Mataibo 26:5 - Northern Tepehuan Bible

⁵ Daidi ikaiti ïgai, —Ka daibunukai go bagimi bhïimu aatïmï sai mai bhakoikana odami gïr bui. Ix go bagimiana bhïiyagi aatïmï gïr bui surhigi antaada óídakami tudu— ikaiti ïgai.

Tepehuan Northern: Diuusi ñiooquidʌ utuducami oodamicʌdʌ

⁵ Daidʌ icaiti: ―Baiyoma nʌnʌraca aatʌmʌ vai daivuñiagi gosiaa duudagai tʌtaida bʌiya aatʌmʌ vai maitʌrvui baacoagi oodami ―ascaiti.

Mataibo 26:5 Iomraidhean Croise

Mataibo 14:5

Dai kaxkïdï go rey mua ïrhiditadai go Juan dïï duadikoitadai ïgai ixtumaxi iduñagi go odami. Go odami kïïga xadutudaiña go Juan kaxkïdï. Maatïkatadai go odami saidi go Juan ïr ïmo ñokituldiadamigadï Diuxi tudu. Dai kaxkïdï duadikoitadai go rey ix muagi.

Mataibo 21:26

Daidi ix potïdagi aatïmï sai ïmo odami otoi go Juan dai mai xu Diuxi maa sïïrhikami, aidï gia gï bui bhaakoika antaada go odami. Go odami kïï buaboitudai sai go Juan ïr ïmo ñokituldiadamigadï Diuxi di— Pokaititadai go dudunukami tudu mai maatïkatai ixdukatai aa noraidagi ñoki go Suxi.

Mataibo 27:24

Dai gokïdï ka máí go Pilato sai ka maiti ixtutuidi agai buidïrï go odami mos ïï xigarhi kaititai go odami ijiñakaitai. Dai gatáí ïgai sudagi dai gï iko ami go óídakami buitapi. Podukai maaxituda ïrhiditadai ïgai saidi maiti ïr duñidїka agai xïïxkadï gï muatuda agai go Suxi. Daidi potïtïdai ïgai go óídakami, —Ka maiti ïr gin duñika agai gï aaxtakai ïradï go Suxi gï muatudakai ïgai. Ïïgi aapimï ïr gïn duñika agai gobai— itïtïdai.

Markos 14:12

Bhodïrï ayi go Daibundigïrï bagimi. Daidi go mamaatïrdamigadï Suxi potïtïdai, —¿Bako ipïrhidi aapi tïx bhai duñagi kuadagai pai kuada aapi xibi daibundigïrï?— itïtïdai.

Markos 14:2

Daidi ikaitiña ïgai aidï, —Bhaiyoma daibunukai go xia dudagai bhïimu aatïmï bai mai bakoikagi odami gïr bui— ikaiti ïgai.

Markos 14:27

Dai ami gidana go Suxi maa aatagi go mamaatïrdami daidi potïtïdai, —Aapimï bïïxkatai gin dagito agai xibi tukarï. Ka podukai ojixi di. Go ojai ikaiti sai, Gï muatuda agai go paxturu xi go kañiñiru aipako bopiagai, ikaiti go ojai— itïtïdai Suxi.

Lukas 20:6

Dïï gia xi tïdagi aatïmï sai go Juan maiti ïr ñokituldiadamigadï Diuxi dai sai mosïkaxi odami ïgai dai maa sïïrhikami go Juan aidï gia gïr bui bhakoko antaada óídakami dai gïr maikarsa antaada dai gïr kodagi. Kïïga buaboitudai odami saidi go Juan ïr ñokituldiadamigadï Diuxi di— ikaitimi go bhaitï gukakami.

Lukas 22:7

Dai bhodïrï ka ayi go tasai ixtuigako ibuadana go odami go bagimi ix makïdï go Pan Mai Kopodakami tïgidu. Dai aidï go ïpïgadï tasïrï bagimiïrï kodaiña ïgai go arhi kañiñiru ixtukïdï tïtïitoiña odami go Kïïgakïrï Bubaidaragai ix makïdï ïpï duitadai ïïki.

VUAANA 18:28

Daidi ïki kiamoko go judidiu sandadarugadï baidaja go Suxi kiidïrï go kaigi dai ami go kaigi buidïrï kïsa agai. Pilato tïgidukatadai go kaigi. Dïï aidïpïrï ka miadimitadai go Kïïgakïrï Bubaidaragai Bagimi dai go judidiu bïïtarï daidarxikatadai ix bapakïda ami kiidïrï go kaigi mai judiukatai go kaigi. Ix baakiagi ïmo judiu podukai kiidïrï ïmo ix makïdï maiti ïr judiu saidi as tukurakami dukai bipiïyiña dai ka maiti ixtutuidiña ix kuadagi go bagimiïrï kuadagai. Dai kaxkïdï mai baapa ïrhiditadai go sandadaru ami kiidïrï go kaigi.

Hechos 19:29

Daidi bïïxi Efesoïrï óídakami gin ïmpagi dai naana kaitimi iñakaitai ïpï. Dai muidutai ïgai iji dai mïï bui goka kïkïïrhi Gayo dai Aristarko tïtïgidukami dai gubudakïdï tïbaimuka ïgai salonamu xako ibuadana ïmpaiñdaragai ami óídakami. Go Gayo ïmadï Aristarko xibhïadïrï oitadai go Pabora. Masedoniañdïrï óídakami ïgai.

Hechos 21:38

¿Aidï gia aapi maiti ïr go kïïrhi Ejiptuañdïrï oidakami ix makïdï ïïkioma ïr bui kaatïkamikana gïr gobiernoga aba? Ïgai biakatadai maakoba mirhi kïkïïrhi gakodadami ix makïdï urabakatadai ïgai dai no oidigana ajiopaiña— ikaiti go komandante.

Hechos 4:28

Go dudunukami idui ix makïdï aapi Diuxi ka ïkiaxdïrï gï tïgitotadai xi ïpïduñagi.