Mataibo 16:1 - Northern Tepehuan Bible

¹ Daidi ïmo imidagai iji chïki fariseos ïmadï saduseos dai mïï nïidi ïgai go Suxi. Dai gïpiïrï daituda ïrhiditadai ïgai go Suxi dai aagidi saidi iduna ïmo maaxidaragai Diuxi gubukarhigadïkïdï sa bhai iduna. Po ïrhiditadai ïgai sai maiti ixtuidimu Suxi xi ibuadagi tudu.

Tepehuan Northern: Diuusi ñiooquidʌ utuducami oodamicʌdʌ

¹ Taidʌ ʌfariseo ʌʌmadu ʌsaduseo mʌʌ nʌidamu ʌSuusi mosnʌijada ʌliditai astuma duuna ʌSuusi gaagaitadai ʌgai isducatai gʌpiʌrʌ vuaajagi dai aagidi saidʌ iduuna ʌmo istumaasi gʌducami Diuusi guvucadadʌcʌdʌ.

Mataibo 16:1 Iomraidhean Croise

Mataibo 12:14

Dïï gia go fariseos mai bhai ïrhi ïgaikïdï dai bubuakai abhai kiupiañdïrï dai otoma bhai dui aatagi ixdukatai muagi go Suxi.

Mataibo 15:1

Daidi bhodïrï dada chïki fariseo ïmadï tïtïïgiadami sïïrhikami Jerusalenañdïrï dai mïï ayi xako dakatadai go Suxi. Daidi potïtïdai ïgai Suxi,

Mataibo 16:6

Dai aidïpïrï go Suxi potïtïdai, —Gïn tïgito abïr nïida tadu bhïiyi aapimï go kopodatudakarui ix makïdï bia go fariseos ïmadï saduceos— itïtïdai.

Mataibo 19:3

Dai ami dada chïki fariseo dai ñokidi ïgai go Suxi. Gaagaitadai ïgai ixtukïdï gïpiïrï daitudagi daidi potïtïdai ïgai, —¿Go sïïrhikamigadï Moises ix bhai maakai xi oigaragai kïkïïrhi sai dagitona aduñdï mos ipïldakai?— itïtïdai.

Mataibo 22:15

Dai bhodïrï maigobai iji go fariseos abhiadïrï xako gaatagatadai Suxi. Ïko iji ïgai dai bhai dui ñoki gaagaitai ixtukïdï gïpiïrï bupadagi go Suxi ixtumaxikïdï aagadagi ïgai.

Mataibo 22:18

Daidi Suxi kïï maatï sai gïpiïrï daituda ïrhidi ïgai dai pokaiti. Daidi potïtïdai ïgai, —Aapimï kïï tutiakami dukai gïn dadasai dai mai kïï tutuiga aapimï. ¿Tui mïxi gin buirumada ïrhidi gïpiïrï gin daituda ïrhiditai go gïï dunukami buidïrï?— itïtïdai.

Mataibo 22:23

Dai aidï tasïrï ami dada chïki Saduseo ïpï ami xako dakatadai go Suxi. Go Saduseos mai buaboitudai sai oidaga duakaragai koidadï bïïtarï. Dai kaxkïdï gatïkakai ïgai go Suxi ïmo xijiakami tïkakaragai go duakaragaikïdï po gï ïrhiditai sai maiti ixtutuidimu Suxi ix kïïga aa noraidagi. Daidi potïtïdai ïgai,

Mataibo 23:2

Daidi potïtïdai ïgai, —Go tïtïïgiadami sïïrhikami ïmadï go fariseos bia sïïrhikami xi gïn soikïdagi sai maatï kaïkagi aapimï go sïïrhikamigadï Moises.

Mataibo 27:62

Pogïdui gobai go tasïrï ix makïdïrï bhai buayi go judidiu bïïxi ixtumaxi go ibhïxtaragai tasïrï bïïtarï. Dai xadiko kaxi ïr go ibhïxtaragai tasïrïkatadai. Dai aidï iji go tïtïanïdamigadï go dadaxdadami ïmadï go fariseos dai mïï nïidi ïgai go Pilato.

Mataibo 5:20

—Kïïga abïr gïn tïgito ajiopada tudu. Daiñi, kïï maatï aapimï sai go fariseos dai go tïtïïgiadami sïïrhikami kabami gïn aajagïiña ïïgida ïrhiditai ïgai go sïïrhikamigadï Diuxi. Podukai bamioma buañixikami óídaga ïgai xi jaa mui óídakami. Dïï gia aanï aagai sai gï agai óídakami sai apia bamioma buañixikagi xi bhai go fariseos. Ïma dukai mai biakamu ïgai oigaragai xi urabagi Diuxi gatïanïitai ïgai— itïtïdai Suxi.

Mataibo 9:11

Dai ami darakatadai ïïmoko ïpï ix makïdï ïr gatïtïïgiadami sïïrhikami daidi ïr fariseos. Dai nïiditai ïgai sai Suxi ïmadï gakuayi soimaaxi ibuadami sai potïtïdai ïgai go mamaatïrdamigadï Suxi, —¿Tuixidï urapïkïi gïn amu galtutiakami odami dai asta gakuayi ïgai ïmadï?— itïtïdai ïgai.

Markos 10:2

Dai ami dada ïïmadutai go Fariseos agaikïdï dai naana tïkakaimi go Suxi sai bhai tïïgana ixtukïdï gïpiïrï buajagi. Daidi ikaitimi ïgai, —¿Bhai ix ïr sïïrhi xi ïmo kïïrhi dagitoagi oñigadï?— astïkakai.

Markos 12:15

—¿Gï agai tïxi tïïgidagi go kuota, ix cho ïpï?— itïtïdai ïgai go Suxi. Dïï mos go Suxi kïï maatï ix mos yaatabogan dukai ñokai ïgai. Daidi potïtïdai aidï, —¿Tui mïxi gin buirumada ïrhidi?— itïtïdai. —Bhaigobai abïr buapa ïmo tuminxi, nïida iñagai ix maaxi— itïtïdai.

Markos 12:18

Bhodïrï ami dada kïkïïrhi ix makïdï Saduseo agaiña odami. Ïgai mai buaboitudai xi oidakagi duakaragai koidadï bïïtarï. Dai ïgai ïpï mos parunadan kaiti dai potïtïdai aidï ïgai go Suxi,

Lukas 10:25

Daidi bhodïrï ami kïkiba ïmo kïïrhi ix makïdï ïr tïtïgiadami go Moises ojadï dai ñokidi ïgai go Suxi. Mos maatïka ïrhiditadai ix bhai kïïga aa noraidana Suxi daidi potïtïdai, —Aapi gïr mamaatïtuldiadamiga, ¿Tumaxi gï agai aanï xi ibuadagi dai kïïgakïrï oidakagi bïïxkïrï bïïtarï?— itïtïdai.

Lukas 11:16

Dai jaa potïtïdaiña go Suxi saidi ibuada ïgai ïmo maaxidaragai dai maaxitudagi ix bia ïgai gubukarhigai tïbagiañdïrï. Nïida ïrhiditadai go odami ix bhai ïr buaboi sai bia ïgai gubukarhigai kaxkïdï.

Lukas 20:23

Dïï gia go Suxi máí sai ïgai buirumada ïrhiditadai daidi potïtïdai,

Lukas 20:27

Daidi ami dada chïki Saduseo. Ïgai mai buaboitudai sai oidaga duakaragai koidadï bïïtarï. Dai kaxkïdï tïkaka ïgai go Suxi dai potïtïdai,

VUAANA 8:6

Potïtïdai ïgai nïidana sa tïna go Suxi. Nïida ïrhiditadai ix bhai ïïgiadamu Suxi go Moises sïïrhikamigadï. Dai ix mai ïïgiada ïgai aidï gia biaka agaitadai ïgai ixtukïdï gïpiïrï buajagi, kaxkïdï potïtïdai. Dïï go Suxi mos kuiki dai gaojai masabigadïkïdï dïbïrapi.

Hechos 4:1

Kia atagaitadai go Piduru dai Juan odami ïmadï dai ami dada chïki dadaxdadami judidiu ïmadï kapitañigadï go gïï kiupiïrï sandadaru ïmadï saduseos.

Hechos 5:17

Daidi go bhaitï kïakami daxdadami judiu ïgamu go ojotoxikami bui. Dai go saduseos ix makïdï urabakatadai go bhaitï kïakami ïgamu ïpï. Tïï ïgai xi go odami ojoidi kaïkatadai atagidï ojotoxikami dai kaxkïdï kabami ïgamu ïgai.

1 Korintios 1:22

Dai go Judidiu pomaaxi ïpï dai mai buaboitudai. Ïgai nïida ïrhidiña naana maaxi maaxidaragai. Ïma dukai mai buaboitudai ïgai. Kaxkïdï mai namïakan dukai nïidi ïgai go bhai ïrhiaragai aatagi. Dai go odami ix makïdï maiti ïr judidiu kaïka ïrhidiña aatagi ix makïdï ïr odami tïgibudadï kïï sastudakami.