï. Sidoniamu sïïrhi daibusai ïgai dai sïïrhi daibusai xako Dekapolixiana tïgidu oidigi ïpï dai bhodïrï ayi ïgai go gïï sudagi Galilea tïgidukïdï.

Lukas 6:14

Ïmo otosadï Ximuñi tïgidu. Ïgai ïr ix makïdï Piduru tïïtï Suxi gokiïrï. Dai ïmai otosadï Suxi Andïrïxi tïgidu. Ïgai ïr sukurhidï go Ximuñi Piduru. Dai ïmai Jakobo tïgidu, dai ïmai Juan, dai ïmai Pirhi, dai ïmai Bartolomé,

VUAANA 21:1

Dai gokiïrï ïmo imidagai ïpamu gï maaxitu go Suxi mamaatïrdamigadï buitapi go gïï sudagi ugidïrï xako Tiberias tïgidu. Gïn aagidamu aanï ix dukatai gï maaxitu go Suxi.

VUAANA 6:1

Dai gokiïrï Suxi jii baasadïrï go gïï sudagi Galilea tïgidukïdï. Tiberias tïgidukatadai go gïï sudagi ïpï. Dai aidïpïrï ka miadimitadai go judidiu bagimigadï ix makïdï Daibuñigïrï tïgidu. Dai kïïga mui odami oiditadai go Suxi nïiditai go naana maaxi maaxidaragai ix makïdï ibuadana ïgai duduaditai kokokoñiadï. Daidi go Suxi ïmadï mamaatïrdamigadï tïtïsai ïmo gidiana dai ami daraiba.

VUAANA 6:8

Dai ami dakatadai ïmo mamaatïrdamigadï Suxi Andïrïxi tïgidukami, sukurhidï ïgai go Ximuñi Piduru. Daidi itïtïdai ïgai go Suxi,