Mataibo 26:11 - Northern Tepehuan Bible

¹¹ Daiñi, go soi titiigami toma xïxkadï oidakamu gïn saagida. Dai kïï bhaiga aapimï xi soikïdagi ïgai xïïxkadï ipïrhiadagi aapimï. Dïï gia aanï mai xii tïbïpi dakamu kia gïn ïmadï— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹¹ Soitutuigami vʌʌscʌrʌ viaacamu aapimʌ gʌnsaagida dai aanʌ gia maisiu vʌʌscʌrʌ giñnʌijadamu aapimʌ.

Mataibo 26:11 Iomraidhean Croise

Mataibo 18:20

Aanï gïn ïmadï dakamu toma xako gïn ïmpaidadagi aapimï tudu gin buaboitudaitai aapimï. Tomaxi mosïkaxi gogokatai xiïpï babaikatai gïn ïmpaidadagi aapimï aanï gïn ïmadï dakamu— itïtïdai.

Mataibo 26:10

Dïï gia Suxi maatïkatadai ix kaititadai ïgai. Daidi potïtïdai ïgai, —Dagitobïrai go oki— itïtïdai. —Maiti gï agai xi buidïrï ñokadagi aapimï. Kïïga gin buididi gobai go perfumekïdï tudu.

Mataibo 28:20

Tïïgidabïrai ñoki sai ïïgiada ïgai bïïxi ixtumaxi gïn tïjai aanï. Dai gï agai sai maatïka aapimï sai aanï gïn ïmadï daka iñagai asta xïïxkadï ukami kïakagi oidigi— itïtïdai Suxi. Mosïkaxi.

Markos 14:7

—Daiñi, go soi titiigami toma xïxkadï oidakamu gïn saagida di. Dai kïï bhaiga aapimï xi soikïdagi ïgai mïx xïïxkadï ipïrhiadagi. Dïï aanï gia mai xii tïbïpi dakamu kia gïn ïmadï— itïtïdai.

VUAANA 12:8

—Daiñi, bïïxkïrï oidaka agai soititigami gïn saagida xorai soikïdagi aapimï dïï mos aanï gia ka mai xii tïbïpi gïn ïmadï dakamu kaxkïdï kïïgadu ix gin duñi gobai dai maiti gï agai ix ñokiada aapi— itïtïdai.

VUAANA 13:33

—Aapimï ïr miadïrï gin aaduñi dai kïïga gïn oigïdai aanï— itïtïdai. —Xibi ka mai xii tïbïpi dakamu aanï gïn ïmadï kia. Dai gokiïrï ka imïkai aanï aapimï gin gaagadamu dai maiti gin tïigimu— itïtïdai. —Potïtïdai aanï go judidiu ïpï ïkioma. Dai xibi gia ka aijimi ix imïdagi aanï dai aapimï maiti ixtutiadamu ix gin oidagi.

VUAANA 16:28

Buaboi tudu sai Diuxi gin Ogañdïrï dibia aanï tami oidigi daama. Dai xibi otoma imimu aanï tabhiadïrï dai noragimu amïka xako daja ïgai— itïtïdai.

VUAANA 16:5

Dïï xibi ka karhioga imïda iñagai amïka xako daja Diuxi gin Oga ix makïdï bhaigobai gin otoi dai gï agaitadai ix gin tïkakagi aapimï sa xako imia iñagai dïï tomarhi ïmadutai aapimï maiti gin tïkakai.

VUAANA 17:11

—Gin oga, xibi otoma ka mai oidaka iñagai tanai oidigi daama. Kaxi ïr imïdami aanï amïka xako daja aapi kaxkïdï. Dïï gia gin mamaatïrdamiga ix makïdï aapi gin maa tanaxi bimu go gaa óídakami saagida ix makïdï ïr gï buidïrï bïïtïkami. Aapi gin Oga bïïxi adaama ïr xadutudikïdï kaxkïdï gï daanïi aanï pïsai nukadakana gin mamaatïrdamiga gï gubukarhigakïdï, go baaxi gubukarhigaikïdï tudu ix makïdï gin maa aapi. Soiñañi gin mamaatïrdamiga dai maaka ïmo kïïgadukami urabaragai saidi mos ïmo odami dukaikagi ïgai ïpïan dukai ix aanï ïmadï aapi mos ïr ïmo odami— itïtïdai.

Hechos 3:21

—Dïï gï agadamu kia ix tïbagiïrï biyagi go Suxi asta xïïxkadï Diuxi utuduturhi bïïxi aïkatai ixtuma oidaga. Podukai tudu oja go ñokituldiadamigadï Diuxi ïïki. Kïïga ïïgidi ïgai Diuxi dai oja tudu.

Galatas 2:10

Mosïkaxi gïr aagidi sai apia aagada aatïmï go bhai ïrhiaragai aatagi dai sai soikïiña aatïmï soititigami dai gobai tomax dukai kaxi iduña in ïrhiditadai aanï.

1 Juan 3:17

Dukami, xi kïïga biakagi ïmoko ixtukïdï oidakagi dai nïidagi ïmai ix makïdï mai biakagi, gï agai xi soi gïldagi ïgai bïïtarï dai soiñagi. Ix pokaitadagi ïmoko sai oigïdai jaa ïpïan ïxi ix xïïxi Diuxi oigïdai dïï gia ix mai soiñagi ïgai go jaa aidï gia maiti ïr buaboi sai oigïdai ïgai ix dukai Diuxi oigïdai.