Mataibo 2:11 - Northern Tepehuan Bible

¹¹ Daidi ka bapakïkai ïgai ami kiiyïrï tïï ïgai go arhi odami ïmadï dïïdï ix makïdï Maria tïgidu. Dai go mamaatïkami kuiki ami go arhi odami buidïrï dai kïïga xadutugi. Dai kupioka ïgai kajojoño ix makïdï bukatikatadai ïgai dai bubaitu ïgai oidaragai go arhi odami bïïtarï. Oi ïgai oro dai kubhimadarhi dai mira. Gobai oi ïgai go arhi odami tudu xadutudaitai.

Tepehuan Northern: Diuusi ñiooquidʌ utuducami oodamicʌdʌ

¹¹ Dai vaapacʌcai ami quiiyʌrʌ tʌʌ ʌgai ʌali siʌʌñi ʌʌmadu ʌdʌʌdʌ. Dai gʌntootonacʌdʌ guuquiva dai siaa duutuli ʌgai ʌali siʌʌñi dai gooquiʌrʌ cuupioco ʌgai gʌncajojooñiga dai oi ooro, dai cubimadali dai mirra. Mirra ʌrʌmo istumaasi chigian uuvadami.

Mataibo 2:11 Iomraidhean Croise

Genesis 43:11

—Xotuiduna aidï— ikaiti Jakobo. —Aagai ix iimïda aapimï. Dïï gia kostarhiïrï abïr bhïka óídaradï go dunukami. Bïïxi ixtuma bhai gï buayi tanai oidigïrï abïr bhïka lïïlïchi. Bhïkabïrai saiburhi papaigadï dai xigian ubadami maaxi dai uxi ibhiadï maaxi— itïtïdai.

Mataibo 1:18

Gin aagidamu aanï ix dukatai pogïdui tudu dai dibia Suxi tami oidigi daama. Ïmo arhi oki Maria tïgidukami ïr dïïdï. Dai ka bhai duitadai ïgai ñoki sai ïmadï bii agai ïmo kïïrhi Jose tïgidukami. Dïï ka ïkiaxdïrï nonoakatadai go Maria mai kia ïmadï biïkai ïgai go Jose. Diuxi Ibhïadïkïdï nonoakatu ïgai tudu.

Mataibo 12:46

Kia gatïtïïgiditadai Suxi ñoki go mui óídakami ami bai ami ayi dïïdï ïmadï susukurhidï dai nïida ïrhiditadai.

Mataibo 14:33

Daidi bïïxkatai ix makïdï barkoïrï iimïitadai aagidi xadutudaragai ñoki Suxi nïiditai ix dukatai pogïduitadai. Daidi ikaiti ïgai, —Aa gia ïr buaboi saidi ïr Diuxi Maradï aapi— itïtïdai ïgai bïïxkatai.

Mataibo 2:10

baidi go mamaatïkami kïïga bhai gïn ïjïrhi nïiditai xi ami kïkiba go xabugai.

Mataibo 2:2

Daidi potïtïdaiña ïgai go óídakami, —¿Xako daja ïgai ix makïdï xibiapï busai dai ïr Reygadïka agai go Judidiu?— itïtïdaiña. —Tïï aatïmï ïmo xabugai amïï xarhi amakoga ix makïdï ïr ïmo maaxidaragai sai ka busai go Rey ix makïdï go Judidiu nïnïraka ix busiagi dai kaxkïdï dada aatïmï dai gaagai. Tïïgia rïrhidi dai iduña rïrhidi ïmo xadutudaragai ïgai bïïtarï tudu— ikaitiña go mamaatïkami.

Lukas 2:16

Baidi otoma iji ïgai amïka dai tïï ïgai go Maria ïmadï Jose dai go arhi xïïñi ami kaatïkatadai xako gakuadana go kapayo.

Lukas 2:38

Dai kia ñokaitadai go Ximuñi xi ami miadïrï kïkiba go Ana dai aagai xïï bhai gï ïrhidi ïgai Diuxi bïïtarï nïiditai go arhi xïïñi. Dai aidï abhiadïrï aatagidiña ïgai mui odami aagaitai go arhi xïïñi. Aatagidiña ïgai go odami ix makïdï nïnïrakatadai xi dibiagi go kïïgakïrï bubiadami go judidiu bïïtarï tudu.

VUAANA 19:39

Dai ïmo kïïrhi Nikodemo tïgidukami oiditadai go Jose ïpï aidïxi bhïkai ïgai tukugadï Suxi. Go Nikodemo ïr ïgai ix makïdï dibijitadai go Suxi ïmo imidagai tukarï dai xibi bhïkati ïgai parï ïmokobhai dan bhaibuxtama dan maakoba kilo xigian ubadami oiditai go Jose. Go xigian ubadami ïr mira dai sabila duñixikami.

Apokalipsis 19:10

Pobai in tïtïdai ïgai antai totonakïdï kïkiba ïkasodï sonoana xadutuda iñagaitai Diuxi dukai. Dïï mos ïgai pobai in tïtïdai aidï, —Maiti pobuada. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ix makïdï aipakoga aagaiña Suxi Kristo ñokidï. Daiñi, Diuxi ñokituldiadamigadï aatïmï tudu xïïxkadï aagagi aatïmï Suxi Kristo ñokidï. Kaxkïdï gï agai xi mosïkaxi Diuxi xadutuada aatïmï dai maiti gï agai xi Diuxi dukai gin nïijada aapi— in tïtïdai ïgai.

Apokalipsis 5:8

Dai bhïkai ïgai go libro bai go maakoba duduakakami ixtumaxi ïmadï go ïmokobhai dan maakoba bhaitï gukakami bïïxkatai buidïrï kuiki xadutudaitai. Bïïxkatai daagïka ibakarui harpa tïgidukami ixtukïdï ibadagi. Dai daagïi oro ajasokorhi ïpï susudakami kubhimadarhi xigian ubadami ix makïdï ajïi Diuxi buitapi ïpïan dukai xi buaboitudadami daanïdaradï ajïi Diuxi buitapi ïpï. Podukai go kubhimadarhi ïr ïpïan dukami go daañigai ix makïdï aïjïiña Diuxi.