Mataibo 23:12 - Northern Tepehuan Bible

¹² Diuxi dumaltuda agai xorai ïmo gïdukami gï ïrhiadagi ïïgi tudu dïï gia xorai mai gïdukïdï gï ïrhiadagi ïgai gia ïmo gïdukami aagadamu Diuxi— itïtïdai Suxi go odami.

Tepehuan Northern: Diuusi ñiooquidʌ utuducami oodamicʌdʌ

¹² Ʌgai ismaacʌdʌ siooma gʌducʌdʌ gʌʌliadagi ʌgai gia siooma maitʌrgʌducʌdʌcamicamu dai ʌgai ismaacʌdʌ siooma maigʌducʌdʌ gʌʌliadagi ʌgai gia siooma ʌrgʌducʌdʌcamicamu.

Mataibo 23:12 Iomraidhean Croise

Mataibo 18:4

—Dai aanï aagai sai odami ix makïdï ïpïan tutiakagi idi arhi odami mai tïtïanïdami gïn ïrhiditai, ïgai ïr ix makïdï bamioma ïr namïakami Diuxi bïïtarï xïïxkadï gatïanïdagi ïgai— itïtïdai.

Mataibo 5:3

—Aapimï ix makïdï ïr soititigami duu maatïkatai sai tïgito soiñi gïn ibhïdagïrï, aapimï kïïga bia ïmo bhai ïrhiaragai. Diuxi ïr gïn Reyga kaxkïdï dai ïgai gïn tïanïda agai— itïtïdai.

Lukas 14:11

Dai pomaaxi aatabuayi Diuxi ïpï. Daiñi, Diuxi dumaltuda agai bïïxkatai ix makïdï tïka darakïdï gïn ïrhiadagi ïïgi dai ix makïdï dumarhi darakïdï gïn ïrhiadagi ïgai gia Diuxi tïkabioma darasamu— itïtïdai Suxi go gaa bapaidarxikïdï.

Lukas 18:14

Dai aanï aagai sai go taanïdami kuota gia busai go kiupiañdïrï dai jii kiiyamu ka kïïga oigïrhikatai soimaaxkamigadï dai go gïmai ix makïdï kïï tuigakami gï aagaiña ïïgi gia cho. Daiñi, Diuxi dumaltudamu xorai tïkabi gï dasagi ïïgi. Dai Diuxi tïkabi bañidamu xorai dumarhikami gï ïrhiadagi ïïgi ïpï— itïtïdai Suxi.

Santiago 4:6

Dai tomaxi oijada antaadakagi aatïmï ïïgi gïr tïgibudaga soimaaxkïdï Diuxi bïïxkïrï kïï tuiga dai gïr soikïi saidi ïgai oijadiña aatïmï bhaiyoma. Agia kïï tuiga Diuxi gïr bïïtarï. Kaxkïdï pokaiti Diuxi ñokidïrï saidi, Odami ix makïdï gïgïrdukïdï gïn ïrhidi ïr buidïrï bïïtïkamigadï Diuxi. Dai kïï tuiga Diuxi odami bïïtarï ix makïdï mai gïgïrdukïdï gïn ïrhiadagi. Kïïga soikïi ïgai tudu, ikaiti go ojai.

1 Pedro 5:5

Dai aapimï uutu iimïdami, gï agai sai ïïgiada dai xadutuada aapimï go bhaitï gukakamigadï go buaboitudadami ïpï. Gï agai sai mai tïtïanïdami dukai gïn ïrhiadagi aapimï toma lïïchi dai bhaiyoma gï agai sai gïn soikïdagi aapimï aipakoga. Diuxi ojadï ikaiti sai, Buidïrï kaatï Diuxi go odami ix makïdï gïgïrdukïdï gïn ïrhiadagi. Dïï gia soikïi ïgai odami ix makïdï mai gïgïrdukïdï gïn ïrhidi, ikaiti Diuxi ojadï.

1 Pedro 5:6

Sïïrhikïdï gubuka Diuxi tudu. Dai kaxkïdï gï agai sai dagitoagi aapimï saidi gïn tïanïdagi Diuxi mai gïgïrdukïdï gïn ïrhiditai aapimï. Ix pobuadagi aapimï aidï gia xïxkadï Diuxi ipïrhiadagi gïn maakimu ïgai oigaragai saidi gïn xadutuadagi jaa.